الجميلة والوحش

الجميلة والوحش 13

#الجميلة_والوحش
الحلقة 13

نضال: الفرخ ماأكثر دوته
قيس: على مني أنت
نضال: على الفرخ مراد من شيشة امية قعدنا تشيبس وحلوة ومش عارفة شني
ليلى: عادي وخيك الصغير
نضال: هذا لمفسده كان هالكلمة وخيك الصغير
ليلى: وأنت شن لقاهرك
نضال: أني الكبير في كل حاجة يقولولي أنت الكبير
قيس: ابتسم على نقاشهم تقعد الكبير أحسن من الوحيد
نضال: صح بس ديما يقولوا الوحيد مدلع وياخد ليبيه
قيس: هذا الظاهر بس لكن من داخل لا كل شي على عاتقه

نضال: خله نمشي نشوفه وين هذا وين يهيم نلقاه واصل حتى لتشاد
مشي يشوف في مراد وين مالقاشي وين خلاه القاه واقف على بنت يهدرز هو وياها ... ياعيني هذا لناقصنه بس ... أنت يامراد
مراد: تلفت انخلع القاه نضال...  نضال تعال نعرفك على صاحبتي
نضال: مرحبا ياصاحبة مراد
البنت: اسمها أسيل ربعت ايديها أنا أسيل مش صاحبة مراد
نضال: ههههههههه باهي مرحبتين بيك ياأسيل  مد يده 
أسيل: قالتلي ماما ماتسلميش على حد غريب 😌
نضال: باهي ياسيدة أسيل ماتسلميش باهي شن الديروا مع بعض وين أمك
مراد: تلاقيت أنا وياها في اللعبة وهدرزنا جميع بس والله
نضال: شبحله وبعدها شاف لأسيل وين أهلك امشيلهم ماتقعديش بروحك وهيا يامراد وراي بنروحوا مغرب
مراد: نبي ناخد حاجات ليا ونبي حتى لشجن
نضال: أنت غير حصل لروحك مش تطلب لشجن
مراد: مادخلنيش نبي لزوز
نضال: باهي هيا وأخرلك مرة ان شاء الله ماعاد تعبى عليه الدلع هذا

مشي مراد وياخد في الموجود من شكاليط وحاجات زي هدي وفلس بنضال ومشوا لقيس وليلى
قيس: ههههههه شن يامراد كملت
مراد: رفعلهم الشكارة ايه كملت خلاص
ليلى: هيا امالا نروحوا نتعشوا في الحوش
نضال: لالا حطونا في الحوش ساد
قيس: وين تروحوا وتتعشوا وبعدها نوصلكم
مراد: قعد يفتح في عيونه ويسكر لنضال يبيه يوافق لأنه مازال مايبيش يروح
ليلى: هيا يانضال تو سيورك مروح للحوش
نضال: باهي باهي تو قعدت غير أنا لمانبيش نروح معاكم

ركبوا السيارة وخدالهم عشاء قيس مايبيش يتعب محبوبته ليلى عاد ماخاطرهاش
وصلوا لف قيس ونزل ليلى وخشوا للحوش
مراد: واو ليلى هذا حوشك
نضال: ايه حلو
قيس: شكرا كلكم ذوق هذا حوش أهلي بوي لبانيه
مراد: عادي نشوف الحوش
قيس: امشي شوف عادي
نضال: والله هالفرخ على قد مايكبر يقعد صغير
ليلى: ركبت مع مراد حولت عبايتها
قعد يشوف مراد :ووصل في الدار لمسكره ... ليلى ليش الدار هذي مسكرة
ليلى: هيا ننزلوا مراد هذي دار خاصة بقيس ماليناش دخل بيها تمام
مراد :باهي حاضر ونزل هو وياها
القوهم يحطوا في العشاء

بدو في العشاء وكملوا
مراد: أنا نبي نبات مع ليلى
نضال: قول خايف من أمك مش تبي تبات
ليلى: ههههههه خيره شن صار
نضال: الحقيقة اليوم احني ملزوزين من الحوش
قيس: ههههههه حي عليكم
مراد: تعارك مع أمي وقربع الباب حتى أنا درت زيه وقربعت الباب 😌
ليلى: حي عليكم حي شن بالدير فيكم نعيمة
مراد: ماعاد ترعشوني 🥴
نضال: ياخواف مادام ماتقدرش على أمك ليش الدير زيي هيا هيا نوض خله نشوفوها تو نلقوها تِحْبِك علينا