الجميلة والوحش

الجميلة والوحش 12

#الجميلة_والوحش
الحلقة 12

خيجة: ايوا منصور تعال روح بيا
منصور: اهو جايك
شوي ورن عليها
خديجة: شن وصلت
منضور: ايه قدام الحوش
خديجة سلمت على شجن
شجن: خالتي بالله اقعدي ماتسمعيش كلامها أمي
خديجة: نقعد لما الديري عقلك في راسك ليلى شن دارتلك حتى تكرهيها بالعكس هي والله كانت حطتكم فوق رفوف الراحة تو تشوفي شن دستلك نعيمة لتهزي في راسك وراها تقولي غير يرجع يوم وتكون ليلى معاي
شجن: مش عاجبها الكلام ماردت شي
خديجة: راس يابس المن بتطلعي يعني هيا مع السلامة

ركبت مع راجلها
منصور: مش على أساس بتروحي في الليل شن غير رايك
خديجة: أختي نعيمة وعارفها تعاركت أنا وياها واتصلت وروحت
منصور: ربي يهديها أختك هذي والله ماجاية كان على راسها كمهذا مدايرة راسها براس بنت يتيمة
خديجة :والله كلا أنا فرحت لتزوجت فتكت من نكد أختي والله حتى من وجيهة يضحك متهنية معاه
منصور: ايه لكن غريبة تزوجت واحد الناس كله تخاف منه مسميينا وحش لدرجة
خديجة: واضح غاصبتها أختي كمهذا هي وين راته ولا شبحاته

قيس: جاب الصونية وهذا الغداء تفضلي ياست الكل
ليلى: شدت الكاشيك أنا جاهزة 
قيس: قيمي بصدق ايوا عارفكم بالطلعوا تطييبكم هو الحلو
ليلى: غير خليني نبدا وأنت بديت طول
قيس :باهي ياسيدي هيا كولي

ليلى: خدت الكاشيك وكلت منها ... شن ناسي فيها
قيس: حطيت الزيت الطماطم الفلفل والملل... نسيت الملح
ليلى: هههههه جيبلنا ملح وبعدها ندقوا مرة ثانية بالك تطلع اشبح شن ناسيلنا ثاني
قيس: ناض جاب الملح وقعد يرش عليها ويحرك لا ملح بس والباقي كله حطيته تي أنا عارفك غير بالطلعي مكرونتي ماتنفعش
ليلى: شدت ضحكتها أنا ماقلت شي 🙄

كملوا غداهم ليلى: بجديات ماكلتكم ماتتقارنش بشي بجنب تطييبنا
قيس: تو الكلام هذا نعتبره مدح او ذم
ليلى: قصدي أنتم الأفضل طبعا
قيس: أكيد وبكل فخر
ليلى: ياكبدي كان تجينا تطييبة مرة في الشهر نديروا زيكم وأحسن منكم لكن احني كبودنا فادة من المطبخ

شجن: أمي مش معقولة تتكلمي مع خالتي وماشديتيهاش حتى أنها تقعد
نعيمة: أنا ليدافع على ماتتسمى مانبيشي
هذا كله
ونضال: راقد مايعلم بشي هو ومراد
ناض على صوتهن ... خير شن فيه
نعيمة: اهو شرفنا الثاني كله على خاطر هالسندريلا بيطلعوني أنا لماننفعش
نضال :فعلا الكلام لو تعاملي فيها كويس مافيش حد جي جيهتك بالك تحسابيني ناسيها لمش حاسبها الراجل تي تخضرت وتصفرت خاش بزوز طواسي هو تحشم وقال مانبيش
نعيمة: أحسن من قالك حاسباته أنا ولا مدايرتله شان
نضال: هو جاي مش ايديه فاضيات جايب مايتسمى فمك وطول ماأنا في المستشفى هو قاعد معاي لعند روح بيا وفي الأخير ماليشي شان لا والله عليك حالة طلع وقربع الباب
نعيمة :ريتي ريتي هذا كله على خاطرها
شجن: لأول مرة تشوف لأمها بنظرة مش عاجبها الكلام مشت وسيبتها
نعيمة: تعالي جاي بالك مش عاجبك كان رقد معاه في المستشفى معناها هو كويس لا ياماما
مراد: رغم صغر سنه أمي ليش ماتحبيش ليلى
نعيمة: بالله امشي من بحدا وجهي ناقصك غير أنت
مراد: بما أنه ماخلاش خوي نضال بروحه معناها هو راجل كويس وطلع قربع الباب زي خوه نضال
نعيمة: شوفوا شوفوا على هالشوفة صغير في بلادنا هالفرفوط يقولي هكي ومعاها يقربع الباب والله لما نوريكم أنا هكي تسيبوني

سكرت الباب  بالمفتاح وقعمزت عالتلفزيون تتفرج ولا على بالها

مراد: لحق على نضال يجري نضال نضال
نضال: تلفتله خيرك طالع هكي في الصقع
مراد :تعاركت مع أمي على خاطرك أنت وليلى وقربعت الباب زيك توا أمي حامقة منه شن نديروا
نضال: يا والله عليك حالة احتمال نهايتنا في الشارع
مراد: نمشوا لليلى
نضال: وين بنمشولها ماعنديش سيارة
مراد: وينها سيارتك
نضال: درت بيها الحادث وباعها جلال في الرابش
مراد: اتصل بقيس يرفعنا
نضال: يعني أنت مُصِر عالمشي
مراد: ايه خاطري بنمشي

اتصل نضال بقيس
في وقتها كانوا قيس في الصالة وليلى تغسل في الماعين
قيس: الو نضال كيف حالك توا
نضال: والله شن بنقولك هذا مراد يبي يشوف ليلى لو فيها كيف تجي ترفعنا من بكري يبي يجيها وماعنديش سيارة
قيس: شاف ليلى ابتسم ... باهي اهو جايكم ... ليلى ليلى
ليلى: طلعت تنشف في ايديها نعم قيس
قيس: أنا طالع شوي وجاي
ليلى باهي

ولع السيارة ومشي لحوش نسابته وصل بيبلهم
مشي مراد سلم على قيس وانطلقوا
قيس: مراد وين تبينا نمشوا قبل مانروحوا للحوش
مراد: شبح لنضال وقيس ركز فيه
قيس: قول من غير ماتشوف لنضال
مراد: نبي مدينة الألعاب قديش ليا نقوللهم أرفعوني مايبوش
نضال: فنص فيه أمتى صار الكلام هذا
قيس :حاضر اليوم كله تحت أمرك ياسيد مراد

قيس مشي للحوش استنوني هنا شوي ونجي خش قيس من هنا ونضال: تلفت لمراد أمتى تبطلها عادة الطلبة مش عيب كيف تطلب منه أنت تبي أختك بس
مراد: زعل بس هو قال وين وأنا قلتله المكان لخاطري نمشيله تو يجي نقوله خلاص روح بينا للحوش

قيس: خش الحوش ليلى ليلى
ليلى: فيسع ماجيت وين مشيت
قيس: البسي عبايتك عندنا مشوار
ليلى: ان شاء الله خير
قيس :ابتسم خير خير غير اركبي بسرعة
ليلى: ركبت لبست ونزلت
ومشوا ركبوا للسيارة وقيس فتحلها الباب
وركبت ونقز عليها مراد: .... ليلى
ليلى: حضناته مراد حبيبي
نضال: خيرني أنا مافيش نضال حبيبي
قيس: هههههههه
ليلى: قيس ليش ماقلتليش أنا تفاجأت
مراد: ليلى اليوم قيس بيرفعنا لمدينة الملاهي
ليلى: حقا وقرصاته من شدوقه وأنت قديش ليك تبي تمشيلها
مراد: بوجه زعلان  ايه صح كنا نبوا نمشوا أنا وشجن وأمي ماخلتناش ونضال مش فاضي
قيس: اتصلوا بيها نرفعوها على طريقنا
نضال: لالا خليها تو نرفعهم مرة ثانية
قيس: على كيفكم

وصلوا للملاهي خشوا وشروا التداكر كان يد قيس مافارقتش يد ليلى كأنه خايف عليها تريح منه
نضال: مشي مع مراد يبي يركب في الألعاب
قيس: تبي تركبي في لعبة ليلى
ليلى: لالا ندوخ مانقدرش
قيس: باهي تعالي نقعمزوا على وحدة من هالطاولات مابين لعب مراد

نضال: جاهم وجايبلها قهوة وقعمز معاهم ... مراد من الفرحة لين ماعرفش وين يبدا في أما لعبة
قيس: هذا وقتهم الصغار
ليلى: حلوة أيام الطفولة
قيس :تدكر أيام طفولته نصها سعيد والنص الثاني مشت في المستشفى وألم وقهر ووحدة بس دائما يسمح لنفسه بتدكر الأيام لقبل الحادت بس لأنها الجانب الوحيد الحلو في حياته ... ايه صح حلوة الأيام

مراد :جاهم يجري نضال نضال
نضال: خيرك توا
مراد: نبي اميه عطشت
نضال: باهي تعالى نشريلك اميه

ليلى ابتسمت 🙂
قيس: ليش تبتسمي 🙄
ليلى: اليوم حلو ونهايته أحلى معاك ومع خوتي أكثر الأشخاص ليحبهم قلبي
قيس: يعني أنتي تحبيني
ليلى: وليش لا مانحبكش

نضال: الفرخ هذا دوته طويلة
.
.
.
يتبع