منقذي من الضلام

البارت 20

Fatima_Al-juboory

رسايلكم تدك بالراس
ذكرى وماتريد تموت
رسايلكم ورق بي صوت
       ..... ♡♡....
ضلينه نمشي واحنه الخوف مله كلبنه  الى ان توقفنه ع صوت اجه من ورانه درنه وجهنا نباوع جانو مجموعه تقدمو لاتجاهنه جمدنه بمكانه من شفناهم يتفدمون باتجاهنه
...  الى اين ذاهبين
حاتم: لقد علمت انكم بحاجه الى المسعفين اخبروني انكم تحتاجون لمعالجه الجرحه
تقدم لاتجاها وطبطب ع كتفه وعينه علينه يباوعلنه بنضرات وسخه
...  جيد جيدا فاليحفظك الله للدوله الاسلاميه
...  شكرا لك وللدوله الاسلاميه فليحفضها الرب
دار وجها يمشي واشرنه نمشي
جمان:  ليش هيج حجيت
حاتم: مو كلنه عليج ذكيه وتفكرين جا شمالج هسه شترديني اكللهم اكللهم هربانين علمود يذبحونه
جمان: هم صدك
ضلينه نمشي والخوف بي ومايزيد وكل الي يلاكينه يكله ع نفس الكلام وبسبب انو شايفينه ويعرفو ف ماجانو يشكون بامرنه لان يدرون بي هو يشتغل تحت ايدهم الى ان مرت الساعات وكدرنه نطلع من هذه المكان المرعب كدرنه نطلع من هذا النفق الموحش
كوثر:  اخيييررررا
بان:  الحمدلله حنخلص
حاتم:  لا ماراح نخلص راح تزيد الخطوره اكثر من قبل باضعاف لان هنا كلها دواعش ومن جنه داخل جانو يعرفوني ف ماجانو يسوون شي لان فايديهم هنا محد يعرفنه لازم تكونن حذرات
جمان:  يعني الخطر زاد
حاتم: اضعاف
بان:  لعد ليش طلعنه
جمان:  لعد تردين نبقه تحت تعذيبهم لازم نطلع وشيواجهنا خل يواجهنا
كوثر: خايفه
حاتم:  إن شاءلله ماكو شي
ضلينه نمشي واحنه الخوف متملكنه نمشي بحذر ونتختل علمود لا نلفت النضر،
مرت الساعات صارت الدنياه ليل وظلمت كلش وبس صوت الضرب وصوت الكلاب ينسمع صوت مرعب يزود الخوف الي، بگلوبنه كوثر وبان كامشات باديه ويرجفن وحاتم يمشي كدامنه وهو يعرج بمشيته
بان:  خايفه
كوثر:  تعبت خل نرتاح فدوه
حاتم: مانكدر نرتاح خصوصاً هسه اولا هسه نكدر نمشي ومحد يحس علينه ثانياً بس نرتاح خاف ننكمش لان حاليا احنه قريبين عليهم كلش
جمان:  شكد ونبتعد
حاتم:  الله اعلم
ضلينه نمشي والتعب بي وماجاي يزيد تعب وخوف ورعب متملك كلوبنه

بان وكوثر كل ساع عثرن بسبب التعب الي بيهن وحاتم خطيه كل ساع يعثر بسبب رجله مايكدر يمشي عليها6
وصارله ساعات يمشي عليها نطعن وجها احمر وعروك كصته بانت  بسبب الم رجله كعد بالكاع ومددها وهو يعصر، بيها متوجع
حاتم: كعدن ارتاحن شويه بلكت الم رجلي يهدء اخخخخخخ ولجج يمه راح اموووت ربييييي دخيلككككك شهل الم ربيييي اخذ عمري وخلصني من هل وجع
جمان:  اسم الله عليك
حاتم:  لو اموت اهون عاد ارتاح من المها الي جاي يموتني
كعدت سحبتها وضليت ادلكله بيها بلكت تهدء وهو يون من وجعها بسبب المشي الي مشا نكسر، كلبي واني اشوفه بهل وضع يون ضليت ادلكله
حاتم:  يله كومن
جمان:  بس رجلك
حاتم:  انعل ابوها خل اطلعجن منا والموت الياخذني إن شاءلله
كوثر:  حااااتتتتتم لااتحجي هيج فدوه تره تخوفني
دار وجها عليها كرص خدها وضحك
...  يبويه جا شعندي بعد ضال اذ طلعتجن عاد اموت مرتاح هم ارتاح من هذا الوجع وهم ارتاح انتن صرتن بخير
كوثر: لا لاتحجي هيج اسم الله عليك فدوه لا تحجي هيج عليك الله
حاتم: إن شاءلله نطلع منا بس يله فكي النونه
ضحك وكرص ارنبه خشمها ضحكت بعد ماجانت عاكده حواجبها وتباوعله بغضب
حاتم:  يله كومنه خل نكمل طريقنه وكفنه هواي
كمنه ضلينه نمشي، للصبح واحنه نمشي مانرتاح بس دقائق قليله نرتاح ونكمل مشينه مرت الساعات
و مرت الايام واحنه نمشي، بين الجبال خوف لا يشوفونه الدواعش ونرجع لقفصهم  والخوف متملكنه والتعب بي ومايزيد والجوع والعطش اخذ من حيلنه حيل
ضلينه نمشي وحاتم كام كوه كوه يمشي نحاول ويا علمود يكعد بس جان يرفض رفض قاطع يكعد شويه ويكوم يكمل مشيه صرت اسنده اني وكوثر او اني وبان نسنده علمود يكدر يمشي وحده منا وحده منا ونسنده ونمشي
الى ان يوم من الايام نمشي ومانحس الى ع طيحه حاتم بالكاع وصيحته المتألمه
....  اخخخخخخخ رجلي
ركضنه عليه جان كامش رجله ويون من عدها
جمان:  شلون طحت
حاتم:  عثرت عثرت اخخخخخ يمه لحكيني راح اموووت
ضل يون من الالم واحنه محاوطينه والخوف باين ع وجوهنه خايفين عليه والجوع والعطش ماخذ من حيلنه حيل وهو الوجع والجوع والعطش كلها ملتمه عليه
شفايفه يابسات وصايرات صفر اثر العطش متفطرات عيونه ذابله وجها تعبان اثر التعب والالم اثر الخوف والعطش
درت وجهي اتفحص المكان الي احنه بي ع امل الكه شي ناكله ع امل الكه مي نشربه  جنه نمشي ع الجبل نريد نعبر والدائر مدائرنه خضار ركزت بنضري اشوف ابتسمت برضى وكمت اركض