الجميلة والوحش

الجميلة والوحش 1

#الجميلة_والوحش
الحلقة 1

روح جلال لأمه كانت حالتهم بسيطة جدا عايش مع أمه وبوه متزوج واخد مراة تانية بجنبهم وحوشهم سياح نياح على قولة اهلنا السوريين وهما عايشين في قديم يخدم يصرف على أمه ومدخلوه ان شاء الله يسدهم باش يعيشوا عارفين حال لبلاد لا سيولة ولا فلوس وغلاء الأسعار والتعيينات مافيش وخدمة مافيش كان محل أو سقرية (ورشة) متاع سيارات لوح
جلال حالتهم كانت صفر وبوهم ماعاد اهتم ابدا بيهم فقررت أمه تخدم وتنظف في حياش الناس ومن بينهم خدمت في حوش أهل قيس ومن هنا بدت صحبتهم مع بعض من الطفولة كانت أمه ترفع فيه معاها وقت تمشي ماعندهاش وين تخليه وأم قيس طيبة هلبا وخدمتها عندها تبي تساعدها لا أكثر لأنه نفسها عفيفة وماتقبلش بفلوس في ايديها ربت وكبرت ولدها لبوه مايندري عليه وين وكيف عايش لعند كبر وبدي يعرف خله أمه تبطل خدمة عند الناس وهو ليخدم عليها ويردلها ولو شوي من حقها

جلال أمي كيف حالك توا
أمه اسمها فاطمة ... الحمدلله وينك ياوليدي من الصبح وأنتي ماعاد ريتك
جلال مشيت للوحش لقيته مريض وكان مامشيتله امظني راه القيته ماشي فيها
فاطمة ربي يعينه مسيكين حتى هو أهله ميتين والناس سيبوه كلهم قاعد يلط بروحه
جلال وتيلنا غداء حاجة ساخنة خلا نرفعهله
فاطمة حاضر من عيوني أنت وصاحبك قديش عندي غيركم (فاطمة تاني واحد يحب قيس ويحبها ويعامل فيها زي أمه وهي زي ولدها)
جلال باس راسها ربي يحفظك ياميمتي لينا
فاطمة ناضت للمطبخ وبدت الطيب

بعد ساعة وتت الغداء ...هيا ياجلال
جلال وين ماشية يأمي
فاطمة ماشية معاك بنشوفه بنخليه امالا

طلعوا وصلوا لحوش مالك (حوش مالك كان من برة كأنه قصر وليشوفه يحسدوا صاحبه عليه ولكن هات وشوف شن داس من أسرار وراء هالحيطان )
فتح جلال الباب ومشت أمه للمطبخ توتي في الغداء وجلال ركب فوق خش على قيس ...ينوض فيه قيس قيس
قيس هممممممم
جلال قيس هيا نوض
قيس شبحله ليش جيت قتلك روح
جلال مقبولة منك لكن نوض جاية معاي أمي بتشوفك وجابتلك الغداء شوية وتركب
قيس فز من مكانه خالتي فاطمة جت ... عيب تخش عليه وأنا لننزللها
جلال تي مقدرة وضعك وعارفاتك مريض مادور شي وهي معتبراتك زيي قعد يفكر مرات نحس فيها تحبك أكثر مني
فاطمة من وراه لأنك هبل مش زي وليدي وحطت السفرة ألف لاباس عليك وليدي على سلامتك
قيس كان منحرج بارك الله فيك خالتي
فاطمة قعمزت بجنبه أنت من يومك تنحرج مني معقولة قاعد لتو مدايرني غريبة
قيس شافلها حاشاك ياخالتي أنت زي أمي وأعز
فاطمة مدتله السفرة معناها توا كول ودير في بالك بتروح عندنا لين تشد صحتك مش هذا قيس لنعرفوه
قيس ابتسم بقهر شن خلوا فيه قيس زمان لا أهل ولا شي والأعداء يتحامو عليه من كل تركينة على طشة هالحوش يجوا وياخدوه
فاطمة طبطبت على يده خلي ايمانك في الله كبير
جلال صح كلامك يأمي وهذا وخيي عاد من بنخليه يوصل فيك
قيس ابتسم ربي يخليكم ليا لو وجود الله ووجودكم ماكنتش عايش لتوا
(قصة قيس وأهله أكثر غموض في حكايتنا والباقي عالبحري عارفينهم وحكينا عليهم أما قيس وأهله خلوها مع أحداث القصة كل مرة نطلعوا جانب منها )

تغدى قيس وبدي ياكل وبعدها شبحلهم ... ليش ماتاكلوش أنت ياجلال تعال خالتي
فاطمة لالا أنا تو نتغدى وجلال تعال نبيك وأنت خود راحتك (قاعدة لحد اليوم تعتبر الحوش هذا كل ماتخشله كأنها تخدم فيه محترماته المكان وحتى بعد لصار فيه كله وردة فعلها هذي زي كل مرة تعطي اكال او شي وتطلع )
قيس نزعل منك ياخالتي باهي عالأقل جلال ياكل معاي أنتي عارفك تتحشمي ومع أنه ماندري ليش أنا زيي زيكم
فاطمة شافت لجلال باهي زود ياجلال

نزلت فاطمة تغدت في المطبخ ونزل جلال السفرة سلم يديك يأمي الغالية
فاطمة سلمك ياوليدي
جلال قيس رفض يمشي معانا كيف الراي
فاطمة كيف بنخلوه وبنمشوا

قيس من وراء لأني نبيكم تسكنوا معاي
فاطمة لالا مايجيش ياولدي هذا مكانك أنت أنا وين بنسكن هنا
قيس قرب منهم خالتي حالي من حالكم انسي الماضي أنا توا طالب من اميمتي تجي تسكن معاي لأنك معتبرتني ولدها أو في غير هالكلام
فاطمة لا أنت ولدي وأعز والله أنت وجلال سوم واحد
قيس خلاص معناها من اليوم هذا مكانك
فاطمة معناها نبدا النفض الدنيا والنظف الديار
قيس شدها من يدها خالتي أنتي مافهمتينيش أنا قصدي بأنك تقعد ست الحوش مش تخدمي فيه وهذا ليليق بيك وشدها من يدها ورفعها لدار أمه ...خالتي من اليوم هذي دارك
فاطمة بس هذي دار أمك
قيس وتوا قعدت لأمي الثانية صح جلال
جلال كان محرج أحرف من أمه كيف ماتبي ياقيس
قيس فتح الدولاب لكان كله مغطي حوايج ذهب أحدية ...هذا كله ليك أنا ماعندي ماندير بيهم قاعدات عالأقل حد يلبسهم
فاطمة كانت على متفاجأة على مصدومة (زي مايقولوا صبرت ونالت ) بس هذي دكرى من أمك
قيس نبي نشوفك فيهن أمي مانسيتش زمان لما تلقي خناق متاع أمي تقعدي تجربي فيه وترديه
فاطمة هييييي كنت تشوف فيا
قيس ههههههههههه وطلعه من الدولاب هذا أكثر واحد كنت نشوف فيك تتأملي فيه البسي وماتحوليشي من رقبتك
فاطمة عيونها دمعن صحيت وليدي بارك الله فيك زي ماجبرت بخاطري
قيس هو صح جت متأخرة
فاطمة اسكت من قال بيه أنا كنت مانفكرش حتى يوم نحط يدي عليه مش نلبسه
قيس هيا نخلوك على راحتك ياست البيت ... هيا جلال ورايا

مشوا مسافة قيس قصدي شن هو لبنديرهلك بيش نوفيك حقك أمي ماعمري شفتها زي حالتها اليوم 🥺
قيس تبي توفوني حقي عيشوا معاي لين ياخد ربي أمانته لو مهما صار
جلال وأنا نوعودك من اليوم أنت أكثر من خوي
قيس ههههههههه نبي ترجع البسمة ليا وليكم زي ماأنا عانيت حتى أنت عانيتهم وأكثر عالأقل أنا جديد عالحالة ... توا تفضل جيب لناقصكم من الحوش والمهم وتعال ماعاد نبيكم تطلعوا منه
جلال ابتسم حاضر

عند ليلى الجميلة
تغسل في الماعين الغداء سمعت صوت خطوات جاي للمطبخ خافت توقعت تكون مرت بوها بعد عملة خوها
شجن هيييي أنت ياسندريلا هههههههههه
ليلى ربي يطولك ياروح
شحن طويلة مادام أنتي قاعدة منغمة معانا نبي كاكاو نستنى فيك وطلعت
ليلى ياربي لو هذا ابتلاء أنا قابلة بيه ولو عقاب اسألك يالله أنك تسامحني لو غلطت في يوم أنا عندي قدرة للتحمل من بعد بوي ماعاد عندي عليش نعيش
فتحت الدولاب وقعدت الدور عالبكرج بايديها مساته وطلعاته وحطاته وولعت النار وحطت الحليب والسكر والكاكاو وقعدت تعد وطفت صباته في طاسة ... شجن شجن
شجن نعم
ليلى هذي طاستك
شحن واخيرا شربت منها وطلعت
.
.
.
يتبع المزيد من الأحداث