#الجميلة_والوحش
الحلقة 8
طبعا نعيمة طلعت وتشوف في الدنيا لعايشة فيها ليلى ومش مركزة انه فيه حد بره ويشوف فيها تحسرمت وروحت
وصلت للحوش لاقتها بنتها
شجن وين كنتي يأمي
نعيمة كنت عند سندريلا
شجن هههههههه شن استاحشتيها امالا
نعيمة على شن بنستاحشها تي كان تشوفي الحوش الحوش تقول قصر غير من برا ساد يفتح العين لمغمضة خسارة فيها
شجن أنتي مش تبي تفتكي منها اهو افتكينا منها ان شاء الله تعيش في قصور انتلانتس مادخلناش فيها
نعيمة بعد تفكير ايه صح المهم ماعاد نبي نشوف صباحها قدامي بلا فكه كلا يجي اهو تو أنتي ندورلك نصيب يكون أغنى منه تعيشي وتعيشينا معاك
شجن والله بعد نعيش في قصر ماعاد نبي شي
نعيمة وحياتك ياشجن وكان ندور حوش حوش لبنلقاهلك الغني وخلي الفقر لليلى
(الحسد يؤدي الإنسان إلى التهلكة من أخطر وأشد أنواع الحسد على الرزق زي ماصاير لنعيمة نتابعوا شن بيصير فيها وراء حسدها )
بعد ماروحت نعيمة
قيس هيا مع السلامة
جلال تي غير وين ماشي قاعدين نهدرزوا
قيس مش ناقصك عندي ماندير مش زيك طول الوقت ماد خليقتك في الحوش
جلال تمنن بيا يامعفن تعالى جاي
وقعدوا يجروا وراء بعضهم
قيس مشي يطق عالباب ... ليلى افتحي انقدي راجلك جاه الموت
ليلى فتحت وجلال وصل فيه وشده ومد يده وبيضربه قعد واقف زي الأهبل قدامها
ليلى خيركم شن فيه
جلال طلقه والله هالمرة نجيت منها احتراما ليك قدام مرتك
قيس امشي امشي خير مانغبرها عليك
جلال تحشم من ليلى ومشي
ليلى ههههههههه خيركم
قيس كنت نبصر مع جلال قعد يجري وراي تو معقولة راجلك يناجي بيك هذا وين تفتحيله
ليلى شن تحسابني طيارة نجريلك بعدين أكيد أبصر شن قلتله كمهذا مايجريش وراك
قيس كيف عرفتي مرات هو لقال
ليلى لا إذا هو لقال مفروض أنت لتجري وراه مش العكس
قيس خشي خشي خير مانغبرها على راسك حتى أنتي ودار روحه زعلان
ليلى دير روحك زعلان على فكرة أنا مش حنشوفك حتى بنتسخف عليك 😌
قيس تم تم ديري لتبيه
ليلى وهي ماشية للمطبخ أنت ماعندك ماديرلي لأنه بنعيط بعدها وبنلم عليك الناس 😂😂
قيس جي بيرد عليها رن تلفونه ... الو السلام عليكم
الراجل أنت قيس ###
قيس ايه ان شاء الله تفضل
الراجل نسيبك اسمه نضال ### في المستشفى داير حادث واحني خدينا رقمك من تلفونه
قيس شاف لليلى باهي في أما مستشفى
الراجل في مستشفى العام ###
قيس اهو جاي سكر منه ... البسي ياليلى بسرعة
ليلى مشت ركبت لبست وبعدها نزلت لوين رافعني
قيس بنحطك عند خالتي فاطمة صارلي خدمة ضرورية ومانقدرش نخليك بروحك
ليلى باهي تمام
وصلها لعند فاطمة ودخلتها داخل وطلعت لحقت على قيس قبل مايطلع ... قيس قيس
قيس نعم ياخالتي
فاطمة خيرك شن فيك ياقيس
قيس خو ليلى داير حادث في المستشفى وأنا ماخبرتش ليلى قلت نشوفه قبل
فاطمة تمام طمني اتصل بيا
قيس حاضر وطلع للمستشفى
فاطمة ان شاء الله ربي يلطف بيه يارب
أنت تقرأ
الجميلة والوحش
Misterio / Suspensoرواية ليبية تحكي عن راجل ملقب بالوحش وفتاة حسناء الوجه عمياء
