الجميلة والوحش

الجميلة والوحش 20

#الجميلة_والوحش
الحلقة 20

روحت شجن: مع أمها من حوش أختها وهي نازلة من السيارة شادة في دراع نضال ... نضال رد بالك تسيبني اليوم راهو أكيد دفينتي غدوا كان تطور الأمر أرقد معاي مافيش تفسير
نعيمة: خشت من هنا وبدت شجججججججججن
شجن: رعشت مع بعضها ربي يفوت هالليلة على خير
نضال: ان شاء الله
مراد: شجن خيرها أمي 🥴
شجن: ضحكت ماخيرها شي تبصر معاي
نضال: ضحك عليهم هههههههه خيره مش توا كنتي تبي نقعد معاك
شجن: المرة الاولى من الخوف دارها على روحه من الرعب مانبيش يخاف
مراد: دفها خشي خشي مادام تبصر خلى نشوفوا بصارة أمي لأنه ماعمرها شفتها بصرت معانا 😂

خشت شجن للحوش وهي رجل تقدم ورجل توخر
نعيمة: تفضلي تفضلي آنستي وموتيتلها العصا
شجن: أمي بالله فكينا وقسما بالله الضربة لفاتت قاعدة نحس فيها لتو وتصيرلي حاجة نمشي نشكي فيك للشرطة
نعيمة: وشن بتقوليلهم أمي ضربتني
شجن: أكيد 😌
وعينك ماتشوف كان الضي خبطتها على يدها شن قلتي بتشكي مازال والله وأنتم من وين نفتحت الترعة وتمشوا لأختكم لماتتسمى نفلتوا كل واحد يدير ليبيه لا ياماما أختك ماعاد نبي نشوفها وماعاد نسمع اسمها
نضال: بالك عدوتك أو قاتلتلك قريبك واحني مانعلموش
نعيمة: أنا قاعدة منتقمة منها كله منها بوكم مات منها هي هي السبب في كل لصار كانت سبب نقاشنا وطلع حامق منها دار حادث بالسيارة وتوفى طول أنا ترملت وصغاري تيتموا كله منها
نضال: مش مصدق كلامها وشن موضوع لكنتي تحكي فيه معاه على شان أختي 🤨
نعيمة: أنا منقهرة عليكم وهو يفكرلي في الموضوع لصار
نضال: أنتي ماعاد القيتي ماتقولي درتي هالحيلة لأنه كلنا جينا ضدك أنتي مستحيل تكوني أمي أنا أمي ليلى هي لربتني وعلى فكرة أنا كنت حاضر القصة ورغم أني صغير بس زي مايقول العيل ماينساش هو كله منك بوي مات بسببك لأنه أنتي لخليته يطلع حامق وتبي يبطل ليلى من المدرسة الخاصة لتقرأ فيها
نعيمة: نصمتت ماعاد عرفت شن بالدافع على روحها توا أنا طلعت مش أمك كله من الكلبة هديكا عبت في راسكم
نضال: ماتغيريش الدوة وين ماتعرفي روحك غالطة الطلعي الغلط على غيرك ربي يهديك ياويلك من ربي هذي بنت يتيمة ودرتي فيها هكي مافكرتيش عندك صغار عندك بنت ربي يردها فيهم أو تحسابيه ربي مايشبحش فيك يراجي بس الوقت المناسب وربي يجيرنا أنا وخوتي من انتقام ربي فيك ربي يجيرنا من لجاي استغفرالله العظيم لم دبشة وخدي بطانية ووسادة وطلع

لحقاته شجن: وين ماشي نضال
نضال: أنا من اليوم الحوش ماعاد خاشله تتهنى فيه لعند تعرف غلطها صح أمي بس مش حنخليها تمشي في الغلط طول عمرها ضروري نوقفوها عند حدها ماخلت حد في حاله
شجن: قعدت تبكي باهي أنت وين بتمشي في هالليل
نضال: فتح المربوعة ماعندي وين ماشي قاعد هنا خشي ارقدي
شجن تمام

شجن: خشت للحوش ولا كأنه قدامها أمها وخشت لدارها وسكرتها عليها ورقدت

ومرت الأيام وصل يوم سفر ليلى
شجن: من بعد روحت من الثانوية عندها ... حمودي حبيبي بنستاحشك هلبا ياروح خويلة
ليلى: تي وين بنعطلوا غمض عين فتح عين تلقينا مروحين
شجن: ان شاء الله تروحوا عالسلامة
ليلى: كيف خالتي نعيمة
شجن: باهي الحمدلله
ليلى: شجن وحطت يدها على يد شجن هذي أمك ياشجن ماتعاديهاش على خاطري هكي بتزيد حقدها عليه أكثر ماهي حاقدة
شجن: واخدة قرار شجن تغير معاملتها مع أمها لعند تقعد أم كويسة ليها ولغيرها وتبي اطمن ليلى قبل ماتسافر ابتسمت ... تمام ان شاء الله
ليلى: بعد تكبري وتتزوجي وتقعدي أم تحسي بردة فعل أمك هي تحسابه بفعلها هذا تحميكم فيكم مني
شجن: أمي ماعمرهاش كانتلنا أم أنتي كنتي أمنا ياليلى أمي يوم كانت لاهية باللمات والأعراس والمناسبات كنتي أنتي معانا تسهري علينا وقت مرضنا  واحني نحبوك هلبا مانبوش نخسروك على خاطر غيرة أمنا
ليلى: حضنتها حتى أنا نحبكم هلبا
شجن: أكيد حمودي سعيد لأنه أنتي أمه نياله
ليلى: ههههههه عاد ساد هلبا عليه
شجن: كله الكلام مش شوية فيك

خش قيس: السلام عليكم اووووو شجن عندنا
شجن: مسحت دموعها ايه جيت بنودع حمودي
ليلى: وليلى وين
شجن: ههههههههه خلاص ماعاد منك فايدة توا بنجوا على خاطر حمودي بس
قيس: خلاص باعونا حتى من جلال من بكري مدرس يبي يشوف حمودي
ليلى: راجي نغيرله وأرفعه
شجن: لا هلبا في من بيشاركني فيه في هاليوم اليوم جيت على خاطره
ليلى: تستاهلي بعتي أختك واهو باعك 😂
شجن: أنا اسحب كلامي جاية على خاطري حبيبتي ليلول
ليلى: زيدي لسني مش حنخليه
شجن: حقا خليهالي وسافري وروحي تلقيه كبير
ليلى: سبحان الله احتمال نلقاه حتى مزوجاته
شجن: قعدت تفكر احتمال 🤔😅
ليلى: امشي أرفعيه لقيس ونمشي نديرلهم قهوة
شجن: حاضر ياهانم

مشت شجن: دقت الباب ومافي حد فتحلها... قيس دقت قيس
طلع جلال: اووووو خبيرة الأطفال عندنا
شجن: شد الولد وبلا سماطة كلمة وقلناها وأنت شادها قصة
جلال: غير ماتحرجيش نبصر 😁
شجن: مافيكش جو وخشت وسيباته يضحك زي المهبول
جي قيس: خيرك تبتسم زي الأهبل
جلال: صاحبك طاح وماحد سمى عليه
قيس: من تعيسة الحظ
جلال: تي شن تعيسة أمها داعيتلها نهار العيد لحصلتني
قيس: شاف لولده شافله على جنب ... من هي نعرفها أنا
جلال: على شن تلمح بشبحتك هذي
قيس: ان شاء الله غير ماتكونش لفي بالي بس
جلال: ايه هي الله غالب الحب مايعرفش لاعمر لا مكان لا زمان من وين شفتها في المصحة
قيس: صغيرة البنت أنت شيباني وهي قاعدة صغيرة
جلال: قول قول شيباني ومكمل عمره
قيس: ماقلتش هكي قصدي البنت صغيرة عليك خود ليناسب عمرك ومقاربة لعقلك ناضجة تعرف المسؤولية مش صغيرة هي قاعدة تحت مسؤولية أمها
جلال: والقلب شن بيفهمه في الكلام هذا
قيس: ياودي امشي اخطب وشوف لو عطوهالك العرس على حسابي من الألف للياء
جلال: كلمة تريس
قيس: شن تحسابني عيل قدامك
جلال؛ حاشا وكلا

قيس: هات الولد نرفعه لأمه
جلال: لزني وخلاص
قيس: تعرف الطريق وين
جلال: خزييييي هذا لجاي ومكبرها بيك وجاي نهدرز عليك قبل ماتسافر لكن ماينفعش فيكم الخير
قيس: أنت مش قلت جاي بتشوف حمودي بس اهو شفته الباين احني لباعونا على خاطر هالفرفوط
جلال: تو نتزوج اليوم خالته ونخليه عندي شن رايك
قيس: شبحله على جنب تي والله أضرب من بعضكم كلا أنتم نتخيل لما تزوجتوا كيف بيكون عندكم صغار بس
جلال: شن مش عاجبك أنا
قيس: رفع محمد وجابله القهوة القاه بيروح حقا تي قعمز أشرب
جلال :مانبيش شارب
قيس: حتى لو مدايرتها ال...
جلال: لا كل شي إلا ال بنشرب حتى السم من يديها
قيس: ان شاء الله تبرا
جلال: اجمعين
.
.
.
يتبع الباقي