#الجميلة_والوحش
الحلقة 27
جلال: كيف يعني ياعامر شن الدير عند السحارة
عامر: ناوية تبي تسحرك وهي كانت ساحراتك كل هالسنين زي مافهمت منها وتوا أنت ياعمي السحر لعندك بطل ... واعطاهم فيديو اعتراف سعاد بكل عمايلها كيف سحرت وكيف خططت
رمضان: يعني أنا بعدي على فاطمة وجلال مش برغبتي لأنه مسحور
عامر: على حسب كلامها للأسف امشي لشيخ وزيد تأكد وطمن روحك
رمضان: ان شاء الله بارك الله فيك ياولدي بارك الله فيك
طلع جلال: روح ببوه للحوش وهو بين يصدق أو مايصدق يشوف لبوه كيف فرحان ومتفاءل مشي لأمه بيحكيلها القصة وهي تقرر قرار حاسم زي هذا وليه وجهة نظر ثانية إنه هو كان مش على عقله الله غالب
وصل للحوش... أمي أمي
فاطمة: وينك ياجلال خليتك قاعد طرت دورتك مالقيتك
جلال: أمي قعمزي هنا وخلي نتكلم معاك وأنتي قرري
فاطمة: خير شن فيه بوك فيه حاجة قيس ليلى
جلال: لا مافيهم شي كلهم بخير
فاطمة: قول رعشتني
جلال: بدي يسردلها في الحكاية ومافيها ... لعند مرواحته توا
فاطمة: هيييي الناس لقاطعة يدها من ربي تستاهل هذي جازاتها لكن ياناري عالصغار بيقعدوا بدون أم يالطيف
جلال: يقعدوا مايصيرلهم شي اهو أنا من غير بو وأحسن ليهم من أم بانية حوشها وحياتها بالسحر
فاطمة: رمضان مايستاهلش لصار فيه
جلال: لا احني لنستاهلوا لصار فينا
فاطمة: مهما كان يقعد بوك جلال لين قلبك أنا ماعلمتكش تكون هكي صح
جلال: بس هو خلاني نقعد هكي
في أمريكا عندهم قيس صبح اتصل بيه المستشفى طلبوا منه يمشيلهم هو وليلى
قيس: ليلى
ليلى: نعم
قيس: الدكتور طلب يشوفنا ياليلى أكيد صار حاجة ممكن لقوا متبرع
ليلى: ان شاء الله وأخيرا
قيس: خدي ولده وتاه واتصل بسراج انه بيحطوا الولد عندهم
مشوا حطوا محمد عند سراج وانطلقوا للمستشفى وخشوا للدكتور
الدكتور: مرحبا أستاذ قيس
قيس: اهلا دكتور كيف الحال
الدكتور: بابتسامة عريضة بخير مد يديه للكراسي تفضلوا بالجلوس
قيس: هل هناك أي مشكلة
الدكتور :حظ المسترس حظٌ جيد لقد حصلنا متبرع لكلتا العينين في غضون أسبوع واحد وإذا لايوجد عندكما مانع نجري العملية غدا
قيس: الحمدلله الحمدلله ... حسنا غدا هي العملية
الدكتور: مدله ورقة هذي مجموعة فحوصات عليكما بإجراؤهما قبل العملية
قيس: حسنا شكرا لك
الدكتور: ابتسم على الرحب والسعة
قيس: هيا ليلى نمشوا للتحاليل
ليلى: طلعت معاه خيره في حاجة
قيس: في تحاليل بنديروهم لأنه غدوا بيديرولك عملية الزرع
ليلى: بصيحة فزع قصدك خلاص غدوا غدوا عالأكيد بنشوف
قيس: وهو ماسك يدها ايه غدوا ان شاء الله
ليلى: باهي العملية هنا أكيد مكلفة هلبا
قيس: آخر مرة تتكلمي عليه الموضوع هذا أنا حالتي متيسرة والحمدلله ليش مانديرلكش عملية في أحسن مكان
ليلى: باهي خلاص سكتت
نزلوا داروا لفحوصات وردوهم للدكتور وطمنهم انه مافيش أي مشاكل وأكدوا عالعملية الساعة 10 الصبح
طلعوا خدوا ولدهم وخبروهم عالعملية وروحوا
قيس: نخبروهم العيلة
ليلى: لا خليها مفاجأة
قيس: تمام مفاجأة
ليلى: قيس أنا خايفة من العملية
قيس: هههههههههه زي الصغار تخافي وليش تخافي
ليلى: هكي قلبي مش مطمن مش عارفة حاسة برهبة مش عارفة شعور ملخبط
قيس: طبطب عليها ماتاكليش هم أنا مش حنسيبك تمام لعند تخشي وأول ماتطلعي تلقيني قدامك طول تمام
ليلى: تمام
في الوقت كان رمضان راقد ويفكر شن بيدير هل من الممكن لو يمشي يعتذر لفاطمة ممكن تسامحه بس لو هي سامحاته هو من الممكن يسامحه جلال لا أعتقد ذلك
خش ولده الصغير اسمه علي: بابا وين ماما
رمضان: ماما مشت ماعاد بتجي
علي: بس أنا نبي ماما
رمضان: تو نجيبلك ماما ثانية وأحسن من ماما الأولى كان متأمل من فاطمة
علي: إذا كان ماتضربنيش عادي تجي حتى ماما ثانية
رمضان: دناله شوي تعال أرقد بجنبي
علي: هييييي وجي رقد جنبه غمض عيونه بعدين فتحهم بابا أنا اليوم فرحان
رمضان: كان مغمض عيونه وبعدها فتحهم ليش
علي: رقد على جنبه لأنه راقد بجنبك وعالسرير 🙂
رمضان: تعال ديما ارقد بحداي تمام
علي: بتفكير تمام خلاص هذا مكاني
رمضان: ههههههه ضحك عليه وعلى روحه وعلى تفكير الصغار بسرعة ماينسوا شن الموضوع وحتى الناس وتقدري تغيري تفكيرهم ... ياريت نقدر ننسى والنسي الناس لظلمتها معاي زي توا غمض عيونه ورقد بحزن وألم
في الصبح الثاني عند أمريكا :
سراج وعلياء طلبوا يمشوا معاهم بيحضروا العملية وليلى تبي أول ماتفتح عيونها تشوف قيس ومحمد رفعوه معاهم دخلوا ليلى دارولها دخول ولبسوها زي العمليات
علياء: هدي بالك ياليلى اطمني حتنجح العملية وأنا متفائلة بك هلبا
ليلى: ابتسمت رغم خوفها بس أنا خايفة كل هالأمل بعدها مايصير شي
علياء: طبطبت على يدها خلي أملك في الله كبير وتوكلي على الله وخشي
ليلى: ان شاء الله
خدوا ليلى ودخلوها للعمليات ولعوا الضي وبدت العملية ....
قيس برا متوتر هلبا يمشي ويجي وعلياء شادة محمد وتدعي لليلى ربي يفتح عويناتها وبشوفة ولدها وراجلها
كلا سراج: كان شايف وعارف خوف قيس من شني وليش متوتر مشاله قيس قعمز شوي دوختلي راسي
قيس: مش قادر نقعمز
سراج: مدله شيشة اميه اشرب وهدي روحك العملية ساهلة ماتستاهلش وبعد ماتنوض وتشوفك احكيلها لصار ومش أنت قلت لخالتي فاطمة تخبرها أكيد تعرف بالموضوع فلهذا اطمن
قيس: أنا مش مطمن
قعدت العملية ثلاث ساعات وطلع الدكتور
قيس: طمننا يادكتور
الدكتور: العملية مبدئيا ممتازة ولن نعرف النتيجة لعند ننتظر المريضة تستيقظ ونكشف عن حالة عيونها
قيس: حسنا شكرا لك
الدكتور: ابتسم ومشي في حال سبيله شوي وطلعوا ليلى لغرفتها وقعدت علياء بجنبها ومحمد راقد
بعد ساعة ليلى: تحرك شوي وناضت ... قيس علياء
علياء: نعم ليلى أنا هنا
ليلى: وين قيس
علياء: شكله تحشم مني طلع اهو قدام الباب
ليلى: اطمنت شن صار في عيوني
علياء: نجحت العملية لكن لين نشوفوك بعد مانحولوا الشاش نتأكدوا من نظرك
ليلى: يعني في أمل
علياء: الأمل دائما خليك متفائلة بس ياليلى
مر الوقت صبح الصبح على ليبيا
رمضان: مشي لشيخ الجامع حكاله قصته لصارت كلها
الشيخ: عطاه ميه متاع رقية وقاله سيق بيها الحوش وعالبيبان والرواشن وأشرب منها وان شاء الله بما أنه السحر مبطل اطمن مافيه شي
رمضان: معناها خلاص نحلت مشكلتي
الشيخ: أكيد ومرتك الأولى ردها بفاتحة لأنك كنت بسحر وليس بيدك شي
رمضان: هذا لبنديره ان شاءالله
مغرب أمريكا
جي الدكتور وخش معاه قيس ومعاه زوز ممرضات
الدكتور: مرحبا كيف حالكِ
علياء: سألك الدكتور كيف حالك
ليلى: الحمدلله
علياء: إنها بخير
الدكتور: بدي يحول في الفاشة من على عيونها وبعدها دار الضي عليهم ... حسنا اطلبي منها أن تفتح عينيها ببطئ
علياء: ليلى توا حاولي تفتحي عيونك بالشوية تمام
ليلى: هزت براسها تمام
فتحت عيونها بالشوي
علياء: شن تشوفي
ليلى :....
.
.
.
يتبع خلوا توقعات غدا
أنت تقرأ
الجميلة والوحش
Bí ẩn / Giật gânرواية ليبية تحكي عن راجل ملقب بالوحش وفتاة حسناء الوجه عمياء
