منقذي من الضلام

البارت4

بواسطة Fatima_Al-juboory
منقذي من الظلام
بقلم فاطمه الجبوري💞
وكف حته الوكت بيه وكمت أشوف
الساعه ميته وميلها يجر بيه
          ..........♡♡..........
ـــــــــــــــــــــــــــــــــــــــــ
رفعت راسي واباوع لامي الي صافنه وبلا اي حركه وبس الدموع تجري اخاف اباوع وانرعب من المنضر اخاف ادير وجهي وانرعب من اشوف ابوي واخواني وزوج اختي الي هوه هم اخوي متمددين بالكاع ودمهم بطولهم اخاف من هل لحضه او اخااف بس من الفكره
.... ماتو مو قتلوهم مووو مامااااا احجييييي قتلوهم ماما مااريد ادير وجهي واشوفهم فدوه احجي
جانت ما تحجي كلشي بس صافنه صحت بصووت
... وللللججج مااامااا فدوه احجي احجي كولي لا كولي ماكتلوهم عادي جذبي عليه ماما مااريد اشوف المنظر لحضه درت وجهي
وانصدمت صدمه عمري ابوي واحمد وادهم وظافر واكفين ويضحكون واحد يضرب ايد الثاني بحركه نصر والدواعش الثلاثه متمددين بالكاع ودمهم بطولهم ماصدكت لا لا مستحييل
اجو يمشون بتجاهنه والضحكه شاكه حلكهم يمشون بكل هيبه وثقه واحنه نباوعلهم من الشباك فتحو باب المطبخ ركضنه نشبك بيهم ممصدكين كدرو يخلصون منهم بلحضتها حسيتهم صدك ابطال ي همه ابطال
احمد: خلال ثواني كون احنه طالعين وصلو للمنطقه
ام ادهم: بس....
أبو ادهم: شنو البس جاي نكلج ماعدنه وكت
ام ادهم: خاف يلاكونه
ادهم: عود اذ لاكونه والله كاتبلنه نموت بعد شبيدنه
احمد: يله طلعو واني طالع كدامكم اشوف الطريق
أبو ادهم: سمو باسم الله وتوكلو
ريناس: طلعنه والخوف متملك كلوبنه احمد يمشي كدامنه بكل هيبه وهوه لابس الزي العسكري ادهم يمشي بصفه ويحجون حجي مامفهوم وكله الغاز مااعرف شيحجون ومن يتقربلهم واحد يسكتون او يغيرون الموضوع وهذه الشي خلاني اشك انو اكو سر بين احمد وادهم
نمشي بكل حذر وقبل لا نخطي اي خطوه نركز بالمكان الف مره خاف اكو الغام بالمكان ضلينه نحمد الله انو احمد ويانه لان يندل الاماكن والطرق لان همه شغلهم وهواي طلعو ناس من الموصل ضلينه نمشي يوم كامل بلا اي توقف والتعب والخوف متملكنه
.... فدوه تعبت والله
احمد: رنوسه بس شويه خل نعكب هل منطقه ونرتاح
... بعد شكد
احمد: مو هواي تحملي تردين اشيلج
.... لا راح امشي بس ع كيفكم لا تركضون خففو مشيكم شويه
ادهم: تحملي يا عيوني بس خل نطلع إنشاءلله وعيونج هذا الخوف والتعب كله يصير سوالف
يحجي ويمشي بتجاهي وصل يمي شالني

.... لا ادهم نزلني اكدر امشي نزلني هوه انت هم تعبان وين بيك تشيلني
ظافر: ليش انتي هم حاسبه نفسج ثكيله اشيلج بيد وحده
ادهم: مايحتاج اجاوب جاوب مكاني ظافر
.... لا حتلو نزلني جانو يحجون ويضحكون عليه ويقلدون
مشينه شويه وهمه مستمرين يقلدون عليه ويضحكون  ونزلني ادهم لان ضليت الح عليه ينزلني استحي اذ شخص شالني
استمرينه نمشي يومين تقريبا من دون توقف بس نكعد دقايق مجرد نرتاح بس ياراحه هذي واحنه بنص الدواعش بس الله يعرف بحالتنه نمشي بين البساتين والشجر علمود لا ننشاف
الى ان وصلنه نهايه بستان توقعناها هذا الطريق هوه الي راح ننجي منه ركضنه لنهايه البستان ضليت واكفه مصدومه من المنضر مكان جان للدواعش اشبه بالساتر او هيج شي اكو سيارات تجي تحمل اسلحه وتروح واكو كامشين اسلحه ويفترون يحرسون
امي شهكت كبل ظافر بحركه سريعه خله ايده ع حلكها يسكتها
ظافر: ولج يمه صوتج فضحتينه لا ننكشف
احمد: لا طلعون اي صوت ولا حركه هسه يحسون علينه
ادهم: احمد هذا الطريق الغلط بس لا تهنه
احمد: اي تهنه اجينه من الطريق الغلط
ظافر: احنه نمشي ومانعرف كلشي ماعدنه
ابو ادهم: صوتكم
ريناس: هسه شلون
احمد: ع كيف بلا اي صوت نتراجع لوره وخاف يصير شي مايصير ونتايه لا تخافون اي سيطره من الجيش تلاكوها تكلولهم يوصلونكم لبغداد لمنطقه...... هناك  اهلي والبنات
ظافر: إنشاءلله ما نتيه
احمد: ان شاءلله سمعتي ريناس حفضيها المنطقه لان اخاف نتيه
ريناس: إنشاءلله بس احنه اذ صرنه بيد الدواعش يا سيطره هاي يا جيش راح نلاكي بعد
احمد: إنشاءلله نكدر نطلع
ريناس: إنشاءلله
ام ادهم: يمه كمشي بعبايتي حيل
... تراجعنه ع كيف نمشي ع اطراف اصابعنه والخوف والقلق زاد الالف
ايات القران ما نزلت عن حلوكنه نردد بيها لمحنه اكو سيارتين اجت بتجاهنه
احمد: بساااع بسااع تعالو هنا
.... جان اكو كوم تراب يصير عالي شويه وشجر ركضنه صرنه وراهن احمد وادهم صارو وره الشجر لان الكوم مال التراب صغير بس يصيرون ويانه نبين ف صارو وره الشجر كامشه ايد ظافر وارجف خايفه همس بصوت ناصي علمود لا ننسمع
ظافر: لا تخافين احنه كلنه وياج ما نتركج