#الجميلة_والوحش
الحلقة 15
نضال: خش للحوش وين قيس
ليلى: مشي لجلال بوه في المستشفى
نضال :خيره
ليلى: قال بيديروله قسطرة
نضال: تو نشوف من يرفعني لما كنت في المستشفى ماخلانيش
ليلى: ايه كيف بتمشي
نضال: تو نكلم ولد خالتي يرفعني
ليلى: تمام
مراد: طلع ارفعني معاك نضال أنا مليت
نضال: مش فاضي بيك
مراد: بتوسل أرجوك
نضال: اووووووف هيا السقد قدامي ... كلم ولد خالته خديجة ورفعهم للمستشفى
اسمه معتز: ... ان شاء الله لاباس
نضال: وهو نازل الله لايوريك باس عندي واحد هنا بوه مريض بنزوره
معتز: مادام هكي حتى أنا بننزل عاد زيارة المريض ونستحمدوله عالسلامة
نضال: باهي انزل
نزلوا الثلاثة
نضال: اتصل بقيس الو قيس وينكم
قيس: أنا في المصحة مع جلال
نضال: ايه عارف أنا في المصحة وينكم بالزبط
قيس: توا يوتوا في عمي رمضان بيدخلوه للعمليات في غرفة 45
نضال: تمام اهو جايين
مشوا وين ماقاللهم قيس وسلموا واستحمدوا
قيس: معتز
معتز: قيس شن الدير هنا
نضال :أنتم الاثنين تعرفوا بعضكم
معتز: هذوما أصدقاء الكلية زمان
نضال: وأنا كنت جاي بنعرفكم وطلعتوا تعرفوا بعض غريبة ماعمركش قلتلي عليهم
طلع جلال: شاف لمعتز سلم عليه معناها عمي رمضان هو لمريض
جلال: وأنت ليش جاي امالا
معتز: اتصل بيا نضال قالي تعال أرفعني وجبته وسألته قال جاي نزور في واحد بوه مريض قلت حتى ننزل نستحمد ونأخد اجر زيارة المريض لكن باهي طلعنا معرفة
جلال: ايه صدفة
قيس: باهي لجيت لينا سنين على بعض
وفي هالوقت طلعوا عمكم رمضان ورفعوه للعمليات
وعند نعيمة: مبوية في الحوش ومستغربة في الهدوء مشت للمربوعة دقت دقت مافتحلها حد اتصلت بنضال ... وينكم يانضال
نضال: أمي أنا في المستشفى
معتز: هذي خالتي
نضال: ايه هي
نعيمة: من معاك
معتز: خدي التلفون الو خالتي: كيف حالك
نعيمة: الو معتز صح
معتز: هههههههه ايه أنا
نعيمة :أمتى روحت
معتز :امس العشية
نعيمة: باهي الحمدلله على السلامة عطيني المصروع نضال
معتز: أمتى تبطلي هالكلمات ياخالتي ومده لنضال
نعيمة: توا تقولي شن الدير في المستشفى وشن يدير ولد خالتك معاك
نضال: نزوروا في مريض
نعيمة: أختك وين
نضال: ابتعد عليهم ... تو بتقوليلي خايفة علينا بعد مارميتينا برا البارح
نعيمة: بنفاد صبر قلتلك أختك وين
نضال: عند ليلى وين بتكون يعني
نعيمة: والفرفوط الثاني
نضال: اهو جاي معاي مايسمع كان طوط طوط خدت الزبدة وسكرت
نعيمة: هذا وأنا نسحن عليهم وهما ماشيين لأختهم السندريلا
وعند ليلى وشجن
شجن: أنا خاطري نتعلم نطيب لكن أمي مابتش تعلمني
ليلى: أفتحي التلفزيون وتفرجي
شجن: اممممممم ايه يجوز
ليلى: تعالي ديما عندي قولي لنضال يجيبك ومنها نعلمك
شجن :ابتسمت بسعادة أكيد بس بعدها تذكرت أمها ههههههه احتمال بعد هالفرصة ماعاد نحصل
ليلى: قصدك على أمك مش حتخليك
شجن: ايه
ليلى: عادي تو نجيكم أنا
أنت تقرأ
الجميلة والوحش
Misterio / Suspensoرواية ليبية تحكي عن راجل ملقب بالوحش وفتاة حسناء الوجه عمياء
