SWEET ACCIDENT - COMPLETED 2015

Chapter 2

Ilang minuto na yatang nagtitigan sila Text at Verdanah. Hindi niya alam kung bakit ang lakas ng appeal ng binata sa kanya. Oo na, the guy was so damn hot. Pero ang aura at mukha talaga nito ang sobrang nagustuhan niya sa lalaki. Parang ang hirap magkasala sa harap nito. He has this angelic face na sobrang inosente talaga kung tititigan ng maagi.

He was tall and has a body to die for. Para sa kanya lang naman. Hindi kasi 'yon 'yong klase ng katawan na maraming muscle at 'yong buff na talaga. Tama lang at masarap sa mata. Napakurap-kurap siya ng ilang beses. Pero bakit gusto kong magkasala?

Muntik na niyang kutusan ang sarili sa naisip. At kailan pa siya lumandi ng bongga? Siya sa Verdanah D'cruze na hopeless romantic pero never had a boyfriend since birth at ngayon pinagnanasaan ang lalaking ngayon lang niya nakilala at mukhang malaki pa ang fear kay Lord. De wow! Anong nangyayari saken?

Pero hindi talaga niya mapigilan ang sarili na tignan ang kabuuan nito. Parang may kung anong kamanyakan forces na nagko-control sa kanya. Kanina pa 'yong pagnanasa na nararamdaman niya. Wala naman 'yon kanina. May nakain ba siyang eklabo at lumalandi siya ng ganito? Hindi niya talaga maintindihan ang sarili. Kapag nabasa ng Daddy niya ang isip niya baka tirisin nito lahat ng brain cells niya sa utak. Swear! Nahihindik ako sa pinag-iisip ko. Tulad ngayon gusto ko bigla hawakan at haplosin ang matipuno nitong dibdib.

Napatili siya sa isip. Ang yuck ko!

"H-Hey," Text tried to get closer to her pero pinigilan niya ito. "A-Are you okay?"

"Hindi ako okay! Nababaliw ako. Nakikita mo ba? Pansin mo, diba?" sunod-sunod na sagot niya. Halata namang nababaliw na talaga siya. "I can't understand myself. Para akong nasasaniban ng espiritu ni Megan Fox. Gusto kong magpa-sexy." Naiiyak ako sa pinagsasabi ko. Naloloka na talaga siya.

Kumunot naman ang noo nito.

"H-Hey relax," sinubukan ulit nitong lapitan siya pero tumili ulit siya. Napangiwi ito at napaatras ulit. "Relax. Take a deep breath."

"Paano ko gagawin 'yon?" hysterical na siya. Nagulo niya ang buhok. "Hindi mabuksan ang pinto at hindi ko alam kung bakit? Kung bakit ba naman kasi sa cheap na hotel pa 'to si Pepsy naisipang pumunta? At ikaw!" dinuro niya ito ng isang daliri. "Bakit naligo ka? May balak ka 'no?"

He was taken aback.

"No," hinuli nito ang tingin niya.

Hindi niya alam kung bakit lumakas bigla ang tibok ng puso niya. Nababaliw na yata siya dahil may pagnanasa siyang nakikita sa mga mata nito. Minamanyak ng hotel na 'to ang inosente niyang isip.

"Hindi ko alam," iniwas nito ang tingin. "Naiinitan ako. I don't know... there is something weird I'm feeling -"

"Aalis na ako!"

"Wait!"

Akmang tatalikuran na niya ito nang bigla nitong hawakan ang isang kamay niya. Napasinghap siya nang bigla itong madulas at nasama siya nito. Dahil nga cheap lang ang hotel na 'yon kaya no carpeted ang sahig 'yan tuloy at nabasa ang tiles na sahig dahil sa tumutulong buhok nito.

Napapikit siya nang maramdaman niya ang impact ng pagbagsak nila. Narinig niyang umungol si Text. Madaling naimulat niya ang mga mata. Bad move dahil lalo lang nanlaki ang mga mata niya nang mapansin kung saan nag-landing ang mga kamay niya. On his freaken perfect chest! Yakap siya nito habang nasa itaas siya nito.

Naibalik niya ang tingin sa mukha nito. Sakto namang naimulat na nito ang mga mata kaya imbes na lumayo siya ay napatili lang siya. Pero mas nagulat siya sa sunod na ginawa ni Text. Bigla siya nitong hinalikan sa mga labi. Lalayo sana siya nang pailaliman nito ang halik. Hindi niya alam kung bakit 'di na niya itinuloy ang balak. Sa halip ay gumanti siya ng halik.