الجميلة والوحش

الجميلة والوحش 5

#الجميلة_والوحش
الحلقة 5

بعد ماخشوا للصالة وقعمزوا
فاطمة المراة ماتريحتلهاش ياعائشة
عائشة تو أنتي جاية عالبنت أو عالمرأة
فاطمة ربك يستر
خشت نعيمة توزع في الابتسامات انستونا انستونا
فاطمة الله يآنسك
خشت ليلى حطت الصفرة عالطاولة ومدت نعيمة القهوة ليهن
فاطمة قعمزي شوي خله نشوفوك
ليلى قعمز وهي تفرك في ايديها
فاطمة شن اسمك يابنتي
ليلى أنا اسمي ليلى
فاطمة باهي عاشت الاسامي
نعيمة تبتسم نوضي ليلى شوفي خوك ينادي عليك
ناضت ليلى حاضر

طلعت ليلى
فاطمة يانعيمة احني اليوم جايين نطلبوا بنتك لولدي أو بالأصح هو صاحب ولدي لكن معتبراته ولدي وأعز على سنة الله ورسوله
نعيمة واحني عطيناكم
عائشة فنصت في نعيمة... شاوري البنت واسألوا عالولد قبل وبعدين ردي عليه
فاطمة بنقولك راهو الولد عنده تشوه في الوجه وطلب مني نخبروكم ونحطوكم في الصورة عشان ماتقولوش ضحكتوا علينا
نعيمة ماهتمتش حتى تسأل خيره لأنه تعتبر فيه الشخص الوحيد لبيخلصها من ليلى .... ضحكت ضحكة الصفراء ان شاء الله تو نقوللها

هدرزوا شوي وروحن وبعدهن عمتك نعيمة طلقتها زغروطة لين نبح صوتها
روح نضال للحوش
نعيمة اسمع أنت راهو أختك جوني فيها وعطيتها ومادخلكش فيها
نضال شن تعطيها منك ليك هذي تحسابيها الزواج لعبة ليطق الباب اعطيه
نعيمة أختك موافقة وكان تبي امشي أسألها

نضال ماردش عليها ومشي لليلى دق الباب
ليلى خش يانضال
نضال حقا ياليلى موافقة معقولة توافقي طول خلي نسأل عليه مرات يطلع ماينفعش أو هكي
ليلى في جميع الحالات أنا موافقة شوف قدامك أنا عمري كبير وأول مرة حد يتقدملي والعمر يمشي وأنا نقعد نراجي وأنا بصراحة متريحة هلبا ومقتنعة بقراري من غير راي أمك
نضال لالا أكيد أمي مهداداتك
ليلى صح كلمتني وقالتلي توافقي بس حتى أنا عييت من معاملة أمك بصراحة
نضال تمام ياليلى هزي راسك وراء أمك تو تنفعك ماتجيش يوم وتقوليلي تعال ياخوي راهو ماينفعش أو مش عارف شني نكون وقتها مادخلي بشي ودبريها كيف مادبري
ليلى ابتسمت عارفة وقتها مش حنهون عليك يانضال
نضال طلع بدون مايرد عليها مشي لأمه... تمام ديري لتبيه لكن لو تجي يوم أختي تشكي منك أنا لا ولدك ولا نعرفك
وطلع قربع الباب

فاطمة وصلت لحوش قيس دقت الباب
كان دوبه مروح من الكلية ...كيف حالك قيس
قيس اهلين كيف حالك خالتي فاطمة تفضلي
فاطمة جيت بنحكيلك اليوم مشيت شفت البنت والصلاة عالنبي عليها
قيس شن قلتيلهم ياخالتي
فاطمة اطمن قلتلها مرت بوها وخبرتها
قيس باهي ان شاء الله خير
فاطمة والله كانت تشوفها ياولدي عليك جمال وزين حاط فيها ربي وكان مش عائشة قالتلي عمياء ماصدقتها تمشي زينا
قيس ممكن متعودة عالحوش وحافظاته هذا ليش
فاطمة ايه يمكن المهم قالوا يومين ويردوا علينا واسأل عليهم العيلة أنت قبل كل شي عيلة خليل ### بوها متوفي وعندها خو من بوها اسمه نضال والله عيت وعائشة وهي تشكر وتحط
قيس ان شاء الله
طلعت فاطمة وخش قيس داخل وكمل مع مخيلته ويتخيل فيها وركب للمكتبة وقعمز عالكرسي وبدي يقرا يبي يبعدها من تفكيره ومخيلته حول نظارته وحك عيونه بيد وحدة خلاص خلاص يادماغي ساد تفكير تي أي مايقولولها عندي مشكلة حترفضك طول وعلى قولة خالتي فاطمة جمال بترضا بيك حتى لو كانت عمياء

بعد أيام نعيمة اتصلت بعائشة
نعيمة الو ياعائشة كيف حالك
عائشة تمام الحمدلله كيف حالك أنتي
نعيمة الحمدلله بنقولك العرب لجو قوليلهم موافقين يتفضلوا
عائشة فرحت باهي يزيد فضلك

سكرت من نعيمة واتصلت بفاطمة طول الو يافاطمة هاتي لبشارة
فاطمة حاضر شن صار هل البنت وافقوا
عائشة ايه تو اتصلت مرت بوها والله كيف سكرت منها قالت موافقين ويتفضلوا
فاطمة باهي ان شاء الله تو نمشي نخبره الولد

مشت فاطمة لقيس دقت الباب
نزل قيس وفتح الباب ...اهلين خالتي فاطمة تفضلي
خشت فاطمة يزيد فضلك بنقولك كلموني أهل البنت وافقوا وشوف روحك أمتى بتمشي بتفض فيها وتلبسها
قيس باهي ان شاء الله
فاطمة خلاص امالا هيا مع السلامة توا
قيس مع السلامة وسكر الباب وخش

ياترى شن ينتظر الاثنين من مستقبل

اتصل قيس بجلال ايوا قيس تعال في الحوش نستنى فيك
جلال باهي هي جايك

بعد شوي وصل جلال فتحله قيس لو تقولي شن قصتك مع هالحوش مش طلعت وبديت تقري شفت ناس وشافوك ناس وأنت محبوس في هالحوش
قيس خش وبلا كثرة دوة ركبوا فوق للمكتبة قعمزوا مقابلين بعض ... توا كلمتني أمك وقالتلي وافقوا ومش نكمل فيها البنت قصدي أنا مانفهمش فيهن المواضيع هدوما شن يرفعوا ومن يرفعوا
جلال لا أنا لنعرف امالا شن تحسابني خاطب ومتزوج تو نقول لأمي شن نديروا
قيس باهي هو لازم نرفعوا معانا تريس وأنا ماعندي حد غيرك
جلال ارفع معاك عمك جابر على الأقل راجل كبير وهكي
قيس ايه صح تو نكلمه ان شاء الله المهم أنت تكلم مع أمك وشوفلي هالقصة

روح جلال وقعد يهدرز مع أمه ... قالك قيس شن يرفعوا وشن يديروا
فاطمة في الفضان يمشوا يتفقوا عالمهر وعالعرس والتلبيسة يلبسوها وخلاص ويرفعولها في دبش وقضية
جلال هذا بس
فاطمة ايه بس

اتفقوا الخميس يتموا فيها
قيس كان واقف على دولاب أمه طلع دبلتها وأكثر تاكم تلبس فيه كانت وأحلى قفطان يحبه قيس لما أمه تلبسه هو قديم بس من طراز فريد لكل من يشوفه يحبه جهزهم في بوكس وبعتهم لفاطمة

في يوم الخميس مشوا جلال وجابر بس وفاطمة لتلبيس
تكلموا داخل جلال كان موجود عمها وخوتها نضال ومراد اتفقوا عالمهر والعرس بعد شهر
وداخل عطتهم فاطمة الحاجات وطلعوها وهي لابستهم ولبستها فاطمة وتعشوا وتمت القصة وروحوا

بعد أسبوعين
جلال شن بالدير عرس ياقيس
قيس لا مش حندير بندير يوم ختمة لبوي وأمي وناس يقروا ماعندي حد بنعزمه وتم العرس
جلال على كيفك لتبيه ديره
قيس هههههه أكيد هيا روح بنرقد غدوا وراي خدمة
جلال ياعليك لزان وخلاص ... ايه بنقولك مش حدير دار نوم وتغير من لوك الحوش
قيس غدوا جاي واحد بنكلمه عليه
جلال تمام

في اليوم لبعده
بعد ماروح قيس من الكلية وصل شوي ودق الباب كانت شركة ديكور
قيس اهلا استاذ تفضل
الموظف كان اسمه محمد اهلين استاذ قيس خش وقعد يشوف في الحوش ومنبهر بجماله ... الحوش حلو مايستاهلش تغيير
قيس حتى أنا مش حنغير فيه إلا حاجات معينه عندك المطبخ نبيه يكون مطبخ حديث لأنه نظام قديم هو والحوش نبيه طبقة زواق لتغيير بس والفرش وهكي كله يبي تغيير ليه سنين ماتغير خلاص كمل عمرهم
محمد ان شاء الله أستاذ وغرفة النوم
قيس غرفة النوم لا خليها زي ماهي زواق بس وحنغير منها الفراش والستار بس وركبوا فوق يشوفوا في الطابق العلوي
محمد حاضر سجلته
.
.
.
يتبع في حياة ليلى وقيس القادمة