منقذي من الضلام

البارت 13

Fatima_Al-juboory
إلية بكل كلب متعوب تذكار
          ....... ♡♡......
الحض مو هذا المفتاح جربت الثانيي اوووف الحمدلله طلع هوه فتحت الباب بشكل سريع اريد اطلع اخلص شيصير بيه خلي يصير ولا باقيه بهل سجن
فرحه ماتنوصف واني اشوف الباب انفتح واخيرا نفتح السجن راح اخلص راح اتحرر
ضليت صافنه بمكاني والحيره ماليه گلبي  اذ تعديت هل حاجز وين اروح
وشيصير بيه اذ عبرت هل عتبه وين يكون مصيري صافنه بافكاري احتاريت اخاف اطلع واتندم اخاف اطلع واتعذب اخاف اطلع واروح بيد واحد يعذبني ويغتصبني
صح ابو خنجر يعذبني بس مايتقربلي اخاف اموت موته بشعه بين حيرتي وصفنتي بين فرحي اخلص من هل سجن وبين حيرتي وين اروح
وشيصير بيه فزيت من صفنتي ع مجموعه مرت من يمي مجموعه وحوش اشكالهم مقززه اشكالهم ما تفرق عن شكل ابو خنجر
كانو يمشون ويباوعولي مجرد ماتقربو بصف الغرفه من خوفي طبكت الباب بكل قوه خفت يجون يهجمون عليه وفعلا الشي الخفت منه صار
اريد اقفل الغرفه ماكدرت ع كد ماايدي ترجف بهل اثناء ندك الباب واسمع اصواتهم قريبه كلش ع الباب
... افتحي الباب ايتها العاهره
احاول اقفل الباب بس للاسف قواي خانتني طاح المفتاح من ايدي دنكت اشيله
مااحس غير  ندفع الباب بشكل قوي وطبو يمكن جانو خمسه طبو رجعت لوره وعثرت بابو خنجر النايم بالكاع اشبه بالميت ماعرف منين اجتنب القوه وحجيت
... باعو هذا زوجي ابو خنجر ومقامه عالي يم الامير اذ ماطلعتو هسه اكعده واكله عليكم
ضحك واحد بيهم وحجه
... هههههههههههه يا عاهره وهل تخوفيني بابو خنجر ههههههه
يحجي ويتقرب ناحيتي واني ابتعد عنه وصل يمي قيدني بيد اديه المقززه ولمساته الجريئه المقززه رفع النقاب عن وجهي
... ماهذا كل هذا الجمال لابو خنجر لوحده ونحن لنا القبيحات
ضليت ادفع بي واصيح بكل قوه بس اريد ابو خنجر يكعد ماكو لا حيا لمن تنادي
جان اشبه بالميت او جان فعلا ميت حسيته ميت ابو خنجر بهل اثناء بين صايحه وتوسلي بابو خنجر يكعد ينقذني
وبين الي واكفين يتفرجون علينه ويضحكون وهو يبوس بيه بكل جرئه وكل قرف ويتلمس الى ان حسيت نفسي نجريت
يجر بيه يريد يطلعني مااعرف وين يريد ياخذني واني احاول افلت منه بس مااكدر
وصلت قريب من ابو خنجر مجرد ما تقربت اكثر دست ببطنه حيل ذبيت كل ثكلي عليه ردته يصحه من غيبوبته وفعلا نجحت لهل شي

  فز مرعوب او مصدوم من هل شي واخيرا صحه اخيرا بعد كل المعانا فتح عيونه بصدمه وهو يشوف المنضر
يسحب بيه واني اصيح واحاول افلت نفسي منه  الحيره مبينه ع عيونه والصدمه شدخلهم للغرفه شنو الي جاي يصير مصدوم من الي جاي يشوفه
لحضه استوعب الي جاي يشوفه بحركه جنونيه كام وضربه بوكس ع وجها وحسيت بسحبه كلش قويه
وندفعت بالكاع حسيت ظهري نكسر ع كد الضربه القويه الي اجتني مرت لحضات مرعبه مرعبه كلش
واني اشوفهم كبالي يتعاركون واشكال الغلط والفشاير بينهم مر وقت ع الوضعيه واني ارجف من الخوف مااعرف شراح يصير،بيه
كاعده مكرفصه ع نفسي وارجف خوف واني اشوف ذئاب متوحشه تتعارك كدامي وحوش جاعه تاكل ببعض اصوات مرعبه اصوات عاليه
بعد كل هذا صوت واحد وقف اصوات الكل صوت وقف كل هاي الهوسه هذا الصوت دائما يوقف اصوات الهوسه واصوات العاليه
نفسه  اي نفسه الصوت الي وقف اصوات الناس الي بالسياره اول مانخطفنه
صوت طلقه وقف اصوات الصرخات الي جانت بالسياره وقفت صوت السائق للابد
وهسه نفس الصوت وقف اصواتهم العاليه اصواتهم وقف الشجار كنت بحاله صدمه واني اشوفه كدامي متمدد بالكاع والدم مله الغرفه قتله بلا رحمه قتله وبلا ميهزله جفن كان يستحق لقب الوحش السفاح
وهو واكف بثبات وبيده السلاح ومثبت نضره ع الي نايم بالكاع ودمه بطوله وماهتزتله شعره
لثواني دار وجها ع الي واكفين بالباب يتفرجون وحجه بكل ثقه والسلاح بيده يأشر عليهم بي ويرجع يأشر ع الي بالكاع ويحجي
.... ثواني الكا بره تسحلو وتشمرو بره تشمرو بالزباله  وهل مره تجرئتو ودخلتو هل غرفه وتعديتو عليه مره الثانيه اذبحكم كلكم وكلش زين تعرفوني اني منو وشنو مقامي عند الامير يللللللللللله شوووووو صااااافنييييبن علييييه شكووووووو كتلكم طلعوووووووو هل ** منااااا بسااااااااااع لا * ولد ال**
من دون مايحجون وياه حجايه او يتناقشون ويا دنكو ع الي متمدد بالكاع شالو وطلعو
كل هذا واني صافنه ما مستوعبه الصار مامستوعبه الي دااشوفه معقوله مقامه لهل درجه عند الامير عالي معقوله هل جرئه عنده يقتله كدام اصدقائه
مايخاف ع نفسه والي صدمني اكثر من شالو وماحجو حجايه ويا شنو هل أنسان شنو هل جرئه الي عنده ضليت بحيرتي وصفنتي