#الجميلة_والوحش
الحلقة 14
مراد: وشجن دير مايك نبو بنكلموها
ليلى: بحداك مراد
شجن: حتى أنا ياليلى
ليلى: ضحكت حتى أنتي معاهم قاعدة
قيس: تحشم حسها جلسة عائلية ...مدلها التلفون أنا طالع مابين كملتي
ليلى: هزت براسها
شجن: حتى أنا أمي طلعتني برا
ليلى: على خاطر شنو
مراد: عشان طلعتلنا بطاطين وجت تهدرز معانا القاته الباب مسكر
ليلى: تو نكلم قيس يمشيلكم كيف بترقدوا برا وفي هالصقع
نضال: لالا تو ندبروا روحنا
ليلى: من يطلب في رايك أنت مراد سكر التلفون وطلعت من الدار قيس قيس
طلع من المكتبة: نعم ليلى فيه حاجة
ليلى: نطلب منك طلب أنه نجيبوا خوتي ومع أني متحشمة منك هلبا اليوم
قيس: وليش تتحشمي هدوما أهلي زي ماهما أهلك صح
ليلى: ابتسمت ايه صح
قيس :هيا امشي البسي مش حنخليك في هالليل بروحك نمشوا نجيبوهم ونجوا
ليلى: حاضر
نزلوا ومشوا لحوش أهلها
في الطريق اتصل نضال: بقيس الو قيس ماتسمعش كلامها مش ضروري تجو في هالليل
قيس: اهو أنا قدام الحوش اطلعوا
ليلى :استنى جبت عباية لشجن أكيد طالعة هكي
قيس: باهي هيا نزل هو وياها ومشوا للمربوعة
ليلى دقت الباب
طلعلها مراد: يجري ليلى حبيبتي أمي حلفت مادخلنا
ليلى: مدت العباية ووشاح هاكي البسيها هيا اطلعوا
طلعوا كلهم وركبوا في السيارة
نعيمة سمعت صوت حركة وبيبان وهكي ناضت طلعت ومشت للمربوعة القتها الضي مطفي والباب مسكر تحسابهم راقدين خافت من الصوت تحسابه خنابة أو عصابة وقاعدة بروحها في الحوش ماجاهاش نوم للصبح تستاهل
وصلوا للحوش ونزلوا كلهم
خشوا ليلى: وشجن فوق والشباب قعدوا تحت
ليلى دخلتها لدارها حولن عباياتهن ...هيا ننزلوا
شجن: قعدت تشوف في الدار حوشك حلو
ليلى :أنتي أحلى كلهم يقولوا وأنا قاعدة ماشفتاش
شجن: أنتي تشوفي فيهم بمشيتك ساد
ليلى: ايه
نزلوا تحت
قيس: هيا كيف بنديروا في النوم
ليلى: أنا وشجن نرقدوا جميع
قيس: فيه عندي داري زمان لكن تبي تنظيم
ليلى: فرشوا في الصالة أنتم الثلاثة
قيس: تمام متفقين
ركبت ليلى وشجن وقعمزن عالسرير
دق الباب ناضت ليلى: فتحت ... نعم قيس
قيس: نبوا بطاطين رقدتوا ونسيتونا
ليلى: تلفتت بالله شجن مديهلي
شجن: ناضت فتحت الدولاب وعطتهلها
ليلى: هدوما البطاطين أي أوامر ثانية
قيس: أنتي اليوم شفتي أهلك انسيتينا وفوقها أوامر ثانية زيدي ياليلى
ليلى: ههههههه امشي ارقد اليوم كان طويل ومتعب نبي نرقد سكرت الباب عليه وخشت وقعمزت عالسرير
شجن: ليلى
ليلى: نعم
شجن: سامحيني
ليلى: على شنو
شجن: على كل شي والله اكتشفت خطائي وأنا نحبك بس أمي هي لكانت تقولي وزرعت فيا الكره كله
ليلى: أنا لحد اليوم ماحطيتش حقد أو كره ليكم عشان نسامحك مارافعة شي على قلبي أنتم خوتي هيا أرقدي
شجن: باهي تغطت ورقدت
أنت تقرأ
الجميلة والوحش
Misterio / Suspensoرواية ليبية تحكي عن راجل ملقب بالوحش وفتاة حسناء الوجه عمياء
