منقذي من الضلام

البارت 18

Fatima_Al-juboory

وين وليش واليمته ولحد يا صوب
مو متنه
ليليه نزف گلوبنه ونبچي وننام من الحزن ونغني غربتنه
يرب العاشگ المرتاح چا يمته
       ....... ♡♡.....
ـــــــــــــــــ البارت هذا كلش طويل تعويض عل بقيه ـــــــ

تقدمت بخطواتها النه اني وبان الي واكفين نريد جوابها خلت ايدها ع خد بان تتلمسه مسحت دموعها الي ماليات خدها بطرف اصبعها ودارت وجها الي وحجت
جمان:  الانسان اذ راد يعيش لازم عليه بالتخلي ويبدي بالتخلي من ابسط الاشياء ومرات الانسان يبدي يتخلى من اغلى اشيائه
هيج راح يكدر يعيش بس اذا ماكدر يتخلى عن هل اشياء البسيطه ع قانون الحب ماراح يعيش ماراح يكدر يستمر ع العيش براحه
الانسان من يمر بي الوگت والحياه تقسى عليه لازم يتعلم القسوه منها ويصير اقسى منها
الانسان الضعيف عمره ماعاش ولا راح يكدر يعيش لان  راح تنهش لحمه الحيوانات الي تحاوطه اما اذا هذا الانسان قوه گلبه ع التخلي وعلم كلبه ع القسوه هيج راح تستمر حياته
واحنه لازم نطلع منا ومهما كانت النتائج لازم نطلع بس قبل كلشي لازم علينه نقوي كلبنه ونخلي مخطط لكلشي
رجعت بذاكرتي للماضي واني اتذكر حياتي وشلون جنت عايشه بالترف والثراء
شلون جنت  احب الاشياء واحب الحياه  واهسه اي شي حبيته فقدته وفقدته بطريقه وحشيه بحيث خلت كلبي قاسي بفتره قليله ربت گلبي ع القساوه والتخلي بسبب هذي الاشياء وبهل فتره القليله اخذتني الذاكره للماضي
الماضي....
صوت الاغاني الهادئه وكلماتها المملوئه بالحب والغرام فنجان القهوه الموضوع امامي ع الطاوله ورائحه الورد الذي يحاوطني من كل ناحيه
النسمات البارده تضرب بشرتي الناعمه البيضاء جالسه في الحديقه والسماء غائمه ع وشك المطر والهواء بارد شعري المتناثر ع اكتافي باهمال يتطاير كانه يلعب مع الهواء البارد
مااروع هذا المنضر الجميل احب السماء عندما تغيم بغيماتها الممطره وجوها الشتائي الجميل الذي يجعلك تشعر بالارتياح
جالسه ع الطاوله انتضر السماء تمطر انتضر بدء الغيمات بالبكاء الشديد عندما تبكي هذي الغيمات تزيح الحزن عن صدري
كأن حزن الغيمات الفوقي يزيح حزني ويبدله بالارتياح والطمأنينه والشعور الرائع الجميل سمعت صوت امي وهيه تناديني لادخل الى الداخل خوفا لا اصيب بوعكه صحيه
... جمان ماما طبي جوه لاتتمرضين
....  ماما مرتاحه عوفيني تدرين بيه احب هل جو
...  بس ياامي اخاف عليج لاتتمرضين
...  لاتخافين
جمان البنت المدلله لعائلتها الثريه تبلغ من العمر28 سنه اخت لثلاث صبيان وبنت واحده اسمها بان الاصغر بالعائله

اخوانها الثلاثه الاكبر منها سناً رافد وليد وعمران جمان صاحبه الشخصيه القويه والذكيه تحب الحياه تملك روح صبيانيه
...احب ركوب الخيل تعلمت ركوب الخيل من صغري جنت اني وابوي واخواني نروح للمزرعه
وتعلمت ع ركوب الخيل  جان عندي حصان ابيض الي مسميته جمال كان جداً جميل يستحق هل اسم الجميل كنت متعلقه بي واحبه كلش
وتعلمت ع السباحه كان ابوي يعلم اخواني واني اتعلم وياهم احب هل أشياء الصبيانيه احب اتعلم
واصير بشخصيه ولد جنت احب انو اكون كالصبيان كنت اتمنه انو اني ولد مو بنت 
لهذا السبب كنت دائما البس لبس ولد واتعلمت كلشي يخص الولد
ركوب الخيل والسباحه وتعلمت ع السلاح تعلمت ع السياقه باختصار كلشي يخص الولد تعلمته
بس شعري الطويل ماكصيته ولا اتجرء اكصه لان احبه شعري ينطيني انوثه بشكل جميل عندما اكون كالصبيان ارفع شعري كعكه والبس لبس ولد
واركب الخيل او العب رياضه ويه اخواني وابوي بس من ارجع للبيت واكعد ويه امي لازم اكون كاي بنت تاجر ثري جميله
لازم اكون كأي بنت ثريه تكون انوثيه وجميله بقانونها لازم البنت تكون دائما انوثيه مالازم تتصرف تصرفات الولد عكس ابو واخواني الي دائما  يعلموني ع الدفاع عن النفس وشلون اصير قويه
قانون امي هيج لازم اصير دائما  بانوثه وباطلاله انوثيه جميله ماتحب اكون نفس الولد والبس لبسهم دائما جانت تصيح عليه وتكرر بكلماتها الي حفضتهن
.... جمان قحطان بنت التاجر الكبير قحطان..... لازم تكونين جميله وتكونين كأي بنت اعتياديه كأي بنت تاجر معروف  تطلين بمضهرج الانوثي وليس مضهرج الرجولي فستانج الجميل وشعرج الطويل وليس ببجامه الصبيان وشعرج المرفوع
جمان:  ياااميييييي عووووفيييني عووفيني احبببب اكون هيج
...  ولج ياامي انتي جميله ليش هيج تخربين شكلج بتصرفاتج الشبابيه وملابسج شوفي اختج صيري مثلها
... اختي حبيبتي انتي مربيتها ع قانونج صدقيني راح تكون ضعيفه وماتعرف شلون تدافع عن نفسها اني تربيت ع ايد تاجر كبير ومع وثلاث صبيان