منقذي من الضلام

البارت12

Fatima_Al-juboory

البارحــه ..
مانايم وكلهن اجــن
صـــوره صـــوره
وذكــره ذكــره .. والعطر
انه لو بيدي اموتن جا متت ؟
ساعه ساعه تخلص ايام العمر
البارحــه ..
التمن ولاجني اعيش
منين ما اصفن افــزن وانعصر
ومنين ماصيحه اردن وانكسر
خوب الطيوف التهب خنكه علي
تبدي بيه الغبشه من وكت العصر
        .......♡♡......
رجعت راسي لوره خليته ع المخده بعد ما تعبت من التفكير وتأكدت الي سمعته جان حلم بسبب كثر ما افكر انو اريد شخص ينقذني من الي اني بي
مر هواي وقت ع حالتي بس خاله راسي ع المخده وصافنه بالفراغ الي كدامي ماعرف شسوي وشلون اخلص من هذا الي اني بي
يوم عن يوم جاي اتخبل بالزايد يوم عن يوم جاي اتأذه بالزايد شلون ماافكر اريد اطلع ماكدر شلون ماادور ع خطه اطلع بيها ماكدر بس اطلع من هل غرفه اتأذه بالزايد
مر الوقت ومرت الايام واني ع وضعي بس محبوسه بالسجن وابو خنجر هادء بشكل مو طبيعي هدوئه قاتل بس من يصير عصبي مايشوف الكدامه ينگلب وحش
مر ايام وايام يمكن مرت اشهر هواي ماعرف الوقت ولا اعرف الساعه بيش بس من الفتحه الي بسكف الحمام كمت اعرف ليل او نهار وهيج كمت احسب ايام احسب كم يوم اني صارلي مسجونه بالغرفه هاي وشنو مصيري
كمت كل ما يطلع ابو خنجر اكوم اتخيل شغلات ع الوضع الي اني بي هدوء  وما اسمع بس اصوات صريخ ورمي وانفجارات بعيده عني
واصوات ناس تبجي تصيح اصوات اطفال اصوت الانفجارات البعيده عني تخبلني يوم عن يوم والهدوء الي بالغرفه يزيد الطين بله الهدوء هذا يسمح للاصوات البعيده اسمعهن
تخليني اتخيل شغلات واحس نفسي جاي افقد بعقلي مرات يصير هدوء ماكو اي صوت بس يجي صوت المي مال البوري المكسور الي بالحمام يقطر مي مينسد عدل بسبب قبل فتره نكسر بسبب ابو خنجر كسره
بيومها اجه معصب وضل يسب ويغلط وماكو شي بالغرفه ماكسره طب للغرفه الي مقابيلي واسمع بس صوته العالي اخاف اتقرب منه ويأذيني بشي ضليت كاعده بمكاني ماتحركت
طلع من الغرفه وهو عيونه حمر وجها محتقن اثر العصبيه الي بي مااعرف سببها شنو باوعلي بنضره ماعرفت افسرها
عافني واتجه للحمام اسمع بي صوت المي عرفته كاعد يسبح شويه وسمعت صوت المي كام ينزل بغزاره طلع بس بالسروال  وعضلات جسمه بارزه
لفت نضري وشم ع صدره وشم عكرب جان راسم بصدره عكرب  ضليت صافنه ع الرسم الغريب
وليش واشم عكرب ضليت ع حيره من امري من يمته هذة الوشم ع صدره هو اغلب الاحيان ينزل القميص بس ليش هسه يله ركزت بالوشم

ليش اني من يمته اباوعله او اركز بي من اشوفه نازع القميص ادير وجهي بس هسه  لان صار مقابيلي ركزت بي
ضليت صافنه عليه وهو شلون وجها محتقن احمر اثر العصبيه صدره يصعد وينزل بصوره عشوائيه نفسه مخربط وسريع
جان كاعد ع الكرسي المقابيلي صافن بالفراغ الكدامه اصلا ناسي وجدي الى ان نزل نضره الي لتقت عيوني بعيونه انتبهت لنفسي صافنه عليه درت وجهي عنه بساع من شافني او انتبه لوجودي كام ودفع الكرسي بعصبيه وأتجه للغرفه المقابيلي
بس بعده صوت المي ينزل طب للغرفه ورجع طلع منها وهو كامش بيده درنفيس واتجه للحمام شويه وسمعت صوته الي رج الغرفه رج
....  بتتتت الـ* تعاي
خفت منه خاف يسويلي شي ضليت كاعده بمكاني ما تجرئت وكمت وهو بهل حاله وصاير نار من العصبيه فزيت ع صوته
....  موووووو جااااي اصييييحح انتي ماتسمعيييين لوووو شنووووو ولجججج كووووومي بتتتت الـ**** تعااااااااييييي
كمت من مكاني وأتجهت للحمام بخطواتي الثقيله مابيه كل حيل امشي وصلت للحمام وكفت يم الباب واني اشوفه كامش البوري ويسوي بي والماي ينزل بغزاره ومتبلل من فوك لجوه باوعلي وحجي
....  تعاي كمشي بين مااجيب الـ*** واجي
ضليت مفهيه بوجها فززني صوته اليرعد
...  شكلتتتت انييي شنو ما تسمعييين تعاي كمشي الـ****
...  اي جايه بس لا تصيح ولا تفشر انت شنو من بشر بس تفشر وتغلط ما تتعب
باوعلي وصاح بصووت
... شكلتتتت اني تعاي كمشي الـ* مو راح يخلص الخـ* 
مشيت وكمشته
...  كمشي حيل لا تتفهين بين مااجي
كمشته من دون ماارد شكد اكرها هل انسان بس يغلط ويفشر اوووف يربي شترجه منه لا هو داعشي هه شتوقع من شخص يقتل ناس واطفال ابرياء
شترجه من واحد عديم شرف ربي خلصني من الي اني بي بعد مااتحمل ربي دخيلك رجعني لاهلي والله  تعبت من الي اني بي الى متى هذا الاختبار الي متى
ضليت ادعي عليه واغلط وادعي ع كل شخص سبب دماري ودمار العراق جنت احجي بصوت عالي نسيت نفسي ومانتبهت حته البوري مامثبته وفالت اصلا ولا ادري بي اتابهت لنفس غركانه بالماء