SWEET ACCIDENT - COMPLETED 2015

Chapter 4

Pepsi san ka na bruha ka? - Danah

Send to Text's number.

Para namang baliw na napangiti si Danah sa kawalan. Hindi niya alam kung paano nalaman ni Text kung saan siya nakatira. Hula niya ay baka nakita nito ang mga ads ng My4ever Wedding sa mga magazines. Kung hindi naman doon ay baka sa recent family cover issue ng pamilya nila sa Style Philippines. De wow! May alam pala ako. Tangeks!

Basta naiinis siya dahil 'di man lang ito nagpaparamdam sa kanya simula nang pumunta ito sa bahay nila. Bigla na lang nag-disappear ang mabait na alien. 'Ni hindi man lang nadalaw sa office ng My4ever. Tinignan niya ang screen ng phone niya. Lalo lang siyang nabanas. Hindi man lang nag-reply ng wrong send ka at who u?

"'De huwag kang mag-reply!" singhal niya sa pobreng cell phone na hawak.

"Hoy bruha!" naingat ni Danah ang tingin sa kaibigang si Pepsy. May hawak itong dalawang orange clearbooks. Mahilig ito sa kulay orange. Hardcore orange lover. "Nababaliw ka na ba?"

"Hindi pa," nakasimangot na sagot niya.

Matalik na kaibigan niya si Pepsy since high school. Pagkatapos nilang mag-college ay naisipan nilang magtayo ng business na 'di naman masyadong related sa kursong kinuha nila sa University of St. Benedict (USB). Nakatapos siya ng Communication in Multimedia Arts samantalang Education naman ang tinapos ni Pepsy. Medyo nagamit rin naman niya ang natutunan niya sa multimedia.

Kung ang mommy niya magaling sa pagsusulat ng mga horror movies. Siya namang kinabaliktaran niya. Mas nahilig siya sa mga cheesy at romantic na kwento. She's not good in writing cheesy love stories pero nakakagawa naman siya ng mga unique at unforgettable wedding concepts.

At since hopelessly romantic din ang bestfriend niyang si Pepsy ay ginawa naman nitong part time ang pagtuturo at mas naging hands on sa pagiging wedding event organizer ng My4ever. Siya naman, mas naging hands on sa mga pre-wedding photographs. Personal na siya ang hahawak sa camera at kukuha sa mga shots. Sa kanilang magkakapatid ay siya lang ang nabaliw sa photography. Si Font sa paintbrush. Si Print sa sewing machine. Si Paper sa mga pogay na mga kaklase.

Minsan iniisip niya na bakla si Print. Pambabae kasi lahat ng mga drawing nitong designs. Pero ang loko nang tapatin niya sinuntok siya sa panga. Nabanas siya sa kapatid kaya itinali niya sa gate ng bahay. Busit din ang 'sang 'yon eh. Masamang magtanong?

Ang kapatid niya namang si Paper 'di niya alam kung talento ang pagkabaliw nun. Hina-hunting ba naman lahat ng Pogay sa buong mundo. Gusto daw kasi makapag-asawa ng kagaya ng daddy niya. Well, goodluck nalang sa kanya at nag-iisa lang 'yang Daddy nila.

"Kabanas!" sabay na napatingin sila ni Pepsy kay Colt. May nakapatong na tuwalya sa ulo nito. Ang tuwalya ni Colt laging nasa ulo nito 'yon. Hindi nito 'yon tinatanggal. Ewan anong konek nun sa utak nito. "Ang sakit na nang mata ko!" Kinusot-kusot nito ang mga mata.

Colt is another friend of ours. Nakilala nila ito noong nagsisimula palang sila ni Pepsy. He's the My4ever official wedding cinematographer. Meaning, siya ang taga-edit at kumukuha ng mga pre-wedding videos for trailers at sa mismong event na talaga. Wala gaano itong ikuno-kwento sa kanila tungkol sa buhay nito. Okay lang naman, wala din naman silang pakialam. Mabait naman ito. Weird nga lang. Saka ang importante tatlo silang yumayaman. Three years na ang My4ever at sa tatlong taon na 'yon ay marami na silang naging kliyente. 'De wow! Lumalaban.

"Hoy Colt 'yong wedding trailer nila Bebe at Jun-Jun na saan na?!" duro ni Pepsy.

"Langya ang sakit sa mata ng mukha ni Jun-Jun. Ang hirap tapusin." Umupo ito sa tabi ni Danah. Nasa private lounge silang tatlo ng My4ever. Exclusively ay sa kanilang tatlo lang 'yon. "Para akong nanonood ng horror."