منقذي من الضلام

البارت2

متعوبين من كلشي
من الليل من الشوگ من الآخ والغربه
            ...........   ♡  ♡    .............
ـــــــــــــــــــــــــــــــــــــــــــــــــــــــــــــــ
بعد ما طلعو اهل احمد واهل حسام بقينه احنه ماطلعنه بسبب شغل ابوي الي ما قبل يتركه وما دره هذه الشغل راح يسبب دمارنه كلنه واولهم اني
واحمد ماعافنه بين فتره وفتره يجينه بلكوه يوصل بسبب الدواعش والاوضاع خطره مرت ايام وايام المنطقه نهجرت  ناسها كلها طلعت اله احنه
كهرباء نقطعت بعد ما تجي احمد بعد ما يكدر يوصل النه الشبكه نقطعت قبل لا تنقطع اخواتي توسلن باهلي هواي بس ماكو نتيجه ابوي يريد يطلعنه ويبقه محد قبل وبقينه ويا نموت سوه لو نطلع سوه الوضع تأزم كلش
نسمع بس صوت الضرب والانفجارات وصوت القصف اصوات مرعبه  بيوم قرر ابوي نطلع لان شاف الاوضاع سائت حته دوامه تركه بعد مايكدر يطلعله او بالاحرى بعد محد يداوم
قررنه نطلع من الموصل اخذنه بس الاشياء الضروريه اخذناهن لان ما نكدر نشيل شي اخذنه بس الفلوس واني خليت جنطه صغيره تنشال ع الكتف مال المدرسه ولميت بيها كم شغله ذكرياتي ودفتر ملاحضاتي اكتب بي دائما واشياء ضروريه بس ما شلت هواي
طلعت بالصاله الكل واكف بالباب والدموع تجري صعبه تترك بيتك وكلشي عفنه اغلى اشيائنه وطلعنه منطقتنه ناسنه الي تهجرت وكل شخص بمكان صار افتر بالبيت وابجي وكل ركن بي يذكرني بشي
ظافر: ريناس كملتي
ريناس: ي
ادهم: مانكدر نطلع هسه باليل نطلع لان بس يشوفونه او يلمحونه راح يقتلونه بليل نطلع ع الضلمه محد يشوفنه2
ابو ادهم: خوش حجي
ام ادهم: والله خايفه من يمته كالونه طلعو
ابو ادهم: رحمه لوالديج سكتي لا تزيدين النار الي بكلبي
ظافر: احمد يدري بينه راح نطلع
ادهم: لا هوه من زمان نقطعت اخباره وماكو شبكه نتصل ع اي احد ماانعرف لا اخباره ولا اخبار اخواتي
ظافر: لا تخاف ع اخواتي دامهن طلعن من الموصل إنشاءلله يكونن بخير بس خايف ع احمد
ريناس: إنشاءلله مابي شي
ادهم: طالع افتر شويه واشوف الطريق علمود نطلع لازم نتفحص الطريق
ابو ادهم: انتضر اجي وياك
ظافر: يله اني وياكم هم اجي
ادهم: لا انت ابقه يم امي وريناس خاف كلشي يصير خو ما نطلع كلنه صار شي لازم رجال يمهن
ظافر: لا اجي
ادهم: كتتتتلك ابقه
طلعو ابوي وادهم بقيت افتر بالبيت اريد اودعه اليوم اخر يوم الي هنا طبيت للمطبخ اخذتني الذاكره لذاك اليوم جنت واكفه ع الطباخ اطبخ جنت بتيته وكباب طب ظافر كلعاده يغني وضحكته الماتفارك وجها

.... الله يديم هل فرحه
ظافر: ولج شحببببج اووويلي الله
.... من الاخير شتريد
ظافر: عابت يولو تره اني مو مصلحجي ماريد شي ما يصير واحد يتغزل باخته
.... يصير عيني يصير بس انت ما تتغزله اله عندك شي
اجه بتجاهي يضحك مد ايده ع البتيته ياكل ويسولف
ظافر: لا اطمئني ماكو شي
.... ظااااااااااافررررر عوف الاكل اني اطبخ لحلكك هيج حجي يخلص قبل لا نصبه
ظافر: خرب بيجججج ولج نززتيني عبالي حترك البيت هههههههه
..... عابتلك يولو
ظافر: احبببج يولووووو
..... والله لو عندك شي يمي لو سكران
ظافر: يلعن بليسج ي والله سكران طيح حضج
.... لعد
تحمحم وعدل وكفته وكام يحجي بجد
ظافر: باعي رنوسه حبي انتي كبرتي وفهمتي وصرتي مره وحلوه الكل يتمناج
..... من الاخير زواج ماازوج ظافر تحجي صدك كلي عمري توني 13 سنه
ظافر: هاي شبيج اكلتيني اصبري اصبري خل اكمل مستعجله ع الزواج بت الاوادم
.... احجي يله اسمع
ظافر: ي رنوسه حبيبتي
.... من الاخير
ظافر: اريدج تسويلي حلاوه
.... صدككك والله حلاوه وهاي المقاله والف والدوران صارلك عشر ساعات والله عبالي شو شتريد
ظافر: ههههههههههههههه احب اجفلج قبل لا اكلج بس يابووويه والله شكلج يموت ضحك عبالج رجل كيفتي
..... ظااااافر بطل سوالفك وبطل تفاهتك رجائا
....  تفاها لو برتقاله
...  لا فراوله احسن
ظافر: احبج ولج
.... كافي لواكه هههههههه
ظافر: ها ولج منو الوكي اني الج اريد اشوف منو يجيبلج حلويات بعد
..... لااااا لاااا يووولووو اني الوكيه
... ضلينه نسولف ونضحك وشقا مالي البيت وكل ساع نتعارك اني ويا
فزيت ع صيحه باذني اخترعت عبالي شو شصار
.... ظاااافر بطل سوالفك خرعتني وقت سوالفك هاي
....  ههههههه شبيج خترعتي هيج
...  فززتني عبالي صار ضرب نفس كل مره
جر حسره وحجه
ظافر: ولج اريد ارتاح اريد اطلع الي بكلبي بلكت الله ارتاح من اشاقه وياج
.... اوووف راح امووت والله
ظافر: اشششش اسم االله لا تحجين هل حجي إنشاءلله نطلع منا وماكو شي تعاي خل نكعد بالحديقه نتذكر ايامنه الي كظيناهن بهذه البيت سوه