#الجميلة_والوحش
الحلقة 4
نزل فطر تحت وندق الباب خدي شنطة ولبس نظارته وطلع فتح الباب
جلال هيييييي لين ماعرفتك
قيس هذا المطلوب هيا واتجه للقراج
جلال تي تعال هنا سيارتي
قيس فتح القراج وحول غطاء السيارة وفتح الباب وولعها ... لما نبي نبدا نبداها صح هيا اركب
جلال هيا هي راكب
وانطلقوا للكلية ودخل للعميد
قيس مد أوراقه
العميد يشوف فيهم وفالسيفي متاع وشهاداته لواخدهم من أكبر وأحسن الكليات ... ليا الشرف تخدم عندنا وفي كليتنا المتواضعة قدام علمك ياأستاذ قيس قصدي البروفيسور قيس
قيس هذا من حسن تواضعك يأستاذ محمد ياريت تلقالي مكان شاغر لنبدا ونباشر في الخدمة فيه
محمد تفضل غدوا ونعطيك الجدول
قيس صافحه بيده تمام أستاذ محمد نتلاقوا عن قريب وطلع ولقي جلال برا
جلال شن صار
قيس تو ماتحشمش تسأل سؤال زي هذا عيب عليك
جلال قبلوك
قيس بكل تواضعي طبعا وين بيلقوا حد زيي
جلال حاضر ياسيدي عارفك كل تواضع ورقي هيا انهرمنا في جرتك
قيس هههههههههه بالمناسبة هذي عازمك عالغداء
جلال مانقولش لا عاد عزومة من الموقر قيس بيك
قيس هيا اطلع قدامي عندي كم مشوار نبي نديرهم ونتغدوا
ركبوا في السيارة ونطلقوا لمحل عنده أطقم رسمية خش قيس وحول نظارته سلم على صاحب المحل عمي جابر كيف حالك
جابر شافله ومش مصدق انه هو قيس قدام عيونه ... قيس أنت صح
قيس هو أنا بشحمي ولحمي
جابر حضن قيس وسلم عليه سلام طويل وعتاب أطول ... وينك ياقيس كيف تقطع روحك من الناس طول هالسنين قديش مرة نجي وماتفتحليش
قيس كنت في عالم الكآبة وقررت من اليوم نعيش لأنه العلة لفيا لازم نتعايش معاها مش نقدر نكمل
جابر وآخيرا فكرت في الموضوع قديش من مرة نكلم فيك بالك تفهم طشة
قيس هههههههههه باهي ياعمي جابر أسف على كل شي بس انا اليوم جاي بنخبرك أنا بديت ندرس في الكلية وجيت بنشري منك أطقم
جابر وصلتني أطقم جديدة توا نطلعهلك
قيس حاضر
جلال وين تعرفه هذا
قيس نسيته معقولة هذا كان المحل ليشري منه بوي في اللبس
جلال لالا هو أنا وين بنشوفه شن بنشري منه حتى زمان كانت أمي تلقطلي في دبشك لماعاد تبيه
قيس هههههههه لمعلومك ماكانش دبشي كنت ناخدلك معاي في لبسة بس كنت نغسل فيها عشان ماتبانش جديدة وأمك ماترضاش تاخدها بعدها
جلال قصدك كنت متفكرني
قيس أكيد
جاهم جابر وطلعلهم أربع البدلات وكل مرة يلبس في قيس وحدة
جابر شن صار ياقيس
قيس ناخدهم الأربعة ماعندي شي وغدوا بنبدا خدمة
جابر خداهم ومشوا للتخليص دفع قيس حقهم وطلع
خدي كندرتين وعطر وساعات ومشوا للمطعم تغدوا وخدوا غدي لفاطمة وروحوا
عند ليلى حياة روتينية لاجديد يدكر زي قبل مناقرات هي ومرت بوها
في اليوم لبعده
كعادته كل صباح ينوض يدوش ونزل تحت ويفطر ويطلع برا يسقي في الورد لفي حديقته بس هالمرة مافيش مشي للمكتبة وإنما للكلية ركب فوق لبس وتأنق وكالعادة طاقية وشال ونظارة خدي شنطة وطلع ركب سيارته بعد ماليها سنين مقعمزة في الكراج
أنت تقرأ
الجميلة والوحش
Misterio / Suspensoرواية ليبية تحكي عن راجل ملقب بالوحش وفتاة حسناء الوجه عمياء
