الجميلة والوحش

#الجميلة_والوحش
الشخصيات ونبدة عن الرواية

تحكي قصتنا عن بنت عمياء وفائمة في الجمال كانت كأنها أميرة من الأميرات اسمها ليلى وعندها بوها متوفي  اسمه خليل ومرت بوها نعيمة وعندها خوت من مرت بوها نضال ومراد وشجن

بطلنا الملقب بالوحش شكله وحش عكس الجمال شين بمعني الكلمة كيف مايقولوا مايتبرق فيه ملقبينه بالوحش نسبة لقباحة وجهه اسمه قيس وحيد ماعنداش حد عايش بروحه 
عنده صديق واحد بس الوحيد لكان مصاحبه والباقي كلهم يخافوا منه مايصاحبوش فيه اسمه جلال صديقه من الصغر عايش معاه من صغره وعارف حياته كيف

في يوم من الأيام جلال دق عالباب مافي. حد رد عليه نهض الدواسة لقدام الباب خدي المفتاح وفتحه القي قيس راقد عالسرير ...قرب منه معقولة ياوحش (كان صديقه الوحيد يقوله وحش ومايحرجش منه) هكي من بكري ندق وأنت راقد قرب منه القاه يإن ويتنفس بصعوبة ... قرب منه ياراجل نوض بلاش جو
قيس أنا بنموت خلاص 💔 شكلي بنودع وقعد يكح 😵‍💫
جلال رعش مع بعضه وين بتموت لمن بتخليني
قيس ابتسم بألم هو عندي حد غيرك في هالدنيا أنا موتي أحسن من حياتي
جلال تي نوض ياوحش بتتزوج وبتعيش حياتك مازال العمر قدامك
قيس تنفس بعمق .... خليني بنرقد أنا تعبان
جلال ماعندكش دواء حرارة في الحوش
قيس لا

جلال حطله كمادات كل مرة غيرهم لعند نجيك باهي ...طلع للصيدلية جابلة دواء حرارة ومضاد
كلا قيس تقول الموت زايراته اليوم مايقدر يحرك حتى ايده
رجع جلال وخش يجري هيا نوض نوض فتحله الدواء وشربهله وغيرله الكمادات وزادله ثلج
وقعد خليل يعاني فيه مسيكين

أما عند بطلتنا ليلى في المطبخ تجهز في الفطور للعيلة
ومرت بوها نعيمة كيف ناضت تتكسل هي وبنتها
نعيمة خشت هيا هيا الفطور وأنتي مرخية
ليلى رغم أنها عمياء لكن تعرف الطيب والضم وعارفة كل زوايا الحوش وبالأجبار من مرت بوها الدير غصب عنها
مشت للمطبخ حاضر شوي يوتي ... تتلمس لفي التلاجة والطلع ومشت للدولاب طلعت طاجين الدحي ومساته تتأكد من أنه هو لتبيه وحطاته عالغاز وولعت النار ومشت للزيت صبت منه من كتر ماحافظة حفظت حتى كمية الزيت لتصبها من غير ماتشوف من كتر هزايب مرت بوها تعد من واحد للعشرة وأكثر على حسب شن حاطة والطفي أو تحرك أو أي شي ...رجعت للتلاجة طلعت الدحي وخدت صونية وحركاته وصباته في الطاجين ... 1 2 3 4 ....10 وقلباته وهكدا للجهة التانية وحطاته في صونية واتجهت للطاولة وحطاته ... ليشوفها في المطبخ الطيب مستحيل يصدق أنها عمياء
خش نضال صباح الخير للول
ليلى ههههههه نضال صباح النور هيا ارفع الصفرة ولاحقاتك بالشاهي
نضال قديش مرة قلتلك راجيني نساعدك
ليلى ان شاء الله مرة ثانية خلاص كملت وبعدين أنا خلاص تعودت
نضال ااااااه سبحان الله ياليلى عندك بصيرة تشوفي بيها أحسن من لعنده عيون ويشوف ويشوف لأمه وأخته
نعيمة شن قصدك قول عليه وخلاص هذا مافوق قاعدة عايشة معانا
نضال هذا حوش بوها زي ماهو حوش بوي وين تبيها تمشي
ليلى قربت من نضال وحركت راسها بلا تبيه يمنع من المناقشة في هالمواضيع العقيمة نهايتها هزايب وطرايح تاكلهم من نعيمة نضال صح يحب أخته لكن يخدم ومش ديما معاهم طول النهار
نعيمة بدينا في الدراما عاد هيا هيا افطر واطلع مش ناقصك هو (نعيمة كانت ماتحبش ولدها نضال على خاطر يحب ليلى عكس مراد ليتبع في أمه ويسمع في كلامها لأنه قاعد صغير )

جلال شاف جبهة قيس الحرارة نخفضت وقيس رقد وارتاح ...قيس قيس
قيس هممممم
جلال أنا طالع وشوي وجاي باهي
قيس باهي حتى ماتجيش عادي وراك أمك وأهلك
جلال عيب عليك من لينا غير بعض  ...هيا أنا طالع مانعطلش
قيس هز براسه وغمض عيونه
.
.
.
يتبع أعطوني رأيكم في المقدمة وايديكم عالتفاعل للحلقات القادمة