منقذي من الضلام

البارت5

Fatima_Al-juboory

هـلـي
الـغـربـه مـن ابـات احـذاڪـم بـحـزنـي
........♡♡.......
شبكتها واني احس هاي امي وارجف ما رفعت راسي الى ع صوت واحد من حجه
.... خذوهم الى العربه
جان يقصد السياره مالتهم نزل من السياره وهوه السلاح بيده مستعد ع اي لحضه يرمي اي شخص يطلع صوت من الخوف كلنه ضلينه ساكتين ما تسمع اي صوت بس اني ارجف وادعي بكلبي الله يخلصنه من هل شده
اجو علينه مجموعه مجموعه وسحلونه سحل ايدهم ع روسنه مدنكيها بالكاع ومجتفين ادينه وره ظهرنه
ويمشون بينه ما نعرف وين ما خذينه وصلونه للسياره دفعونه حيل طببونه بيها نشمرت حيل طحت ع وجهي صارت طيحتي ع ولد طحت بحضنه خطيه يمكن تأذه من طيحتي لان جانت قويه
سحبني كومني ع كيف
... خيتي خو ما تاذيتي
... لا خويه ما تاذيت
...  بس انت تأذيت من طيحتي عليك
...  لا خويه
كل فكري جان الله يخلصنه من هل شده اهلي وين هم كمشوهم و ادهم وين وشصار بي كدر يخلص منهم او لا
ضل بالي ع ادهم اكثر من اهلي لان اهلي طلعو بس ماعرف نكمشو او لا بس جنت اطمن نفسي انو كدرو يعبرون لان احنه بقينه هواي واكفين
اكيد بهل مده كدرو يطلعون جنت اقنع نفسي بهل شي من ناحيه اهلي بس فكري كله يم ادهم لان جان وياي بالسياره
ضليت ادعي كون يتاخرون هوه والشباب الي ويا يتأخرون بلكت يخلصون علمود ينطون علم لاهلي
ضلت السياره تمشي بينه خطيه المره الي وصاها ادهم عليه ما عافتني بس شابكتني ومكعدتني يمها واكو بنات يبجن بصوت ناصي كامتلهن تهدي بيهن وتهدي بالموجودين
شكد گلبها جان طيب هل مره شكد مااوصف بيها قليل بحقها اكو جان ولد خطيه لضاهر مجروح كامت عليه وشكت وصله من ثوبها ولفتها ع ايده لان جانت تصب دم
هذا الحجي السياره تمشي بينه الى المجهول واكو ثنين مسلحين واكفين فوك روسنه علمود اي حركه نسويها يخلصون علينه صاح بيها واحد من الي واكفين
.... انتِ ان لم تجلسي في مكانك افجر رأسك هل فهمتيييي
.... خاله خطيه ما تشوف ايده جاي تنزف بس الفها اله
اجه بتجاها وبالسلاح ضربها ع ضهرها حيل ودفرها
.... من تكوني انتِ لتقولي لي خاله يااعاهررررا
جان يضرب بيها خطيه الولد كبل كام وشبكها يحميها والضرب كله صار عليه ينضرب بمكانها محد جان يكدر يحجي لان تهددو الي يحجي ينكتل بس الشباب شكد جانو شايلين غيره من شافو هيج يضرب بالمره والشاب ما تحملو وكامو سحبوهم منهم
تستمر القصة أدناه

وكفو كدامهم هوا تخبل شلون هيج يوكفون كدامه ضل يغلط ويحجي ويفشر بس جان كله بالفصحى يحجي وحجيه مكسر وصار هوسه بالسياره والبنات والنسوان مدنكات وايدهن ع روسهن ويبجن
وهوه الولد شابك المره يحميها ما هدها والشباب مسوين عليه دائره يحموهم
وبين الصياح والعرك والصوت العالي صوت واحد خله الكل يسكت صوت طلقه نرمت من بعدها صار هدوء
الصوت الي دائما يسكت الاصوات نفس الصوت الوكف صوت السائق نها خلاص نها صوته الى الابد هسه نفس الصوت سكت الفوضا الجانت موجوده
رفعت راسي ع كيف احس روحي طلعت من شفت شاب او بطل من ابطال العراق متمدد بالكاع يتلوه اجايه الطلقه برجله
.... ان لم تسكتو سوف انهي حياته وحياتكم
بهل اثناء وكفت السياره واجو عليها ثنين يشوفون شكو لان جانت السياره ام الصندوق الجبير وجان شلون الي مغطي علمود لا يبين شي منه
... ماذا جرى يا ابو قتيبا
... لم يحدث شي لا تقلقو
رجعو لاماكنهم وتحركت السياره من جديد
الشباب سكتو وسحبو الولد يحاولون يعالجو بس كلشي ماعدهم اكو مره كاعده من شافته طفرت وهيه تصيح
... يمه ابني يمه حاتم بيك شي تبجي وحاضنته وهوه يهدي بيها بصوته التعبان المتألم
حاتم: يمه مابيه شي لا تخافين بس هيج جرح بسيط
تبجي وحاضنته وتصيح
... الله لا ينطيكم الله لا يوفقكم شسويتو بينه حوبتنا ماتتعداكم حوبه هل وطن ماتتعداكم
اجه بتجاها الي جان واكف بس طول الجدال الي صار قبل شويه ما تدخل من دون ميحجي بالسلاح ضربها ع راسها بحيث سكتت وطاحت مغمى عليها بحضن ابنها
هوه هنا تخبل يكعد بيها وماكو راد يكوم يتعارك اكو ولد كاعد بصفه سحبه وكعده وخله ايده ع حلكه وشاوره باوع لامه وحضنها
وهوه يتفحص انفاسها وبعد ما تاكد منها تتنفس هدء بس ضل يتلوع من وجع رجله وخوفه ع امه المره اجت كعدت يمي وشبكتني وهيه تتلوع من وجعها
... يمه انتي شسمج لسه ماعرف اسمج
جاوبتها خاله اسمي ريناس باوعتلي وعيونها مدمعه كامت تبجي وشبكتني سئلتها خاله انتي ام شنو جاوبت
... ام انور
ضليت ساكته وهيه شابكتني بس حاسه بالامان لان حسيتها نفس امي خفت افقدها من شفت خوفها  وحرصها عليه وحنيتها ويه الكل