منقذي من الضلام

البارت9

Fatima_Al-juboory
شأخذنـه مـِن النريده بذيچ السنين؟
حتى أنتاني السنين الجديدة !
             ......♡♡......
ريناس:
ضوه بعيوني قوي ماكدر افتح عيوني ماكدر اركز عيوني مغوشات شويه شويه فتحت درت وجهي اباوع بأركان الغرفه او السجن الي اني بي الي ماعرف نهايتي وين او شنو مصيري هنا
كاعد ع الكرسي ومكتف اديه لصدره والجكاره بحلكه هل انسان راح يخبلني بسبب هدوئه القاتل تصرفاته الغريبه
حته مو نفسهم يتصرف كمت اشك بي مو داعشي مرات يكون عصبي وحش اي شي يشوفه كدامه يكسره مرات يكون هادء
نتبه عليه صحيت كام بأتجاهي بخطواته الهادئه عيونه بعيوني ذب الجكاره وسحكها ببسطاله بعد ما وصل يم راسي حجه وعيونه تترقبني
... شلون صرتي
درت وجهي ماجاوبته واني اتذكر الصار ودموعي ع خدي عشره عشره وصوت شهكاتي عله
هدوء قاتل بس صوت شهكاتي العاليه حسيت باصبعه الخشن ع خدي يمسح الدموع من خشونه اصبعه حسيته خدش خدي
حجه وهوه مركز عيونه عليه واصبعه بعده ع خدي يتلمسه
... اوويلي ع هيج ترافه حته وانتي بنص الضيم ترفه خرب بالـ***
دفعت ايده بعصبيه واني متقززه منه ومن تصرفاته ومن كلماته المقززه  تلعب نفسيي منه اصلا
... كله منكم هذا الضيم اني هنا بسببكم اني بالضيم الي انت تحجي عنه
دار وجها عني ودنك ع سلاحه شاله ومشه طب للغرفه اسمع بس خرخشه اعرفه يكلب بالغراض
بس لو اعرف  شيسوي جان رتاحيت شويه وسمعت صوت همسات وكأنما يحجي  ويه شخص
  رفعت نفسي كوه وتجهت للغرفه بخطوات بطيئه متألمه
امشي ع اطراف اصابيعي خوفاً منه لايسمعني او يحس بيه وهو مانعني اوصل لهل غرفه ماعرف ليش 
وصلت للباب جان يحجي مبين عصبي وضاغط ع اعصابه يحجي بغضب مكتوم
... سييدي تحجي صدك انتتت
سكت شويه يستمع للطرف الثاني رجع حجه
... ماكووو سيدي لازم اجيي واني اكمش هذي المهمه بايدي؛
سيدي جاي اكلك مسيطر ع كلشييي والشباب كلها مامقصره
صدك ماكو اي خطر هل ايام مجرد اجيكم اكمل المهمه ويه الشباب وابلش دور هناا؛
اي راح يتم كلشي إنشاءلله نفس ما مخططين؛
لا لا محذرهم وكايللهم يي؛
الله وياك
حسيته تقدم بخطواته ركضت اول موصلت للسرير دخت وكعت ع السرير الهث

درت وجهي اباوع جان واكف بباب الغرفه ويباوع بنضرات كلها شك
لا يربي كون ما حس بيه من جنت واكفه يم الباب حجه وهوه مركز عيونه بعيوني يباوع بشك
... ليش كمتي من السرير انتي مو دايخه
ضليت اتلعثم  بالحجي كوه حجيت
... هااا موو شسمه
... ماتحجين شبيج وجهج نكلب اصفر
تقدم بخطواته ناحيتي اني مدنكه راسي للكاع لحضه توقعته منه راح يذبحني لان محذرني اوصل للغرفه هاي دور جان يخابر واني اتصنت عليه
حسيت نفسي نشلت عن الكاع رفعت راسي اباوعله  كامشني من زندي ضاغط عليه حيل
خله وجها بوجهي وحجه وانفاسه الحاره تكفخ بوجهي وهو يتنفس بشكل سريع وعيونه البياض مالتهن صار احمر
عرفته معصب حجه من بين اسنانه بصوت كله غضب بس غضب مكتوم
... شجنتتتي تسوين بباب الغرفه
... ماجنت اسوي شي
.. لا تكذبيين جنتي تتصنتيين مووو احجي شسمعتييي هااا
يحجي ويه كل حجايه يضغط ع زندي حيل ويحرك بيه واني بيده اتلاوه لان وجعني حيل
... احجيييي شسمعتييي
.. اااه ايدي فدوه هدها اذيتني
... هوه المطلووب احجي بساع احسن ما اخلص عليج
ماعرف منين اجتني القوه دفعته وحجت بصوت مخنوك من البجي والخوف والغصه خانكتني
... جنتتت بالحمام احتاجيت الحماام ومشييت للحمام لا سمعت شي ولا وصلت للغرفه ليش جنت تخابر منو وهيج خايف هاااا يله وخر عني هدني اذيتني
دفعني ع السرير حيل ومسح وجها بكف ايده هز راسه بالموافقه بس هوه عيونه كلها شك ماعتقد صدكني
ضل ع هل حاله دقايق وبتعد عني أتجه للغرفه ثواني وطلع بيده السلاح وتوجه للباب طلع وقفله ورا
لميت رجليه لصدري وابجي بسكوت شدا يصير وليش هيج يتصرف وعن يا مهمه يحجون ويا مخطط
الف فكره وفكره ببالي والافكار السوده محتله عقلي مر وقت ع حالتي نفتح الباب
طب ماهتميت اله بقيت ع حالتي حاضنه رجليه لصدري وراسي خالته عليهن خله علاليك سود بالكاع وأتجه للباب فتحه وكف يمه حجه وهوه يريد يطلع
... جبتلج اكل وماي اكلي خاف اتأخر
حجيت بلا مارفع راسي ولا اباوعله
... روحه بلا رجعه إنشاءلله موت الياخذك
... إنشاءلله بس مو هسه اخلص شغلي وخلي ياخذني عاد اموت مطمأن اني نجحت بشي بسيط
... ماكفاكم الي كتلتوهم والي هجرتوهم والي عذبتوهم
... لا ماكفانه ولا راح يكفينه
... مجرمين الله ياخذكم
ماجاوب طلع وقفل الباب مر ع حالتي وقت كلش طويل وهوه ماكو ضليت ادعي كون مات