منقذي من الضلام

البارت22

Fatima_Al-juboory
الحزن لايگ يگلبي عليك
جرح شفه الضحك ياذيك
وانه اگدر يگلبي اچويك
لاجنك شمع ويريدك الشراي ماباچي 
     ..... ♡♡....
الرجوع للماضي....
طحت بالكاع ع قوه الانفجار جان حيل قريب مني بحيث نشمرت حيل بالكاع نشمرت ع وجهي
رفعت راسي ع كيف بسبب الدوخه الي اجتني خشمي يصب دم رفعت راسي دائر مدائري نار مشتعله كمت احاول اهرب من النار الي محاوطتني احاول اهرب قبل لاتلتهمني هاي النيران المشتعله
ضليت ادور ع السلاح الي جبته وياي احمي نفسي بي لكيته مرمي بعيد عني صاير بصف النار خفت اتقربله واشيله
بس كان لازم اخذه احمي نفسي تقربتله سحبته بساع وهربت اركض واني احاول اهرب عن النار لاينفجر شي من جديد وخشمي يصب دم الشمس تركع براسي حسيت بدوخه اجتاحتني  طحت بالكاع واني الهث من  تعب
كمت احاول اقوي نفسي واكمل مسيرتي لازم ارجع لحاتم باسرع وقت والا راح اخسره
عيوني تتجول بالمكان الي اني بي مكان محطم مابي اي بشر نيران مشتعله من كل جانب بسبب الانفجار الصار ريحه البارود وحراره الجو اصابتني بالغثيان والتعب
ضليت امشي بخوف وقلق امشي بثقل ضليت امشي وعيوني تتجول بالاعلانات ع امل الكه صيدليه كنت امشي واقره
«بدلات»  «حلويات ال...»  « مطعم ال...» «تجهيز اطفال»  «ملابس رجاليه ملابس نسائيه».....
امشي واقره كانن محطمات نص طايحات ونص صايرات عوج المحلات محطمه والغراض البيها مكسره
سمعت صوت قريب مني التفتت بخوف واني اشوف تلاث دواعش جانو يمشون باتجاهي بس كانو يسولفون ومامنتبهين عليه
ركضت ختلت وره الحايط اكو حايط طايح نصه ختلت ورا احمي نفسي واني مطلعه بس عيوني اشوفهم اتجهو لاتجاهي خوف تملكني سحبت السلاح من ع كتفي ورفعته وجهته عليهم
ضليت حايره خاف اضرب ومااكدر ويجون ضليت بحيره يااما اقتلهم يااما اروح بيها وبكل الاحوال اني راح اروح بيها لان جانو تلاثه مسلحين مااكدر الهم
حسمت الامر سحبت السلاح وسحبت اقسام وجهته عليهم قنصت ع البلوسط احاول اقتله علمود اكمل مسيرتي
غوشت عيوني من تذكرت ابوي من جان يعلمني شلون اقنص وشلون اسحب اقسام وارمي
.... هههههههههه بابااااااا ثكييللللل مامتعلمه اشيله اخاف منه
....  ولج جمااان شنو ثكيل رفعي يله عفيه تعلمي بابا اريدج ينشد، بيج الظهر جمان قحطان ماكو شي صعب عليها سباعيه من ظهر زلم يله بويه رفعي لاتخافين
...  واني هم ينشد بيه الظهر بابا جمان قحطان ماتخاف من شي وماكو شي ثكيل عليها اسحب كلمتي

ثبت السلاح ع كتفي وضل يعلمني شلون اقنص ع الشي وشلون اسحب اقسام
جانت لحضات حلوه ماتنسه ابد واني اسمع ضحكه اخواني الي محاوطيني من كل جانب ضحكه ابوي الي يقلد عليه لان اشيل السلاح كوه لان مامتعلمتله توني واخاف منه
نفضت راسي من الافكار ومسحت دموعي بقوه الي منعني من التركيز
... جمان قحطان مايهمها شي
ثبتت السلاح عليهم بعد ماصارو قريبين عليه كلش ورميت صارت الطلقه بالوسط بصدره طرحته ارضاً
الي محاوطي ضلو مصدومين منين اجت هاي الطلقه سحبو سلاحهم  وختلو وره السياره القريبه عليهم وضلو يرمون باتجاهي بشكل سريع وعشوائي
دنكت راسي حيل ضلو يرمون ع اتجاهي  الى ان توقف الرمي رفعت راسي بطئ
اشوف جانو مطلعين بس روسهم يتأكدون من المكان ضليت مدنكه احاول اغافلهم ماصدرت اي حركه
خلو اسلحتهم كدامهم مستعدين للرمي بأي لحضه واتوجهو يمشون لبطئ بأتجاه صديقهم وهمه يتلفتون منا ومنا
دنكت راسي لا يشوفوني ثواني ورفعته لكيتهم مدنكين ع صديقهم يردون يشيلو
رفعت السلاح وجهته  عليهم ورميت بشكل سريع عليهم كبل طاحو ع الارض ودمهم ملا الارض ضليت ع وضعي مدنكه راسي ومطلعه بس عيوني وسلاحي موجهته عليهم خاف يطلعون ماميتين او يجي شخص
لدقائق بعد ماتأكدت انو ماصدرت حركه منهم كمت اريد اكمل مشيي حسيت شخص بيهم يتحرك ماميت دا يلقط بانفاسه الاخيره رفع راسه شافني جان السلاح قريب يمه
وجهت سلاحي عليه ردت ارمي الحض جان مابي رصاص شال سلاحه وجها عليه وهو كوه شايله ركضت اتجهت لمكاني ودنكت ماطلعت بس راسي اباوعله كام وشال السلاح كوه
وهو يتطوطح مايكدر يمشي وسلاحه كامشه متجه باتجاهي والدم ملا جانت الطلقه اجايه بضهره لان جان مدنك ع صديقه يريد يشيله
وصل يمي وجه سلاحه عليه حجه وهو يتطوطح
... ياااا..... عـ.... اااهره هل تضنين انـ.... كييي سوف تهربي مني
شال السلاح عليه يريد يضرب بعد ماشفته يتطوطح مايكدر،
شلت سلاحي وركعته حيل طاح ع الارض سحبت سلاحه منه وضربته رصاصه بكلبه انهي حياته شكلت الاسلاح ع كتفي وركضت ادور ع صيدليه وهاي اخر محاوله الي اذ مالكيت ارجع
ضليت امشي والدنيا بلشت تصير مغرب الخوف زاد بكلبي بعد الي صار وبعد ماكمت امشي بالشوارع والشوارع فارغه مابيها اي كائن بس اصوات الرمي القربيه
بلشت تظلم الدنيا والخوف زاد بكلبي  وبالي كله يم حاتم وبان وكوثر لا يتهورن ويطلعن يدورن عليه ضليت امشي سريع احاول ارجع الهم ضليت امشي بالظلام الي زاد
واني الخوف متملكني بعد ماحسيت ع نفسي تيهت البيت اصوات الكلاب علت واصوات الرمي عله
كعدت بالكاع منهلكه من المشي والخوف جوع وعطش رعب قلق كلهن بيه مددت رجليه بالكاع والسلاح بصفي اديه ع وجهي واني حيرانه شسوي وين اروح تيهت اختي تيهت بت خالي تيهت الامانه تيهت حاتم الي دايلقط بانفاسه الاخيره
بجيت بصوت عالي واني ادعي ربي يتقذني من الي اني بي واني ادعي ربي يدليني ع صيدليه الكه بيها دوه لان متأكده اكو صيدليه لان كل المحلات ماشايلين ولا شي من محلاتهم اكيد ماملحكين يشيلوهن
زاد بجيي ونحيبي من احتاجيت ماي اريد ارتوي ريكي نشف شفايفي تفطرن من كد العطش
.... ياااربيي دخيلك ساعدني دليني ع مكان بان وكوثر يالاهي دخيلك انقذلي حاتم وطلعنه من الي احنه بي
الاهي دخيلك ارويني حموت من العطش الاهي دخيلك كمعه ماي بس ابلل شفايفي الي تفطرن من العطش ريكي يبس صارلي ايام ماشاربه ماي احتاجه يالاهي لاتخليني اموت عطشانه الاهييييييي دخيلك
ركيت راسي ع الحايط الي وراي واني ابجي واناجي ربي ينقذني ويدليني ع شي انقذ بي حاتم واني اناجي ربي يرويني بقطره مي اروي بيها نفسي وابلل ريكي الي يبس
حسيت نفسي دااغفى حاولت اقاوم النوم واكوم اكمل مسيرتي بس شي جان اكبر من ارادتي خلاني اغفى
حسيت بشخص كعد يمي وكام  يمسد ع شعري بحنيه مافتحت عيوني جنت محتاجه هل امان ماردت افتح عيوني والكه نفسي بالدمار بقيت مغمضتهن واني استنشق بعطره الجميل الي احبه حنيته وامانه جنت محتاجته يمي يمسد ع شعري بحنيه اجاني صوته الحنين اخترق طبلات اذني صوت مشتاقتله من ايام كلش هواي اني فاقدته
... مشتاقلج
... اني اكثر ليش عفتوني كل هل وقت حيل محتاجتك يمي امي وين واخواني
...  احنه بخير، بابا بس گلبي متكطع عليجن واني اشوفجن هيج تتعذبن
... لاتعوفني بابا
... عطشانه بابا؟؟
... كلش عطشانه وخايفه لاتعوفني بقيني بحضنك احتاج امانك
... راح تلكين الي تبحثين عنه بابا صيري قويه
حسيت بي طبع قبله ع خدي بحنيه نفس عادته حسيت بي بعدني عن حضنه وكام ابتعد عني ماجنت اكدر افتح عيوني واشوفه
كأنو شي كان اكبر من ارادتي مانعني افتح عيوني واشوفه بس كنت اسمع صوته واحس، بي بحيث حسيت بقربه كأنو كان كاعد يمي بالصدك
فتحت عيوني بسرعه واني عيوني تتجول بالمكان ابحث عنه كمت وكفت واني عيوني تتجول درت وجهي بخوف ماريده يبتعد عني ماريده يروح عني صحت بصوت
... بااااباااااااا وييينكككك لاااااتعووووفنيييييي لاتعووووفنييييي محتاجتك تعااااالللل فدوه تعال
كعدت بالكاع دنكت راسي ابجي بحركه واني انادي باسمه اريده ماريد يعوفني مرت دقائق ع وضعي بين بجيي وخوفي بين اشتياقي وحنيتي اله
رفعت راسي ومسحت الدومع الي ملن خدي رفعت عيوني لفوك كانت الشمس توها داتطلع كان الجو كلشش حلو كان فجر يالله كنت نايمه بان وكوثر شحالهن حاتم شحاله هسه
الحمدلله ربي دنكت سجدت سجده شكر لله لان كنت احس هذا الشي كان اشاره الي انو ماافقد الامل شكرته لان خلاني احس بابوي وحنيته  كان بجنبي حتلو كان حلم بس حسيت بي كان حقيقه حسيت بي هو يحس بينه وبعذابنه الحمدلله ربي انطيتني اشاره ماافقد الامل
دنكت شلت السلاح من ع الارض وضليت امشي للامام ابد مارجعت لوره او غيرت مسيرتي ضليت امشي ع مسيره ثابته الي هيه للامام ضليت امشي وقت كلش طويل الشمس بدت تقوه يالله شكد اكره الدنيا من تصير حاره
الى ان شفت سياره قريبه عليه جانت دا تشتعل نار خفت لاتنفجر ركضت ابتعد عنها ركضت بكل سرعه عندي الى ان ابتعدت دخلت لمكان ماعرف شنو مانتبهت اصلا كل همي اخلص من السياره الي ع وشك الانفجار
سمعت صوت كلش قوي صوت رج اركان المكان الي اني بي بحيث جانت اكو غراض وكعن بالكاع تهدمت الجها الاماميه لهذا المكان ماجنت مركزه بهذا المكان بس كان خوف متملكني دنكت للكاع وخليت اديه ع راسي احمي نفسي من انهدام هذا المكان
ضليت مدنكه الى ان هدء الصوت هدء صوت تطشر الغراض رفعت راسي ببطئ اشوف كان الباب مسدود ع كد الغراض الي واكعات كدامه
فتحت عيوني مصدومه من المكان الي اني بي يالله دخيلك المكان الي ادور عليه اني صارلي يومين اني هسه بي
كعدت بالكاع ابجب من الفرحه والصدمه يالله شهل معجزه الي خليتني بيها معجزه قسماً  معجزه ضليت ابجي من هول الموقف شلون كنت هربانه من انفجار وركضت وفجأه شنو الكه نفسي بالصيدليه بالمكان الي ابجث عنه