منقذي من الضلام

البارت1

،،،،،، بقلم الكاتبه فطوومة،،،،،،،
ـــــــــــــــــــــــــــــــــــــــــــــــــــــــــــــــ
الموصل 2014 ساعه 6 الصبح
كعدت منزعجه من اشعه الشمس الي صارت بعيوني
ريناس.... اووووووف ماما فدووه خليني نايمه تره اليوم عطله فدوه سدي البرده
ام ادهم: ولج كومي يا ماما اخوانج وابوج طالعين وانتي نايمه وين اروح كومي ضايجه وحدي
ريناس: يا ماما اني لعد شسويلج البس مهرج واجي اضحكج مارحتي لخالتي
ام ادهم: ولج كومي شنو من لسان كومي يله خل نسوي شي مكان ما نايمه كومي نلف ورق عنب نسوي شي اخواتج راح يجن
كمت واني اتأفف
اهاااا هنا الحجي اخواتي راح يجن كولي هيج من البدايه كولي مااكدر اطبخ وحدي
ام ادهم: تكومي كومي هسه لا اجيج يله بساع راح اطلع كدامج الكاج وراي بساع تجين
طلعت امي رديت تغطيت ماادري بروحي غفيت مااحس غير ع صيحت امي خلتني من دون سابق انذار خلال ثواني اني بالمطبخ
... هاااا يمه شنو الي حترك
ام ادهم: حترك الخلفج اي والله اني شكتلججججج هااااا
....  عزززززااا وينه وينه بابا اخذتو للمستشفى الحرك هواي لو شويه
....  وجععععع بيمن مفاوله عليه ادبسززز
....  هههههههه اني شعليه غير انتي تكولين احترك الخلفج
...  ادبسز تعاي شتغلي يله
..... اوووي ماما ع كيفج شبيج
أم ادهم: يله بساع غسلي وتريكي وروحي نضفي البيت وشوفي الاستقبال خاف بي وصخ اخوانج جانو كاعدين بي بليل خاف موصخي ويجون رجوله اخواتج فشله منهم2
...  دااحس نفسي فلبينيه
...  امشي لاركعج بالكدر
...  واهووون
....  هههههههه لا
...  اوووي فدووه
...  ولج امشييي بليه
..... صدك  بس لا الباشا احمد يجي
أم ادهم: باشا بعينج ولج اشو ماخذه الرجال حاصل فاصل كاعد ع گلبج هوه وشعليج بي
.... هسه اني شكلت مو زين اكله باشاااا وثانيا انتي شكو تغارين اني ونسيبي متراهمين انتي شكو احجي واضحك كلش احبه واعزه احمد
هوه ضابط وشواربه ثخان وضخم واسمر حواجبه اربعه وعشرين ساعه عاقجهن ليكول كاتلين ابو هههه احب اداهر بي
هوه اصله من البصره بس اجو سكنو الموصل من سنوات كلش هواي بسبب شغل ابو
كل مااشوفه اكله الضباط ليش كلهم هيج ضخمه وشايفين نفسهم وعاكدين الحاجب اني جذب اقصد عليه وهو يعرفني اقصد عليه ف يجاوبني يكلي

احمد: بسبب التدريب الي يشوفو ف تصير اجسامهم ضخمه اما شايفين انفسهم ف لا كلمن وطبعه
ويسوي حركته المعتاد عليها يبرم شواربه بغرور ماعرف ليش ههههه
بس احمد كلش حنون رغم وقت الجد جدي وقاسسسي كلش، وشخصيه احسها مميزه اصيحله الباشا دائما هوه يضحك ويسميني ام شبر ونص  لان كصيره   اسمي اتعارك ويا لان يسميني هيج
تريكت وكمت نضفت البيت وطبخت ويه امي وسوينه ورق عنب يحبو كل مايجن اخواتي يوصن نريد ورق عنب ليكول نشتغل عدهن
صارت تقريبا ب11 ندك الباب
أم ادهم: يمه رنوسه كومي طلعي للباب اكيد اجن اخواتج
.... ي طالعه صحت منو
.... اني اني فتحي
.... هلا بالباشا نور البيت والله
احمد: منور بهله عيني
حسام: ي عيني ماكو لا هلا ولا مرحبه بس للباشا والضحكه من الطول للطول واحنه حته هلا مكلتيلنه يله يله عيني رهوفه نرجع لبيتنه شكو جايين محد يرحب بينه ولا واحد يريدنه هو كلمن وحضه
.... هههههههه لا والله كل الهلا بيكم يابه نحبكم والله نحبكم بس تعرف لازم اول شي الباشا علمود اتعارك ويا
احمد: هاا ولج
...هههه هسه تفضلو تفضلو تبقون بالباب سلمت ع اخواتي نرجس وروان وسحبت تفاحه من ايد حسام
اعرفكم ع نفسي ريناس عمري حاليا 15 صف ثالث متوسط
اني عندي اربع اخوات كلهن اكبر مني مزوجات نرجس زوجه احمد هيه الجبيره احمد نسيبي الجبير صارلهم اربع سنوات مزوجين زواجهم عن حب احنه نفس المنطقه ف جانت كل ما تطلع للدوام يشوفها وحبها
بس ماعدهم اطفال واهله هواي لحو عليه يزوج بس مايقبل لان يحبها وهسه توها حامل يخاف عليها من الهوى اذ طخها مرات اصفن اكول الله يرزقني بواحد نفس احمد هم شخصيه وهم يحبها بس دائما اكول بالعافيه عليها وادعيلها بالفرح لان اختي ابد مااحب احسدها
مااحب احسد شخص دائما اكول بالعافيه عليه وادعيله بالخير
ورهف زوجه حسام عدهم ولد وبنيه عبد الله وحوراء بس نصيحلها تفاحه لان مدبدبه هههه
وجود ودانيا مزوجات بغداد كل وحده عدها ثنين ولد
وادهم الجبير بينه وظافر اصغر من نرجس
طبعا احنه مامحجبات بس نرجس من زوجت احمد حجبها لان يغار عليها بس دانيا هيه قبل لا تزوج تحجبت من ارادتها بس جود وروان ساعه يلبسنه ساعه يذبنه ع طخاتهن بس ابوي  دائما يحجي عليهن لو تلبسنه لو تذبنه لان اهانه للحجاب هيج اني مااحب الحجاب ما محجبه ولا ناويه اتحجب
.... لعد مو دانيا وجود يجن
نرجس: ي بعدهن بالطريق
... هااا
كعدو بالاستقبال قدمتلهم الضيافه وكعدنه نسوالف ونضحك وماابطل مداهر  ويه احمد وامي ترزل بيه وهوه يكللها عوفيها شعليج اني وياها متراهمين شويه واجو ابوي واخواني
ودخلن جود ورانيا وصار البيت ماينطب من هوسه الجهال صبينه الغده والكل كعد تغدينه وشربنه الجاي للعصر احمد وحسام وفراس زوج جود و مرتضى زوج دانيا راحو رغم اهلي توسلو بيهم يبقون ماقبلو وزعلو ع مرتضى وفراس لان راحو وطريقهم طويل بس عتذرو عدهم شغل ومايكدرون
كاعده بالصاله ع التلفزيون جاي اكلب بالقنوات شفت قنا اخبار درتها لان مااحب الاخبار طبت نرجس تمشي ع كيف جنها بطه تخاف ع بطنها
.... يمعوده تره مو هسه الحامل هيج تمشي لمن طب شهر ال 8 ال 9 مو توج شهر 2 هيج تمشين
نرجس: تنجبي هوه بيدي لو اخاف عليه مااعاول يصير واحمد الي خابصني كل ساع مخابر ديري بالج على نفسج دير بالج تصعدين درج دير بالج ودير بالج1
.... هااا ههههه يخاف عليج ربي يحفض الي بطنج ويطلعج سلامات انتي ويا
نرجس: اي وهسه ردي فدوه ع الاخبار
.... ليش شسوين  بالاخبار
..... ي رجعي اريد اشوف الوضع يكول أحمد كلش مو زينه الاوضاع هاي الفتره
..... ي والله اسمع البنات اشكال يحجن خايفه
بهل اثناء طبن دانيا وجود وروان بيدهن كيك وعصاير كعدن بالكاع واني ونرجس ع القنفه كاعدين
روان: ي فعلا الاوضاع صايره دمار اشكال جاي نسمع
دانيا: الله اليستر بس هوه العراق يمته شاف الخير والراحه
جود: ي والله
نرجس: لعد امي ابوي اخواني وين
دانيا: امي مشت بيت خالي تشوفهم واخوانج تدرين بيهم يكعدون بيت وابوج بالشغل
ريناس: لعد البيت هدوء الجهال وين
جود: سكتي ولج نصهم طلعو ويه اخوانج والنص الثاني ويه امي قسمناهم خلينه نرتاح شويه3
....ههههههههه ترم تخلفن
نرجس: هسه ترجعي ع الاخبار لو اركع الريمون براسج
روان: خيتي يااخبار هوه احنه ارواحنه رايحه عوفينه من الاخبار
ريناس: هاج هذه الريمون وانتي ديري شمرت الريمون عليها وكعدت بالكاع صبيت عصير وكعدت اكل نرجس دارته ع الاخبار وتسمع الاوضاع كلش تخوف هل فتره صاير قتل واشكال
دانيا: سمعتن بهاي الي يسمونهم الدوله الاسلاميه
نرجس: ي والله الوضع صاير كلش مو زين وخايفه ع احمد حته كام يبقه بالدوام اكثر من عشرين يوم وينزل اقل العشر ايام
جود: ي فراس حجالي كال هذي الي يسموها بالدوله الاسلاميه او داعش جاي تتغلغل بالموصل وتريد تحتل الموصل
روان: يبوووو كافي تره والله روحي طكت كافي بيمن متفاولات ان شاءلله ماكو شي وراح يكدرون يسيطرون ع الوضع
ريناس: حاولت اغير الجو لان كلش ضاجن من الموضوع وخصوصا نرجس عينها ع الاخبار وتسمع بالحجي والدمعه بطرف عينها لان تخاف ع احمد
سحبت الكلاص مال المي وذبيته ع جود الي جانت صافنه ع نرجس فزت وكام تصيح ركضت وهيه تركض وراي وتغلط واخواتي يضحكن علينه ركضت لبره مامنتبها جان انركع بشخص رفعت راسي هذه ادهم اجت جود تركض صرت وره ادهم وهيه تحاول تكمشني واني وراه وهيه دفع بي
ادهم: هييييي شبيجن صغيرونات انتي الجبيره المزوجه شبيج صغيرونه
روان: خ... وووو..... يييه خويه هذي اذ ما بطلت سوالفها اكتلها والله تحجي وتلهث
ادهم: ع كيفج تلهثين راح تموتين شبيج
ريناس: باوع.دهومي حبيبتي هنه جانن ضايجات عوزهن ما يكعدن يدكن ويلطمن ويبجن ف اني ردت اونسهن وتعرفني انت بعد وضربته بكتفي ع كيف واضحك
ادهم: دور دهومي وحبيبي فلك طرج كون هوه اني اكدر للسانج حتلو اريد اعاقبج تلوتين السالفه بالسانج هههههه يله كافي تعالن طبن جوه
ريناس: شبكني من جها وجود من جها وطبينه نضحك ونسولف وجود كل ساع كارصتني من وره ضهره واني اكرص بيها ساعه الكرصه تطيح بادهم وساعه بيها هههههه
شكد احبه هوه وظافر كلش حنينين علينه كعدنه نسولف ونضحك وهيج مرت الايام بين لمتنه وضحكنه وسوالفنه بقن يمنه اخواتي عشر ايام
اروح للمدرسه ارجع اكعد وياهن ونسولف ونضحك وبليل اكعد اقره
وهيج مرت الايام اخواتي راحن كل وحده لبيتها بيومها البيت كأيب حسيته لان تعودت عليهن وع الجهال محد اكل بيومها نصب الاكل الكل يبقه بس صافن عليه
ظافر: خرب والله تعودت عليهن وع الجهال احس البيت كأيب
ام ادهم: ي والله
ادهم: ادري البيت صار وحشه بس غير كلمن تروح لبيت رجلها شنو تردون يبقن يمكم
ظافر: ي والله ياريت لو ادري ما مزوجيهن
ابو ادهم: يكعدن يمك تريدهن
ظافر: ي والله شنو كل مايجن ويرجن احس البيت يخنكني لو يجن بعد لا يرحن لو لا يجن
ادهم: كوم عني لا اركعك بالكلاص
... ضلينه نسولف ونضحك ومرت الايام هادئه كلش
نجحت من الثالث متوسط وحياتي هادئه كلش كل همي انجح واحقق حلمي اصير طب لان كلش احبه وامي تريدني طب رغم الوضع ابد مو زين والاخبار والانفجارات واشكال صرنه نسمع عن هاي الي يسموهم الدوله الاسلاميه الواحد صار ميأمن يطلع وحده ميأمن باقرب ناسه

واكفه ع المرايه اسرح شعري الي يعبر ضهري بهواي طويل كلش مرات يمللني بس احبه اسرح بي وصافنه شراح يصير بعد بالعراق وين حيوصل بوقتها 2014
والاوضاع من سيئ لاسوء مااحس غير ع صوت الهورن عرفته الخط اجه نزلت اركض صعدت وسلمت ع البنات
ومر اليوم نفس روتين دائما وما يخلص من الاخبار الي نسمعهن
ومرت ايام والوضع ساء كلش والعوائل بدت تشيل من الموصل تطلع بغير محافضات تروح للجنوب وتهاجر لغير محافضات والي سافرو
اهل مرتضى واهل فراس شكد حاولو ويانه نروح يمهم بغداد بس ابوي جان شغل مايكدر يعوفه شنو من شغل الي خلا هيج مايعوفه مانعرف
ودوامنه مارحنه الا ان سائت الاوضاع بعد حته دواماتنه تركناهن مانكدر نطلع
بيوم جانو اهل احمد يردون يطلعون من الموصل يرحون يم اهل فراس ومرتضى عدهم بغداد ومناك يطلعون للبصره اجه احمد توسل بابوي ماقبل ابوي كال خل يرحون وابقه اني اشتغل علمود ادزلهم المصرف
امي ماقبلت اخر شي محد قبل وكالو بس ريناس تروح وياهم اني ماقبلت وعندت مااعوفهم واصريت مااروح احمد عافنه وطلع وده اهله وبقه بالموصل لان دوامه وهوه ضابط ما يكدر يعوف دوامه
نرجس اصرت ما تروح ويه اهله تريد تبقه يمه بس ماقبل لان يلتحق والوضع مو زين ويخاف عليها وع الطفل الي عمره اشهر وطلعها ويه اهله بالكوه

يتبع.....✨