آمر لوجين

Part 14

صباحكم عافية..
نرجع نكمل نشر القصه بعد ما كملوا الاغلبيه امتحاناتهم ويا رب كل التوفيق والنجاح

بارت الرابع عشر...

# ##

آمر..

كلبي يريدها وعقلي رافض..
قررت أزواج حتى اطلعها من عقلي وكلبي
نهائيا..
عندي صديق محامي دوم اذا نحتاج شي قانوني هو يرتبه..
مره رحت لمكتبه..
جانت وياه بنيه عرفته بنته..
بعد أيام قررت ازوج واكيد ما بالي وحدي غير لوجين..
فـ من قررت ما عندي احد ..
كلت على هل بنيه
لأهلي..
الكل فرح واخواني واخواتي يهوسن وفرحانين..
بس امي اعيونها دائما تقرأ شنو بينا..
جنت احاول ما اكشف نفسي وقرار الزواج..
يقطع الشك من اليقين..

ثاني يوم قررنا نروح الهم..
بعد اتفاقي وي أهلها..
انصدمت من شفت لوجين تريد تروح ويانه...
وازيد طالعه حلوة بلبسها..
من كل عقلها تريد أخذها وياي
وهما عدهم ولد هو انه اخواني ما ودي
يشوفوها..
وخبلني من امي تكلي مثل اختك..
اتمنيت تعدمني ولا تكول هل كلمه..
نار بكلبي..
ردت ما اروح وألغي كلشي..
هي بالنسبة اليه مو اخت ما اكدر اتقبل هيج كلام..
بس بعد كلام دار بينا..
وهي أشلون تباوع بعيونها..
ما عاجبها الوضع..
اخذت أهلي وطلعت..

بعد كلام..
وافقوا الطرفين على خطوبه..
جانت البنية حلوة وأصغر مني بخمس سنوات..
طبعا تفقت وياهم لكدام..
تترك شغلها وما اعترضوا..
كالوا اخواني ما نتأخر
ما دام متفقين على كلشي..
ضجت من تلميحات امي تركتهم وطلعت..
رحت يم صابرين..
بقيت يمها لثاني يوم..
جنت واكف ابدل واجهز بنفسي حتى مباشرة اخذ الشيخ
واطلع..
وأهلي اهناك انتظرهم..
صابرين بغيرة : حبيبي شنو هل ترتيب والأناقة..
عندك موعد شغل لو شنو..
آمر بعدم اهتمام : لا مو شغل..
صابرين بضوجه : لعد شنو..
آمر : اليوم عقد القران مالتي..
صابرين بصدمه : شنوو
آمر : مثل ما سمعتي
صابرين : واني اهنا شنووو آمر تدري بيه احبك رجاءً لسوي هيج بيه..
آمر بعصبيه مكتومه : اعتقد تعرفين مكانج اهنا شنو فـ رجاءً لا تدخلين بخصوصتي
ولزمي حدودج احسن ما ينتهي كلشي بينا..
صابرين بقهر : زين منو عروس..
آمر بعدم اهتمام : بت صديق الي ما تعرفي..
وهسه صار لازم اروح..
صابرين بدلع : زين شنو رائيك تأجل الموضوع شوية..
واحضرلك سهرة حلوة تعجبك..
آمر باستهززا : ههههه هل سوالف أجليها بعدين وتركي مخططات على جهه..

تركتها وطلعت..

اخذت الشيخ وتوجهت بيتهم..
لكيت أهلي استوهم واصلين..
سحبت نفس وانا اسمع كلام الشيخ على عقد القران ..
واتمنى هل قرار ما اندم عليه..
و اكدر انسى لوجين..
بعد إتمام العقد..
كالوا ادخل يمها..
آمر : ما ادخل
عماد : ليش
آمر : هذا هو المهم عقدنا شايفها وشايفتني بعد شكو..
سجاد : صدك تحجي يخوي هي هاي احلى لحظات بالعمر ادخل ولبس مرتك الذهب وهل أمور..
آمر : كتلكم ما ادخل عود هي تلبسه وحدها..
زياد : آمر فشله من أهلها هسه شكولون يلا خوية انعل الشيطان وادخل..