منقذي من الضلام

البارت3

بواسطة Fatima_Al-juboory
منقذي من الضلام
بقلم فاطمه الجبوري💞
اليله آخر ليله اليه!
راح الم عيوني والضحكه وسماري!
اليله اروح ومالي جيه!🖤
..........♡♡........
ــــــــــــــــــــــــــــــــــــــــــــــــ
من شده الجوع الي بيه اكلتها وحسيت بيها شكد طيبه مر الوقت وما بين لا ابوي ولا ادهم وكل ما يمر، الوقت
الخوف والقلق يزيد صار اليل وما بين اي شي عنهم
مجتمعين اني وامي وظافر ع ضوه الاله النفطيه
ظافر: يمه لشويه اذ مابين عنهم شي اني اطلع ادور عليهم
أم ادهم: يمه وين تريد تعوفنه وتطلع بهل ليل يا يمه اصبر للصبح ونطلع كلنه ندور عليهم علمود سوه ما يضل بالنه عليك
ظافر: يمه تحجين صدك انتي بهل وضع اطلعجن
أم ادهم: ي صدك لو هيج لو ما تطلع حته انت
ريناس: ي ظافر خوش فكره والله
ظافر: الله كريم
.....للصبح ما نمنه والقلق يقره الف والافكار السيئه ابد ماعافتنه صار الصبح اول ما طلعت الشمس كمنه نطلع لبسنه عبي اني وامي وكفنه بالباب ظافر دار وجها علينه
ظافر: لو ترجعن مو احسن
أم ادهم: رجلنه ع رجلك
ظافر: اوف من عنادج امري لله يله طلعن سمن واقرن سوره الفاتحه وطلعن
.... امشي واتعثر بالعبايه طويله ومااعرف البس عباه مشينه عبرنه بيتنه بتعدنه عنه
ما نسمع غير صوت ضرب بتجاهنه واصوات الدواعش قريبه علينه واضحه
ظافر: ركضن طبن بهذه البيت بساااع
... سحبنه ظافر وركض بينه للبيت طببنه جان اكو بيت بصفنه طبينه وكبل للسرداب الي بالبيت مااكدر اوكف ع رجليه من الهبطه كبل كعدت بالكاع
ظافر: كلتلجن لا تجن عندتن هسه شوفت عينجن
ام ادهم: ي وتريدنه نعوفك وحدك نطلع سوه يا اما نموت سوه او نطلع سوه
ظافر: لو جنت وحدي جان اكدر ارجع
أم ادهم: لا ماتكدر ترجع
ظافر: اششششش تقربو مااسمع اي صوت لو شيصير تضلن ساكتات
.... جان اكو غراض بالسرداب غراض قديمه واسلحه وهواي غراض مال الحرب
خلانه بمكان وجاب الغراض خلاهن كدامنه غطانه بيهن كعدنه علمود ما نبين شويه شويه يتقرب صوتهم علينه اكو زرف صغير ظافر جان يباوع منه مشيت خليت عيني بالزرف شفتهم اجو ثنين بتجاه السرداب ركض ظافر شالني وخلاني يم امي وشمر الغراض علينه بشكل ما نبين غطانه
وركض للباب نفتح الباب بهل اثناء ظافر صار وره الباب طبو ثنين ما نكدر نشوفهم بس نسمع صوتهم

.... ههههه لقد فعلها ابو عنتره
.... لقد كانت جميله جدا هذه القح.....
.... جميله جدا وطعمها اجمل وهيه تصرخ من شده الالام هههههه
.... جانو يسولفون الي عرفته ع بنيه معذبيها ويسولفون بالفصحى بس مكسر
تمنيت اكوم اكلهم بهل اثناء نسد الباب ما نسمع اله صيحه واحد منهم
.... ما هذااا من انت
ظافر: واكف وره الباب وخايف ع امي وريناس الي خلني اتندم بالحظه الي طاوعت كلامهن وجبتهن وياي لمحت اكو خشبه قريبه عليه تصير جبيره سحبتها بهدوء لان راح يشوفوني بس يديرون وجهم مااكدر اتحرك عاد اخلي شي ادافع ع نفسي همزين غطيت امي وريناس ما ينشافن بس ادعي كون ما يطلعن اي صوت
خلو اسلحتهم بالكاع ورادو يطلعون الضاهر هذه، مكان يخلون بي اسلحتهم اني شفتهم ذبو اسلحتهم واتجهو للباب اول ماشافوني طبكت الباب لان بس يطلع اي صوت يجون جماعتهم ونروح بيها عاد هذوله ثنين بلكت اكدرلهم
.... ماااهذاا من انت
ظافر: اني توم وانت جيري شرايك نلعب توم وجيري
.... يررربيييي ظافررر مو وكت شقاك حته وانت بالخطر تشاقه وماخذ الاموور بالضحك يربي سترك
ريناس: امي سمعت ظافر لطمت ع صدرها وشهكت
... يمه وليدي راح بيها كمشو الدواعش راح بيد الدواعش ابني
.... يمه نصي صوتج فدوه اروحلج لا ننكشف
ظافر: دنك يشيل السلاح ركضت ضربته ع راسه وشمرت السلاح برجلي والثاني يماطل وياي تكابلو عليه ثنينهم لحد ما واحد وصل للسلاح اثناء ما اني اتجادل ويه واحد بيهم ماكدرت اكتله بس ضربته ع راسه فقدته الوعي درت وجهي شفته رفع السلاح بوجها
.... ايها الاحمق ماذا فعلت
ظافر: ماعندي اي حيله بعد هايهيه نتهت حياتي وحياه امي واختي طاحت الخشبه الي كلها دم من ايدي ع الكاع وطحت بالكاع ع ركبي وراسي مدنكه واتشاهد
رفعت راسي مصدووم من الصوت
ي صوت امي اول ماشفتها كمت ع حيلي مااحس غير ع الطلقه اجت بكتفي فقدت توازني لثواني واني اشوف امي هاجمه عليه نفس الوحش وتضرب بي بكل قوتها بيدها حديده بلكوه شايلتها وتضرب ع راسه
ام ادهم: لككك مووت مووت حقير لك تريد تكتل ابني مووت
ركضت عليها بعد ماشفتها فقدت وهيه تضرب بي فاصله عن العالم وبس تضرب وتبجي تطشر راسه ركضت عليها سحبتها وطلعت ريناس من الموقف الشافته راسه مطشر والكاع كلها دم وشكل امي الي متهستره من الموقف وتخيلها من راد يكتلني