الجميلة والوحش

الجميلة والوحش 21

#الجميلة_والوحش
الحلقة 21

شرب القهوة جلال
قيس: بس بنقولك شن كان تزوجت حتسكنها مع أمك أو كيف الراي
جلال: غير توافق هيوبعدها ساهل
قيس: ماتقولش أني مستصغرك بس أول شي يبو حوش عمل حكومي سيارة هذا أهم حاجات تحطهن قدامك وبعدها توكل مش غير خليها توافق وبعدها اقعد راجي دير حل لعمرك قبل

داخل عند شجن وليلى
شجن: هذا ليسموا فيه جلال مايروحش من عندكم
ليلى: خيره
شجن: أربعة وعشرين ساعة وهو هنا
ليلى: شن من البعد لضاربه يطلع من الحوش خطوتين ويوصل فينا هذا عنده كأنه يدهور في الحوش
شجن: هههههههه قوية
ليلى: شكت وأنتي ليش تسألي عليه
شجن: ااااا اه بس نسأل ديما لما نجي نلقاه جاي بس
ليلى: بنقولك ياشجن دخليلي الدبش لمنشور جف خلى نطبقه فيه منه بنرفعه
شجن: تمام

جلال: هيا اهو بنروح ونفكر في لبنديره في قصة هالحوش
قيس: تم تبي أي مساعدة قولي
جلال: ساد بالديرلي عرس مانبي شي ثاني
قيس: هههههههه قلت لو وافقوا ماقلتش لأي عروس
جلال: باهي فهمنا المهم أنت خيرك متشاءم
قيس: تي حي عليك من أمها بتدبحك دبح ويأشرله بيده زي الموس ويمشي فيها على رقبته
جلال: بالله ساد ماعاد ترعشني ترا خلي نروح لما بتمشي كلمني
قيس: اقعد تغدى بالك الناديلك على عمتك نعيمة توريك أيام سود
جلال: خلاص خلاص ماعاد نبيها شدوا بنتكم وطلع يجري

قيس: خش يضحك عليه
ليلى: خير ان شاء الله
قيس: نضحك على جلال المهبول قلتله اقعد تغدى هرب
ليلى: قلتله تغدى أو معاها كلام قبلها
قيس: ليلى لفاهمتني صاحبا هايم وعشقان ويبي بنت السلطان
ليلى: جت في بالها شجن ضحكت من هي هذي
قيس: كان تتوقعي من هي مش حتحرزي من
ليلى: ابتسم شجن
قيس: ووووو مايفوت عليك شي قصدك هي حكتلك حاجة
ليلى: لا بس توقعات بس
قيس: وين حمودي
ليلى: رفعاته شجن للدار بيرقد
قيس: هيا حطيلنا الغداء خلى النادي على عديلي يتغدى معاي
ليلى :حاضر كل شي إلا عديل راجلي

ليلى: شجن شجن
شجن ؛كانت الطبطب على محمد لرقد ونزلت نعم ليلى
ليلى: تعالي بنحطوا الغداء جلال قاعد مع قيس
شجن: تحمد في ربي إنها أختها مش حتشبحها لما تتوتر لما تسمع اسمه
ليلى: الطلع في الصواني سبحان الله جلال نحس فيه زي وخيي وسلفي من كثر ماهو قريب لقيس
شجن: زيدي على بيا ... ههههههه ايه عاد وهو اربعة وعشرين ساعة لاصق فيكم بتحسوه بعد شوي حتى ولدكم
ليلى: ههههههه أنتي شفتيه جلال شن رايك فيه
شجن: ولد في حاله شن رايي فيه يعني شن دخلني بيه
ليلى: لو تقدملك حد بعمر قيس توافقي
شجن: مانعرفش ليسمعك تقول عليه بالطوابير تي هو ليسمع أني بنت نعيمة بيطفش وبطفشني معاها
ليلى: ههههههههه نعرف من كلامك عادي تم
شجن: شن قصتك من التلميحات
ليلى: أنا أختك صح قوليلي شن تحسي باتجاه جلال سؤالاتك عليه مش بلاش
شجن: قصدك أنا مفضوحة للدرجة هذي كل مانشوفه قلبي يخاف نحس هكي ويدق بسرعة زي لما نلقى أمي تعيط عليه
ليلى: هذا كله لجلال اشيه اشيه
شجن: شن قصدك
ليلى: أنتي تحبيه وفايتة
شجن: ومن قالك هو يحبني عادي شعور نحس بيه
ليلى: لأنه حتى هو يبيك ياغبية ومكلم عليك قيس
شجن: قولي والله
ليلى: والله
شجن: شن قاله
ليلى: يبيك شن قاله يعني بعد مانروحوا من السفر حنديرولك أحلى عرس
شجن: وأمي
ليلى: خيرها أمك
شجن: تي أمي حالفة ماتعطيني إلا لواحد غني ومش عارفة شني
ليلى: شدت ايديها أنتي تبي جلال صح
شجن :ايه
ليلى: معناها مافي حد حيوقف في طريقكم لو نيتكم نظيفة وصافية أنتوا حبيتوا بعض طلبتوا الحلال بدون أي علاقة ويخالف الشرع صح
شجن: ايه صح
ليلى: ربي يكتبلك لفيه النصيب ارفعي الصفرة وتعالي نتغدوا

في الليل الساعة 9
جي جلال وحطوا الشناطي وركبوا وانطلقوا للمطار
وطيارتهم كانت الساعة 10 وصلهم جلال وفاطمة ونضال ومراد وشجن كلهم حاضرين بيودعوهم
نادوا على رحلتهم وحينزلوا في كم مطار حتى يوصلوا في أمريكا

مراد: بنستاحش ليلى هلبا
شجن: خلاص مراد حي شوف كيف الناس تشبح فيك وتضحك وتقول صغير ويبكي
مراد :مسح دموعه وينهم
جلال: يهدرز مع نضال شن بتروحوا
نضال: يشوف في مراد وشجن خلي تكمل الدراما قبل
شجن: شافت جيهتهم جت عينها في عين جلال توترت وحولت عيونها ومشت لفاطمة قعمزت بحداها كيف حالك خالتي فاطمة
فاطمة: تشوف في ولدها لمانزل عينه من على شجن وتفنص فيه
نضال: كان مع مراد مش لاهي بيهم
فاطمة: باهي الحمدلله كيف حالك وكيف حال أمك
شجن: مرة مرة تسرق في النظر لجلال باهية الحمدلله
نضال :هيا شجن للحوش
ناضت شجن: وسلمت على فاطمة مع السلامة
فاطمة: ابتسمت مع السلامة
روحوا وجي جلال بحدا أمه
جلال: هيا أمي نروحوا
فاطمة: ليش تشبح في البنت مش عيب
جلال :عيوني بروحهن يمشلها شن بندير
فاطمة: يلي ماتتحشم تتكلم هكي قدامي
جلال: البنت ونبيها وهذا المطلوب
فاطمة: وين بتسكنها ان شاء الله مش عابي على ملحق قيس أنا بروحي مش راضية غير مانبيش نزعل قيس وفتحلنا حوشه مسكين
جلال: قصدك أنتي أمي مضايقة
فاطمة :لا والله بالعكس ربي يجازيه الخير لكن الواحد مش زي في حوشه مهما كان تحس بأنه ساكن عند حد
جلال: أنا فكرت في الموضوع الحوش بنهدم حوشنا الأول وبنبني جديد
فاطمة: زين العقل وأنا شن بالديرلي
جلال: بتسكني معاي وين
فاطمة: بالك ماترضاش عزوزتها معاها
جلال: لما ترضى بأمي مانبيها نخدمك طول عمري مش نسكنك بروحك من ليك غيري
فاطمة: ابدا مافيش حد غيرك أنت
جلال: هيا نروحوا ونكملوا في الحوش

قيس في الطيارة ويشوف لعائلته الجميلة وبينهم ولدهم في كرسي
ليلى: قيس
قيس: نعم
ليلى: أنا خايفة وشدت في يده
قيس: ماتخافيش
ليلى: أول مرة نركب طيارة 😵‍💫
قيس: اقعدي شادة يدي لعند تقلع تمام
ليلى: وقاعدة مغمضة عيونها تمام

وصلوا تاني يوم المغرب كان مجهز كل شي من ايجار شقة ومصحة ماكان عليهم إلا يجو بس كان عنده صديق ساكن هنا منظمله كل شي
نزلوا من الطيارة ليلى شادة ولدها وماسكة في يد قيس
بعد ماكمل إجراءات الدخول طلعوا ومشوا للاستقبال يستنى في صاحبه لحظات وجي اسمه سراج
قيس: يسمع في حد ينادي قيس
قيس: سراج اهلا
سراج: الحمدالله على السلامة
قيس: وين وين الغيبة
سراج: ضربه على كتفه تي وين ياوحش سمعت متزوج وعندك ولد داسهم عليه
ليلى: ابتسمت على بصارتهم
سراج: من بعيد كيف حالك اختي الحمدلله عالسلامة
ليل: الحمدلله الله يسلمك
قيس: هيا بلا كثرة دوة امشي كان بترفعنا
سراج: قاعد غيور على حاجتك تدكر في صاحبتك الابتدائي كنت تضرب من يمسها
قيس: يفنص فيه يسكت
.
.
يتبع