البارت الرابع..
"للتذكير"
الكل : شنووو؟!
لوجين بابتسامه : آمر
أم عبدالله بدموع : سواها صدك وأختار هل اسم جانت أمنيته يصير عنده ولد يسمي هل اسم
ام لوجين : الله يرحمه
سجاد بضحكه يلطف الجو : إنتاج اخوي حلو شوفوا الخدودي على امهم
زياد بشقه : عينك ولكك صل على محمد وال محمد
الكل بضحكه : اللهم صل على محمد وال محمد..
الكل فرحان بيهم
طلعنا من المستشفى
الولد رجعوا للبصره وعمتي بقت يمنا
بالايام الأولى عمليه والم ف جهال عمتي وامي يهتمون بيهم جان ينام واحد يكعد الثاني
بالبدايه اثنيهم ارضعهم من صدري لان بي فائده للطفل بس بعدين
صرت ارضعهم اثنيهم على ممه لان ما يكفي حليب
الهم بس احيانا دموع ارضعها من صدري وحيل تعلقت بيه دوم بحضني بس انزله تبقى تبجي اخر شي حولتها على ممه وي اخوها
أخذوا كل وقتي طلعت من جو الحزن لان دائما وياها ينام الأول يكعد الثاني
جانت دموع هادئه حتى زينه تنام الا آمر يلزم خفاره الليل كله بس يبجي وابد ما ينام اخر شي كمت ابجي
لوجين بدموع : ماما اشبي ما ينام والله تعبت
أم لوجين بضحكه : كلها جهال هيج
لوجين : اشش يلا نام ي ماما
وهكذا مرت أشهر
طبعا صارت دوره سنه عبدالله بس ما كدرت اروح لأن جهال اصغار وطريق الطويل
كبروا الجهال شويه الا ارتاحيت
جنت بس اريد انام شويه خطيه امي تهتم بيهم من كولشي وتخلي آمر بحضنها ودموع بحضن بابا
علما انام شويه بعدين أخذهم منهم حتى يرتاحون
أهلي ما قصروا خصوصا بابا دائما وياهم كاعد حيل تعلق بيهم وهما كذلك صار عمرهم أشهر يفهمون ويضحكون للمقابل وأهلي حيل فرحانين بيهم دائما إذا الولد طالعين وامي واشجان يشتغلن يبقون عند ابوي دوم ياخذهم يمه ويكعد يلعب وياهم..
لوجين : بابا انطيني إياهم كافي تعبت وانت مريض
ابو لوجين : لا يا بويه خليني متونس بيهم وهم احصل اجر هذوله أيتام اكو احلى من ضحكتهم
لوجين بابتسامه : الله يحفظك النا
ابو لوجين : ويحفظج بنيتي
بهل لحظه دخل صادق..
صادق بصوت : هلا هلا العائله مجتمعه بدوني ما هذه الخيانه
ام لوجين : ولكك صوتك جهال اخترعوا شوكت تعقل انت
لوجين بضحكه : عوفي ماما بالعكس حتى هما فرحانين بي
صادق بغرور : وين تحصلون مثل وجهي بس شوفتي عافيه ملحه البيت اني
اشجان بضحكه : واني حلات البيت
سجاد بشقه : هاا مرتي شو نغريتي مثله وهو يأشر على صادق
لوجين بشقه : واحد ملح واحد شگر جاا اني وجهالي شنو؟
صادق واشجان بنفس لحضه : حامض البيت
اشجان بضحكه : اني حجيت قبلك
صادق : لا اني
ابو لوجين بضحكه : كافي ولكم هاي لوجينه ابنيتي ام البيت
سجاد بشقه : شوفي شوفي يمه يكول لوجين ام البيت راحت معزتج ي ام سجاد
صادق بغمزه ل سجاد : وحتى انتي اشجان قبل شويه يكلج لا تنغرين يعني شقصده انتي مو حلات البيت
سجاد وهي فاتح حلكه ضربه بخفه ابوه على كتفه وهي يكول بضحكه : من حفر حفره لاخيه وقع فيه استلم اليوم اننام بشارع
لوجين : ههههههههه طحتوا بيها
الكل ابتسم على ضحكه لوجين
أم لوجين هي توجهه كلامها ل صادق : زين طلع من وجهك الملاح شي وضحكت هل وجهه الحلو وهي تأشر على لوجين..
اشجان بضحكه : ياا عمه واني مو هم ضحكتها
صادق : يمعوده سكتي تخلي بعد هل تعب اقطنهم بكم فلس انتي رجلج مشبعج اني رجال فقير منتظر إمدادت الاهل..
بهل لحظه ضحكوا آمر ودموع الكل ضحك على ضحكتهم
لوجين بضحكه : اجيبلك ملا كمل الحفله اقصد البجي وحتى جهالي وياك اكعدهم ع واهس
صادق : وهو جهالج شنو مستفاد منهم.. بطفره.. ولجج اشجان اجتني فكره
اشجان باستغرب : شنوو
صادق بتفكير: اخذج انتي وبتج ولوجين وجهالها ونروح نكعد بتقاطع
عود انتي ارمله وعندج كومه جهال ولوجين مشلوله واني أوكف على جهه اكول لناس خطيه هذني محد عدهم و نحصل فوك ١٠٠ الف باليوم شتكولين
سجاد : ايباخ واني مخبل واعوف مرتي واختي تكدي بابا طير
اشجان بضحكه : يي هذا هو اتفقنا مالك دخل ب سجاد مو لوجين نطلع وي صادق..
بهل لحظه دخل محمد
محمد : وين اطلعن وي هذا وهو يأشر على صادق
صادق برفعه حاجب : اولا وعليكم السلام ثانيا هذا إله اسم
محمد وهي يباوع بطرف عين : من تعقل عود احترمك
لوجين : غير ملح البيت من دونه يصير ماصخ خليهن هيج اخاف يعقل ويصير ماصخ
سجاد : يي والله صح عنده اخبالات بس يا ربي مدري ليش محبوب
محمد : هوب هوب بسكم هسه ينفخ ريشاته عليكم
صادق بثقه : كلمه الحق تقال
محمد برفعه حاجب : فديت اخوي الفصيح يي ما كتلي وين تريد تاخذ إشجان ولوجين
صادق برفعه ياخه القميص : نكدي
محمد برفعه حاجب : لا والله حتى ادخلك بأقرب سجن
صادق : شوفي لوجين هذا اخوج عود صار ضابط ورفع خشمه علينا يريد يدخلنا للسجن
محمد بشقه : منو ضحك عليك وكال ادخلهم بس طولك الحلو اشوفه اهناك
صادق بثقه وطفره: عادي دخلني نسيبي العزيز موجود يطلعني..
رفع راسه وهو يشوف دموع لوجين تنزل أدرك على نفسه شنو كال..
محمد بحزن : اترخص أني..
لوجين..
راح محمد لغرفته تقرب مني صادق وسجاد كل واحد بجهه
سجاد وهو يمسح ودموعي : دموعج غاليه يخويه
صادق بقهر : اسف ولله مو بقصدي اذكرج
لوجين بشهكه ودموع : ما ناسيه ولا لحظه
سجاد : كافي يبعد اخوج قوي نفسج وربي ذكرى عبدالله شوفي وجههم شكد حلو هذوله مثل ملاك ربيهم ونعمه التربيه خلي الناس تترحم على ابوهم بالمستقبل
صادق مكمل كلام سجاد : يي لوجين لازم تقوين باجر عكبة سالوا وين بابا او حجوا بي تبقين كل ما ينذكر تبجين مو حل ابد ي خويه عيشي حياتج بضحكتهم وتركي الحزن الإنسان ما ينسى بس الله ينطي نعمه تعوضج بيها يخليج تتناسين الأمر مع الوقت هذا اختبار رب العالمين
إشجان : يي حبيبتي كلام الولد صح لازم اصيرين قويه وتربيهم لا تنسين هذوله مثل امانه عندج الله اخذ روح انطاج اثنين بدالها ربيهم وتعبي عليهم كوني اب وام الهم وهذوله خوالهم يمج ما يقصرون بس أمري وطلبي وهما بظهرج ومن غير عمامهم من يوم ولدتي الان ما قطعوا بيج طول هل أشهر بس يبقى الأول والآخير يعتمد عليج انتي مصدر الإمان والحنيه لاطفال..
ما احس الا احد حضني من وراء درت وجهي طلع محمد وهو دموعه تنزل..
محمد : ما اجذب واكول نسيت عبدالله لا والله دوم اذكره ومشتاق لسوالفه وضحكه وشقه مالته بس تعرفين شي من أشوف ضحكتهم وحركاتهم يذكروني بي. جر نفس وكمل كلامه..
لوجين هذوله نسخه عبدالله لازم تهتمين بيهم كافي خويه بجي حتى اني صح تأذيت على غيابه
بس كل ما احصل اجازه اجي يم جهال يذكروني بابوهم احب اخلص وقتي وياهم..
من اليوم لازم توكفين على رجليج لخاطرهم كوني الهم اب وام تمام...
هزيت راسي ومسح دموعي تقربوا كلهم حضنوني سوه
لوجين : ربي لا يحرمني منكم
من هل لحظه قررت اسند نفسي واهتم بيهم واحاول أعوض مكان الأب والأم تقرب عليهم واني ابوس بوجهم اثنينهم
إشجان بضحكه : يمه راح تاكل جهال
محمد وهو ياخذهم من لوجين ويبوس بيهم : لا اني راح اكلهم
صادق بشقه : جعت من وراكم
سجاد بضحكه : بس لا هم تريد تاكلهم
صادق بشقه : لا اسم الله غير طالعين على امهم حامضين
ابو لوجين بضحكه : كوم منا تحجي على بنيتي اليوم اكل ما الك عود دور على حموضه
لوجين : عوفه بابا ننتظر جهاله اشلون يطلعون مالحين مثله..
وهي توجهه كلامها آمر ودموع وانتم ماما أوصيكم من هسه بس تكبرون كتلوا جهال خالكم صادق لان دائما الحموضه أقوى من ملوحه
مو صح استاذ صادق
صادق : بابا طيري هسه يجون جهالي شحلاتهم شكران والملح بدمهم مثل ابوهم
محمد وهو ياخذ اكلاص مي يشرب منه شويه: اكلكم اكو واحد حمى موو
سجاد : يي والله صارت حماؤه من بعض الناس
محمد وهو يذب المي على صادق : ولا يهمك بردت شويه
صادق بطفره : اشش بارد خرب بيومكك اني الكك انتظري
محمد يسويها طفره وهو يسمع دكت الباب : هههههههه في وقت لاحق
الكل : هههههههه
ضحكت على شقه مالتهم اعرف يردون اطلع من الجو الحزن
سمعت صوت محمد بالباب وهو يكول
.. يا هلا تفضلوا تفضلوا زارتنا البركه
سمعت صوت حماي الجبير وعمتي ام عبدالله
دخلت عمتي يمنا وحماي للاستقبال
أم عبدالله : السلام عليكم
الكل : وعليكم السلام
تقربت عليه حضنتي وبوستني
أم عبدالله : اشلونج يمه اشلونهم جهال
لوجين : الحمد لله انتي اشلونج صحتج
أم عبدالله : اذا انتم بخير انه بخير..
سلمت على أهلي وأخذت الجهال بحضنها تبوس بيهم
راحوا الولد وابوي يم حماي وامي واشجان للمطبخ يحضرن الضيافه
لوجين : بنات اشلونهن الولد
أم عبدالله : الحمد لله يسلمون عليج
لوجين : الله يسلمهم
أم عبدالله وهي تبوس بجهال : يبعد كلبي مشتاقه لشوفتهم
لوجين بابتسامه : الله يحفظج النا
أم عبدالله : ويحفظج يبعد كلبي كبرانين شوفي آمر اشلون طالع على عمامه وابوه ودموع كلها انتي
لوجين بضحكه : يي من هسه ضخم واسمر على ابو وعمامه على عكس دموع ناعمه عليه
أم عبدالله : ولا كانوا بين فتره وفتره اجي اشوفهم خبصتهم خبص كتلهم هسه تودوني لبغداد اريد اشوفهم ميته على شوفتهم
ضحك سجاد كال مو قبل فتره عدهم كتله والله أريد اشوفهم ما عليه
لوجين بابتسامه : كل الهلا بيج باي وقت
أم عبدالله : بس زحمه من اهلج باقيه اهنا وكل فتره اجي هم يردون على راحتهم
لوجين : ياا عمه تحجين صدك والله يفرحون من تجين
أم عبدالله : الله يخليهم..
خلي نروح لبيتكم نكعد بي هل ايام وهم اشبع منكم هم اهناك اريح والولد جهزوا مسواك وكلشي نحتاجه وهم جابوا للجهال الألعاب وحليب وكلشي يحتاجوا
لوجين : والله ممحتاجين شي هذا عندي حليب وكلشي
أم عبدالله : حتلوا يمه هذا واجبهم
لوجين بابتسامه : ما تقصرون..
اجت امي واشجان كعدنا سوه
اجه محمد اخذ الجهال لعمهم يريد يشوفهم
أخذوا بنص ساعه وطلع حماي يريد يرجع للبصره دز على عمتي حجه وياها وراح..
خليت الجهال يمهم ورحت للغرفه جهزت جنطه كلشي نحتاجه لكم يوم..
طبعا بيتي من يوم استشهد عبدالله الان ما دخلت الها لان رحنا للبصره ومن بعدها تعب الحمل وبعدها ولاده والتهيت وي جهال بس بين فتره وفتره تروح امي واشجان ينظفنا ابد ما تركوا وهم حمويني من ولادت الان دوم بين فتره وفتره يجون هما وعمتي
محملين بالحليب حفاضات الألعاب ملابس يحتارون شنو يجبون الهم شكد احجي عليهم واكول هذا عندي بس ما يقبلون يكولون عوفينا فرحانين بيهم
جانت دائما عمتي تبقى ايام يمنا ولد يباتون بيتي
ويأخذون جهال يمهم يشوفهم ويضلون يلعبون وياهم مرات اطلع الهم اسلم عليهم ونسولف شويه بس اذا حماي الجبير ابد ما اطلع من وفاه عبدالله الان ما شايفته..
هل مره ما قبلت عمتي تكول دائما اجي وهم تتقيد يبقى شخص ما يرتاح الا بيته لذلك وافقت نروح لبيتي..
جهزت نفسي وأخذنا الجهال وطلعنا لبيتي نتمشى لان قريب بعد خمس ابيوت..
اول ما وصلنا للباب كلبي نقبض واني اذكر كل ذكرى بهل البيت
دخلنا واني دموعي تنزل مثل الشلال واني اباوع بكل زوايا بالبيت اهنا ضحكنا اهنا اكلنا بكل مكان ذكرى دخلت للمطبخ واني اذكر من جنت احمي الأكل وهو يضحك اشلون بس اهتم بي وما اطبخ
دخلت لغرفه نوم مالتنا واني صرت اشهك واني اباوع للمكان حضني بي قبل لا يروح وهو يغلط وضايج اشلون راح يداوم ويعوفني
لوجين بشهكات ودموع : وينك عبدالله مو كلت ما امل منج وما اعوفج ليش عفتني
تقربت عليه عمتي وحضنتني
أم عبدالله بدموع : كافي يمه اني ما جبتج لهنا حتى تبجين كافي لخاطر جهالج شوفي اشلون صافنين بوجهج ومبرطمين
لوجين بشهكه : مو بيدي
أم عبدالله : شو كومي اذا تبقين هيج هسه نرجع يلا..
هزيت راسي بلا وكمت غسلت واني اذكر كلامهم لازم اقوى حتى اربي آمر ودموع رحت بوستهم وعمتي ابتسمت بوجهي فدوه شكد حنينه ولا كانوا ام زوجي مثل حنيه الام وازيد..
كمت رتبت البيت صح ما يحتاج إهواي لان دائما أهلي ايدهم بي
بدلت للجهال وتركتهم يم عمتي
دخلت للمطبخ طبخت عشه النا
بعدها اذن صلينا وجهال يمنا يلعبون وعلامه راحه آمبينه على وجهم
بعدها حضرت العشه وعمتي وياي ابد ما تتركني
كعدنا نتعشى بعدها بنات اتصلن كعدنا نسولف ونضحك
وهيج مرت الايام ورجعت عمتي للبصره واني لأهلي
كبروا جهال وصار عمرهم سنه
بابا حيل متعلق بيهم وين ما يطلع ياخذهم وياه
وهما فرحانين من غير الولد يطبون يطلعون يشلون بيهم ويشترون الهم
دائما على تواصل يومي اني اتصل بعيالي وهما يتصلون عليه واحد يسولف لثاني عن روتينيه
نسوان حمويني وحمواتي مثل اخوات صارن الي
من غير عمتي بس حنيه مالتها تكفي الولد كذلك ابد ما قطعوا كل فتره يجون بغداد وفرحانين بجهال
لحد اجه يوم كامل
آمر بس يبجي شلع كلبي
اشجان : لوجين اخذي لجيرانه هاي مره تعرف تسوي متن خاف ممتون لذلك يبجي
لوجين بحيره : والله ما اعرف..
اشجان :خلي دموع عندي واخذي
لوجين : فدوه اروح الج ما انسى وكفتج ويايه
اشجان : اخوات احنا
فعلا رحنا اني وامي للمريه
المره : ماممتون الطفل
لوجين بدموع : يمه ابني راح يموت من البجي اشبيك ي ماما
المره : ادراره يطلع
لوجين : هاا
أم لوجين : والله ما منتبهين يخيه لان تعرفين حفاضات
المره : عنده العافيه ان شاء الله..
رجعنا للبيت واحنا نحاول نسكت بي وما يسكت
احس روحي راحت عليه وهو مفرفح واني ما بيدي شي
اتصلت عليه غفران مرت حماي
لوجين : الوو
غفران : هلا كلبي شخبارج الجهال اشلونهم
لوجين : الحمد لله انتم اشلونكم
غفران : الحمد لله هذا صوت منو يبجي
لوجين : اوف هذا آمر ما اعرف اشبي من الصبح لسه يبجي
غفران : ياا سوده عليه
لوجين : اسم الله عليج كلبي اخذي راحتج ان شاء الله غير وقت نحجي
غفران : الله وياج حبي طمنيني على آمر
لوجين : ان شاء الله..
فصلت الاتصال واني محتاره ب آمر الكل يحاول يسكت بي ماكو فائده
عيالي عرفوا من غفران وكل شوي واحد يتصل ثاني يوم عمتي اتصلت عليه وكالت اخذي لدكتور لا تسكتين عنه
وفعلا للعصر رحنا اني وامي لدكتور طلب تحليل
رحنا للمختبر طلبوا درار وآمر بس يبجي ما يدرر
بقينا من ساعه اربعه العصر لثمانيه بالليل وهو ماكو بس يبجي
اخر شي الدكتور كال لعشره اذا ما درر ندخله المستشفى
واني روحي راحت عليه ..
¥__________¥
كُلّ تنهيدة هي بمثابة ..
جُرعة حياة تخرج من المرء!
بقلمي : الكاتبه لافندر 🤍🫀
التصويت لطفا*
أنت تقرأ
آمر لوجين
General Fictionماذا لو اجتمع في مكان واحد.. الحب والموت الزواج والطلاق الثقة والخيانه تملك والكره تمسك والانفصال فـ من يخسر؟! "هل القلب ينبض بعد الموت" "وماذا يحصل بعد گسر الثقة والخيانه" " من هو أقوى الكره ام التملك" والى اي طرف تشد الأحداث كل هذا سنعرفه في م...
