منقذي من الضلام

البارت 14

Fatima_Al-juboory

من كونه وكتي اوياي ضيم ومهانه
طـبعآ دمـوعي تطيح چا حايط آنه
    
      .... ♡♡....
فتحت عيوني ع وسعهن واني اشوف الي كدامي بلحضه ماكدرت اسيطر ع نفسي كبل فرغت من راسي وحسيت نفسي راح اغيب عن الوعي بعد مااكدر اتمالك نفسي اكثر ولا اسيطر  ع نفسي
حسيت الظلام سحبني من جديد الظلام الي مايفاركني ابد ولا راح يعوفني يمته راح اخلص من هل ظلام ماعرف شنو مصيري
فتحت عيوني بتعب واني اشوف نفسي بحضنه راسي صاير ع رجله
رجعت ذاكرتي قبل لا اغيب عن الوعي بثواني من نفتح الباب ي هو يعني ماجنت اتخيل هو الي وكفت السياره اله وفتح الباب
  زين وين جان وشلون لحك بالسياره ماعرف  ضلت هل اسئله بالي وين جان وليش عافني وهسه رجع عليه شلون لحك بينه والسياره بالساعتين تمشي
مر الوقت وجان الكل ساكت بس صوت انفاسه العاليه اسمعهن ليكول داخل حرب مرينه من يم سيطره مال الدواعش
وكفو السياره ضلو يحجون بس بالي ابد مو يمهم ولا اكدر اركز ويه حجيهم
حسيت بنغزه بيدي باوعتله همس بصوت ناصي
... نزلي
ضليت صافنه عليه وين انزل الخوف تملكني نتر من بين سنونه
... ماتنزلين شبيج
نزل وسحبني من ايدي نزلني
... مااسمعلج نفس فاهمه
... وين ماخذني
... امشي وانتي ساكته لاتسئلين يله گطعي النفس
يمشي سريع ويسحل بيه سحل وصلنه يم مجموعه واكفين تقربنه منهم تسالمو واحد حضن الثاني سلامهم كان حار حجه واحد بيهم وهو يباوع عليه ويضحك بخبث
... ماذا معك يابه الحر
... هذا جاريتي لقد اعطاها لي الامير
... ونحن ماذا لنا
... لكم الجهاد والجنات اليس بشي جميل ان تحصلو ع هذا الشي وان تكونو مع الرسول هههههههه هناك في الجنه سوف تتزوجو من حور العين
كام يضحكون حجه واحد بيهم
.... لاكن يابا الحر نحن نريد الجنات ونريد الجاريات ماذا بس انت لك كل جاريه جميله انت تأخذها ماهاذا يابا الحر لقد اختنقت اريد جاريه من جواريك
.... كيف لك انت تقول هذا الكلام معي كيف تتجرء ع قول هذا
... ماذا بك يابا الحر كنت امزح معك
ضلو يحجون شويه سحبني من ايدي حيل وضلينه نمشي حجيت بصوت ناصي
... وين ماخذني
... سكتي وامشي
نتر ايدي حيل وكام يمشي وامشي ورا اتعثر وكل الي،يشوفه يسلم عليه كأنو شخصيه كلش مهمه عدهم وفعلا هذا الشي

هو شخصيه مهمه عند الامير وعدهم بس بالضبط شنو مقامه او ليش هيج الكل يخاف منه ويهابه ماعرف
ضلينه نمشي الى وصلنه  لبيت مهدم مكان مرعب جان ودائر مدائره بيوت نفسه والدواعش محاصرين المكان حراسه لهذا المكان
بس جان المكان عباره عن بقايا انفجارات بيوت مهدمه شكل مرعب البنايات الجميله كلها صايره ويه التراب والي مهدمه وباقي بس الهيكل مكان مرعل
الخوف تملكني واني بنص هل دواعش ماعرف وين وشنو مصيري ماعرف يمته يخلص هل عذاب هل ياترا هذا العذاب راح يخلص بالفرج ام يخلص بعذاب ازيد من هذا العذاب
هل ياترا هذ العذاب يخلص بأنتهاء لحياتي ام يخلص بفرج واعيش حياه جديده سعيده بقرب من عائلتي والي احبهم هل ياترا اهلي نسوني وعاشو حياتهم ام يذكروني ويدورون عليه لو عبالهم ميته
اهلي ميتين لو عايشين كدرو يطلعون ام لا
فزيت من افكاري وتسألاتي الي ماتفارك عقلي ع نغزه بخاصرتي رفعت عيوني اباوعله جان خازرني حرك راسه اشرلي بمعنى دخلي للبيت
دخلت بخطوات ثقيله متردده خوف متملكني شنو القادم خوف من الراح يجي رعب وتوتر من الي منتضرني دخلت للخرابه
جان بيت مهدم حيطانه ماكلهن الرطوبه وسود اثر دخان لظاهر جان اكو نيران هنا مشتعله بحيث الحيطان مصبوغه بلون الاسود
باب حديد كوه ثابت خرابه بشكل مو طبيعي بحيث بس شكلها مرعب الغرفه الي جنت كاعده بيها احسن جانت غرفه مرتبه صح جانت عباره عن سجن بس ارتب من هنا
هذا المكان مرعب بشكل لان اثاثه كله محترك وباقي اثره وشي متهدم يعني المكان الي حاليا بي يصلح يمثلون بي فلم رعب لان شكل البيت واجوائه مرعبه
....  شبيج صافنه مادخلييييين
...  اي لا تصيح
دخلت وصلت للنص درت وجهي باركان البيت اتفحصه جان عباره عن صاله تجمع كم غرفه تمشيت للغرف اشوفهن
دخلت اول غرفه جانت مطبخ مبين بنيان حلو بس الانفجار الي صاير بي مهدمه رفعت راسي لفوك السكف نصه طايح باقيات الشيلمانات مبينات نص والنص الثاني مغطه بالسكف الي ماطايح الكاونتر متهدم بسبب الطابوك الطايح عليه درت وجهي جانت اكو ثلاجه تقربتلها فتحتها
ريحت العفونيه بيها تكتل الاكل بيها خايس مسحت عيوني الي غوشن بسبب الدموع جان اكو طباخ ابو اربع عيون صاير بالنص وعليه قوري مال جاي درت وجهي اريد اطلع لكيته واكف بالباب مرتكي ع الباب الجكاير كامشها بين شفايفه