منقذي من الضلام

البارت 8

Fatima_Al-juboory

... اذ شفتج مره ثانيه بهل غرفه انحرج وادفنج هنااا ومحد يدري عنج مو اذ شفتج بالغرفه لاااا اذ شفتج واصله يمهااا فاهمه يوووو لااااا
... اوووي ايدي هدها
دفعني بالكاع حيل ومشه طب للغرفه
...  موووت الياخذك ويخلصني منك
...  امييين يربييي
.... كبر مابيك خير لو بيك خير ماتطلع بطولاتك عليه
ضليت اصيح واغلط وهوه بس ساكت ما جاوب عليه كمت من الكاع منتهيه ارتكي ع الحايط وامشي رحت للحمام ويه طلعتي من الحمام  هوه توه طلع من الغرفه
باوعلي ودار وجها اتجه للباب طلع وقفل الباب ورا
... موت الياخذك إن شاءلله 
كعدت بالكاع ورتكيت ع الحايط سانده نفسي وراسي ع الحايط ابجي يربي شراح يصير شنو تاليتي لا اني الميته ولا اني الرايحه لاهلي
مر وقت مو كلش هواي اجه جايب بيده علاكه سوده تقرب ناحيتي وكعد مقابيلي وخله العلاكه بالكاع
باوعتله بنضرات استغراب شنو هل علاليك سحب وحده منهن قربها ناحيتي وحجه
...  هذي بيها ملابس الج بدلي الي لابستهن كلهن دم
حسيت نفسي متت من الفشله كلش استحي من هيج مواقف بس دنكت راسي ماحجيت شي ولا علقت
فتح العلاكه الثانيه  طلع ثنين بطاله مي من دون  ميحجي حجايه فتح البطل وقربه ناحيتي جنت من صدك محتاجه الاكل والماي من دون اي اعتراض سحبت البطل من ايده وشربته دفعه وحده
...  ع كيفج لا تغصين مو زين هيج تشربينه دفعه وحده 
ماجاوبته ضليت ساكته فتح البطل الثاني وقربه الي هزيت راسي بمعنه ماريد
...  براحتج
شرب منه وخلا بالكاع وفتح العلاكه وطلع ثنين سفري فتحهن تمن وعليه مرك باوعتلهن ورفعت راسي اباوعله جان هادء،كلش
كعد ياكل واني صافنه ماعرف شسوي وهذا هدوئه خبلني رفع راسه عليه باوعلي صفح حجه  وهو رافع حاجبه المطبور
... شنو ماراح تاكلين راح تضلين صافنه
... فدوه اختي الاء وين
حجيتها من دون وعي ركز بعيونه الحادات عليه وحجه بكل هدوء
... الاء منو
... هااا شبيك اختي
... انتي ما كايله اختج اسمها الاء لو هذي ثانيه واصلا بالي اجن كلهن ماكو وحده اسمها الاء
نتبهت لجفصتي ضربت كصتي بلا وعي نسيته كاعد لان عادتي من يصير وياي موقف اضرب كصتي
ضل مركز عليه ورافع حاجبه يباوع بنضرات كلها شك توترت اكثر من نضراته بعدت نضري عنه احاول اتيه السالفه جريت السفري وجريت الخاشوكه

... جوعانه صارلي ايام ماماكله شي
... اكلي اكلي
ضليت اكل مارفعت راسي اله ابد هوه خلال ثانيه كمل ماعونه وضل كاعد بمكانه بوقتها حسيت الاكل كلش طيب لان صارلي ايام ماماكله شي ضليت اكل بشراها الى ان خلصت الماعون
رفعت راسي واصلا جنت ناسيه وجوده لان جنت حيل جوعانه صافن عليه بتسم تك خد وحجه
... الف عافيه اجيبلج بعد
... شكرا ماريد حجيت بنتر
... براحتج هسه دامج كملتي اكل حجيلي منو الاء ومريم منو
ضليت صافنه ماعرف شرد عليه شنو هذا ما ينسه صارلي شكد من كتله ع الاء وشنو همه يعرفون اي وحده تجي هنا ضليت مستغربه منه
... الاء نفسها مريم مغيره الاسم وانتي مو رهف
... هااا لا موووو
... وجعووووووو احجي بساع مالي خلكج
ماتحملت كبل بجيت وحجيت بتوسل
... عليك النبي ساعدنه والله احنه مضلومين شنو ذنبنه احنه انتو  ليش هيج تسوون بالعالم فدوه
ردنه نطلع ونعيش خارج ولايتنه مو سهله علينه نعوف ولايتنه ونطلع بس نجبرونه نطلع شنو ذنبنه احنه خطفتونه من اهلنه مانعرف عن اهلنه شي ولا همه يعرفون عنه شي
بنات صغار ميعرفن من الدنيا شي مشايفات من الدنيا شي هيج يصير بيهن هيج يتعذبن ليش
مايعرفون بينه ميتين عدلين ليشششش بس فهمنييي ليش جاي تسوون كل هذا
هجرتو الناس من بيوتها قتلتو ناس واطفال قتلتو شباب بعمر الورد قتلتو اطفال ميعرفوووون من الحياااه شييي بس فهموووونييي ليششش ليششش فدوه قتلني اقلها ارتاح من العذاب هذذذا اقلها ارتااااححح
ماتعذب اكثر من اشوف بلدي جاي يتدمر وابناء،بلدي ينقتلون
انتتت شنو من غيره عندك ماعندك غيره ع بلدك انتتت عراقي والله عراقي لا تكول انت مو عراقي لان لهجتك عراقيه مو يكولون العراقيين اهل غيره وين غيرتك ع اهل بلدك وين غيرتك ع بنات بلدك من تشوفهن هيج هذا يغتصب بيهن
ذاك يعذبهن هذا يكتلهن وهذاا وهذاككك الى اخره
وين غيرتككك وييييين فهمنيييي وين وييييين
كمت اصيح والطم ع وجهي فقدت كلش والزيد ناري هوه بس يباوعلي ماحجه اي حجايه ربي هذا راح يموتني من بروده
شكد حاولت  استفزه اريده يتعارك يضرب بلكت يقسه بالضرب واموت بس ماكو يضرب بيه من يشوفني انتهي ويعوفني