الجميلة والوحش

الجميلة والوحش 28

#الجميلة_والوحش
الحلقة 28

علياء: افتحي عيونك بشوي ليلى
ليلى: هزت براسها وفتحت عيونها
علياء: شن تشوفي ياليلى
هذا كله تحت أنظار قيس ويستنى في ردة فعلها (وجعني هالقيس مسكين )
ليلى: شبحت من قوة الضي غمضت عيونها وبدت تقتح وتسكر في عيونها من قوة الضي لأول مرة تشوفه في حياتها ولأول مرة تبصر
دكتور: اسأليها ماذا ترى
علياء: شن تشوفي ياليلى
ليلى: نهارت بالبكاء وتلفتت لعلياء أنا نشوف ياعلياء أنتي قدامي وقعدت تمس في يدها ولفتت للجهة الثانية شافت راجل اشمئزت من شكله وحالته ... علياء وين قيس
علياء قيس هو
قيس: شاف لعلياء وحرك راسه بمعنى ماتقوليلهاش انه أنا
علياء: هو ااااا شوفي ولدك حمودي ومدتلها محمد
ليلى: شافت ارتباك علياء بس شافت ولدها لأول مرة تشوفه ... علياء اااا هذا ولدي صح
علياء :ههههههه ايه ولدك ياليلى حلو صح
ليلى: حلو وهلبا
علياء :توا حان الوقت لتشوفي جمال أمه
ليلى: ايه نسيت روحي
علياء: فتحت شنطتها وطلعتلها مراية ومدتهلها شوفي
ليلى: قعدت تمس في وجهه أنا مش مصدقة ياعلياء
طلع قيس: هو والدكتور ويشرحله شن يدير وشن مايدير
ليلى: وين قيس
علياء: حسمت الأمر وناضت تنادي على قيس وخدت منها محمد

شوي وخش قيس
ليلى: أنت مني وين قيس
قيس: ماأصعبه من موقف حبيبك قدامك ومش قادر يتعرف عليك أنا قيس للأسف
ليلى: لالا أنت تكذب عليه مش أنت قيس مستحيل
قيس: للأسف أنا هو قيس
ليلى :بعياط أطلع برا أنت ضحكت عليه اطلع
قيس: هدّا باله وطلع مقعمز على أول كرسي وحط يديه على راسه ويفكر شن يدير وشن ممكن نهايته مع ليلى كان هادئ لأنه متوقع ردة فعلها وهو لجاب الشي هذا لروحه هو لدارلها عملية عشان تشوف

سراج: جي لقيس صار لخايف منه صح
قيس: صار فعلا لكن مش نادم كيف ماتبي يصير هي حياتها حرة فيها
سراج: معقولة تستهين بحياتك عندك عادي
قيس: أنا لجبتها وأنا لخليتها تشوف عادي أستعديت للأسوء
سراج :دير لتبيه ياقيس وأنا معاك وعلياء معاكم
قيس: ابتسم رغم الوجع والألم

ليلى: قعدت تفكر في قيس لطلع شكله مش زي مامتوقعاته توجع خيبة الأمل لما تتوقع شي وبعدين تشوف شي ثاني بشكل عكسي كليا

جي الدكتور: لقيس المسترس يمكنها الخروج الآن فهي بحالة جيدة
قيس: حسنا سأوقع على أوراق الخروج

نزل قيس: للاستعلامات خلص المستشفى ووقع الأوراق وركب
قيس: خش لغرفة ليلى ليلى هيا بتروحي عطوك خروج
ليلى: مانبيش نروح معاك أنت مش قيس
علياء: هذا قيس ياليلى
ليلى: ليش ضحكتوا عليه
قيس: أشر لعلياء تطلع ... أنا ماضحكتش عليك أنا مش عيل حتى نستغفلك نبهت عمتي فاطمة تقولك انه تخبرك عندي تشوه وكم من مرة النبه فيها تخبرك على مشكلتي ولما روحت قالت خبرتكم والقصة مانعلمش بعدين ليش أنت ماتعرفيش أنا لليوم كنت نحسابك تعلمي وراضية بيا لكن للأسف توا نوضي روحي ونوصلوا لليبيا ديري لتبيه توا احني في بلاد غير بلادنا تمام
ليلى: هزت براسها وساكتة ناضت جهزت روحها وخشت ليلى ورفعت الشنطة وليلى خدت محمد وطلعوا وهي ولا كلمة
وصلوا للحوش شوية وعلياء روحت وقعدت ليلى وقيس بروحهم
قيس: ليلى
ليلى: مانبيش منك كلمة نروحوا ليبيا لحوش أهلي طول
قيس: كنت بنقولك غدوا طيارتنا وطلع
ليلى: حست بالكلمة جرحتها لكن مش زي ماهي جرحاته في قلبه وزي جرحه لبعد سنين حس بالدنيا بدت تضحكله وحياتها تغيرت وكون عائلة سعيد بيها لكن في يوم خسر كل شي

قيس: اتصل بجلال
جلال: وينك ياقيس ليك قديش يوم ماعاد دورت
قيس: غدوا طيارتنا ان شاء الله مروحين نوصلوا بعد غدوا الصبح
جلال: توصلوا بالسلامة
قيس: شكرا شن صار في بوك
جلال: بدون نية نية قاعد
قيس: باهي توا مع السلامة

يوم مرواحة قيس وليلى نزلت الطيارة على الأراضي الليبية ونزلوا كملوا أوراقهم وخدوا شناطيهم وكان جلال: يستنى فيهم سلم على قيس الحمدلله عالسلامتكم
قيس: الله يسلمك وين السيارة
جلال: اهي قدام شوي مالقيت وين ندرس
قيس: خدي الشناطي ومشي وليلى وراه تمشي عادي بدون أي مساعدة
جلال: ليلى كيف تمشي بروحك شن حتى المطار حفظتيه
ليلى: ضحكت على جلال لا نشوف قدامي
جلال؛ واقف ويشوف في قيس
قيس: لتفكر فيه صح دارت عملية وقعدت تشوف
جلال: معقولة ماتخبرنيش لتوا
قيس: ابتسم بألم خليناها مفاجأة
جلال: باهي حسابك في الحوش

ركبوا للسيارة واتجهوا لمنطقتهم
قيس: وصلنا لحوش خليل ### قبل
جلال: مستغرب مايحسابش توقعات قيس صارت مشي وهو ساكت
وصلوا ونزلت ليلى وهي تشوف لحوش بوها واتجهت للباب ودقت
وقيس: نزل الشناطي متاع ليلى ومحمد وحطهم بحداها وهي يشوف فيها ومتأمل منها تقوله نروح معاك لكن هي ولا كلمة
فتح الباب القاه نضال
ليلى: تشوف فيه كويس ...نضال
نضال: وكيف عرفتيني أكيد من كثر ماستاحشتيني
ليلى: لا أنا شايفاتك قدامي
نضال: حضنها الحمدلله عالسلامة ليلى بجد أنتي تشوفي
ليلى: اهو لابس سورية خضراء وسروال بيج
نضال: يشوف لروحه صح ماعنديش كلام يعبر عن لبنقوله اااا كل الكلمات راحن فرحتلك هلبا والله وخدي منها محمد هيا خشي
وطلع شاف قيس سلم عليه الحمدلله عالسلامة قيس
قيس: ابتسم الله يسلمك اهو ليلى وصلتكم
نضال: اطمن الأمان وصلت شكرا ليك قيس الفرحة على وجه ليلى ماعمريش شفتها زي توا
قيس: ابتسم بألم هذا واجبي صح
نضال: بفرحة مش سايعاته أكيد هيا تفضل
قيس: لا والله أنا جيت هنا طول وجلال يستنى برا
نضال: اليوم مسموحلك لكن مرة ثانية لا
قيس: في خاطره هذا إذا كان قعد فيها مرة ثانية حاضر ان شاء الله طلع قيس: وخش نضال للحوش

القي ليلى: تسلم على شجن
شجن: الحمدلله عالسلامة
ليلى: الله يسلمك وين خالتي نعيمة ومراد
شجن: أمي ماشية لجداي مريضة ومراد في المدرسة وأنا غايبة
ليلى: مشت علقت عبايتها وقعمزت
وشجن: على غير العادة حركت ليلى مش طبيعية تمشي وتركز بعيونها ليلى خيرك
نضال: خش ماباركتيلهاش ليلى بدت تشوف ياشجن دارت عملية
شجن: نقزت عليها واخيرا واخيرا
ليلى: غير بالشوي عليه
شجن: ليش ماخبرتيناش
ليلى: قلت نخليها مفاجأة ليكم
شجن: أحلى مفاجاة وشد محمد ياوخيتي ماستاحشتك نبيه أسبوع عندي وان شاء الله يكمل اشتياقي ليه
ليلى: لا تخافي قاعدتلك حتى أنا
شجن: ليلى شن فيه أنا عارفة هالوجه بعد صاير شي شن يقعد حاله
ليلى: أنا ماكنتش نعرف أنه قيس هكي شكله وهو ضحك عليه ماخبرنيش
شجن: لو ضحك عليك معناها احني قلنا ضحكنا عليك بما أنه كلنا نشوفوا فيه
ليلى: هو صاحب الشان ليخبرني مش حد غيره
شجن: يعني هذا كلامك كل لداره قيس ليك ولينا ملحق على مشاكلنا مع أمي ورفعك سفرك برا ودارلك عيون هذا كله عدا على خاطر شكله ماتوقعتك هكي ياليلى البنت البسيطة هكي تفكيرك
.
.
.
يتبع