منقذي من الضلام

البارت 23

Fatima_Al-juboory

البارحة
‏إشتاگيت أحط متني على متنك
‏ردت اگلك
‏ضال بروحي مكان لكلشي منك .
       ..... ♡♡....
ريناس:
فززني دفره الباب القويه رفعت راسي جمدت بمكاني بعد ماشفت ابو خنجر وتلاثه ويا جانو مايفرقون عنه شي دخلو بساع وقفلو الباب
وهمه يلهثون بشكل سريع كأنو شخص دا يركض وراهم حجه واحد منهم من دون ماينتبه لوجودنه حجه وهو يلهث
.... سيدي لازم نطلع نكشف كلشي مانكدر نبقه اكثر حياتنه بخطر خصوصا انت سيدي
دار وجها ابو خنجر عليه بسرعه وخزره خزره من يمي نشليت خزره وهو يأشر ع جهتنا بعيونه
دار وجها علينه الي حجه كأنو نصدم بحلق عيونه بصدمه من شافنه موجودين بلع ريك وحجه بتعلثم
... مولاي
ابو خنجر: حط لسانك بلهاتك واسكت
بهل اثناء ندك الباب بقوه كأنو صار هجوم ع المكان الي احنه بي فتحو الباب بسرعه دخلو ثنين يلهثون اول مادخلو سحبو شخص وقفلو الباب
دفعو بالنص وحاوطو كلهم شاله واحد منهم وركعه بالكاع ودفره حيل صرخ بالم
تكابلو عليه كلهم وضلو يعذبون بي بشكل بشع ونسو وجودنه كل همهم يعذبون هذا الشخص الي صار بين اديهم يعذبون بي بابشع الطرق
جمان طفرت ع بان شبكتها وخلت راسها بصدرها علمود لاتشوف بشاعتهم اني جمدت بمكاني من الصدمه جانو هذوله كلهم ع واحد وهو بين اديهم يتلاوه وياهم ويصيح لفت انتباهي من حجه بصوت عالي
...  سفله خونه سوف اعلم الامير بكم  انتم من الجيش العـ....
قطع صوته من ابو خنجر دفره بقوه ع حلكه وهو يباوعلنه
بعد ماعذبو شالو ودفعو ع ابو خنجر كمشه صار ظهره ع صدر ابو خنجر سحب السجين  من خصره وخلاها ع ركبته وحجه باذنه بفحبح ومكر وهو يضحك
...هههههه اي امير تحجي عليه *** هاي اذ طلعت منا احنه محد يكدر يكمشنه او يحس علينه والي يحس علينه يصير مثلك يحبيب امك هههههههه
...اتركووووني سفله
ضغط ع السجين وحجه
...شلون تريد تموت ذبح لو شلون
.... اغبياء اتضنون انكم من تقتلوني سوف اخسر سوف أذهب الي الجنه وانتم الى النار
..... ههههه دامك تريد تروح للجنه جا خوش
ذبحه من شفت الموقف شلون ذبحه والدم مله ابو خنجر ومله الارض صحت بصوت وخليت ايدي ع حلكي مرعوبه من الي شفته ومن بشاعته ذبحه بلا ميرفله جفن3
دارو وجهم علينه نصدمو جانو مستعجلين كلش بحيث ماركزو بينه مانتبهو لوجودنه
شمره بالكاع ابو خنجر وأتجه لجهتنا وحجه بتحذير السكين  المملؤه بالدم بيده وهو يأشر علينه ويحجي بتحذير

... الي تفك حلكها وتحجي حرف واحد من الي صار مصيرها نفس هذا باعن هذا مجرد حاول يلعب بذيله شلون صار بي صيرن حبابات وخلن لسانجن بحلكجن وسكتن
ماردينه عليه باي كلمه كل الي كدرنه عليه نهز راسنه بالموافقيه
دار وجها عليهم بعد ماجانو مصدومين منه ومصدومين من تصرف ابو خنجر وشلون مامهتم لوجودنه تقرب واحد بصفه وشاوره ماعرف بشنو بس كانو عيونهم علينه ابو خنجر جان مركز ع كلامه وهو يأشر، براسه اخر، شي حجه
.... جؤ جؤ لا تخاف ماكو شي مايكدرن وهو اليوم كلشي ينتهي ويطلعن منا
... ي ي يله كتلك لا شبيك مثل ال**** يله بساع خل نحير بالي عدنه
اتجه ابو خنجر للباب فتحه ومد راسه ضل يتلفت يمين ويسار وكف بالباب واشرلهم بيده وهو واكف بالباب يشوف خاف احد يجي دنكو ع الي متمدد بالكاع سحلو ودمه مله الارض وهمه يسحلون بي حجه ابو خنجر  وياهم
... بالزباله بالزباله
... حاضر، سيدي
رفع راسه الي حجه وباوع لابو خنجر الي جان خازره وحجه
... اسف مولاي
... هو محد مطيح حضي غيرك راح اطلع لسانك واكصه الك هيج يله ارتاح منك الك يوم توكعنه بتهلكه
حجه واحد منهم
... مولاي عوفونه من هل حجي هسه خل نحجي بالاهم
سحب ابو خنجر المفتاح من جيبه وشمره ع الي حجه واشرله بعيونه ع الغرفه المقابيلي الغرفه الي ماعرف شنو سرها وليش حذر بيها ودائما قافلها
كمش المفتاح ومشه اتجه للغرفه فتحها وطبو كلهم بالغرفه بقه ابو خنجر وشخص ويا نضفو الدم الي بالكاع
والشاب الي ويا كل ساع صعد عينه علينه وشاور ابو خنجر بس كان بارد كلش كلشي ماهامه كان الخوف والقلق باين ع وجوهنه
كملو مسح الارضيه اتجهو للحمام غسلو وطلعو للباب وكفو يشوفون يتأكدون من المكان اجو الاثنين الي طلعو الشخص الي قتلو بساع طبو وقفلو الباب دارو وجهم علينه وكملو طريقهم للغرفه طبو وقفلو الباب
درت وجهي لجمان الي صافنه بحيره وقلق حجت بخوف
ريناس: جمان
جمان: هاا
ريناس: خايفه
دارت وجها عليه بعد ماجانت صافنه ع باب الغرفه كأنو تريد تعرف شدا يصير داخل كامت اتجهت لاتجاهي كعدت بالكاع سحبتني لحضنها وهيه تمسد ع شعري بحنيه حجت بصوت تطمئني صوت حنين صوت كأنو نابع من اعماق گلبها من اعماق حنيتها