منقذي من الضلام

البارت 24

Fatima_Al-juboory

كبل لآ آحجي آنتم حسو بيه ..
هَلي مو مآل آوصيكم عليه !
كلش زين تدرون آنه ( مو زين )
كبل لآ آحجي آنتم حِسو بيه !!
هَلي مو مآل آوصيكم عليه ..
     ...... ♡♡........
كاعده وحدي بين اركان  الغرفه المخيفه والمظلمه ضوء خافت يدخل لها ضوء يصدر من المصباح
الي مشكل بالحايط والواير مالته يتدندن ع ساعه يوكع
نايمه ع الارض وصافنه بالفراغ الكدامي بين حيرتي وقلقي بين خوفي وصدمتي بعد ماعرفت صارلي سنتين هنا
بين العذاب الي عايشته  حسيت بوجع اجتاح گلبي بعد ماعرفت صارلي سنتين هنا سنتين كامله بهل عذاب  تحت ادين مجرم تحت ادين مغتصبي تحت ادين قاتلي انتضر المنقذ ينقذني منه انتضر اليوم الي اطلع من هذا الظلام هل ياتره اكدر بعد اشوف الضوء او لا
شتاقيت لاهلي كلش لادهم شصار بي من بعدي كمشو او كدر يخلص  يالله اهلي وين وشصار، بيهم بهل سنتين الي مرت واني بعيده عنهم نسوني بعدهم يتذكروني نسو ضحكتي لو بعدها ع بالهم نسو سوالفي لو بعدها تخطر ع بالهم وتنزل دمعتهم من يتذكروني نسو عيوني نسو لمعت عيوني من افرح لو بعدهم يتذكروها
ابوي وامي وينهم شصار بيهم ع غيابي غيابي شسوالهم سنتين كامله واني بعيده عنهم سنتين افتقدت بيها حنانهم وخوفهم افتقدت اغلا اشيائي بهل سنتين الي مرت
هل من المعقول راح اطلع منا بعد هل سنتين واذ طلعت شنو رد فعلهم من يشوفوني شنو راح تكون رد فعلهم هل من الممكن راح يتلگوني بالاحضان ام لا راح يستقبلوني ام لا
حيره اجتاحتني خوف ورعب اجتاحني كأن هاي الكلمه حطمت كل شي بداخلي حطمتني بعد ماجنت متحطمه اكثر حسيت هاي كلمته من كال سنتين هنا حسيتها سجين بكلبي حطمتني ماجنت اتوقع مرت سنتين ع غيابي عن اهلي كل ضني اشهر
نفتح الباب وطب ابو خنجر رفعت نفسي كعدت بعد ماجنت نايمه ع الارض طب وقفل الباب واتجه للغرفه المقابيلي طب بيها وهل مره ماقفلها خلاها مفتوحه وطب
بعد مامرت دقائق ع دخوله للغرفه كمت وكفت اتجهت للغرفه لازم اعرف شنو هل غرفه لازم اعرف بشنو دا يخطط
فضول يجتاحني من زمن طويل ع هاي الغرفه وهسه اجه الوكت المناسب الي لازم اعرف سر هاي الغرفه اتجهت للباب كان مردود بشكل قليل وكفت ع صفحه اشوف شيسوي
جان واكف يفتر بالغرفه بحيره مبين عليه القلق شايل تلفون صغير بايده ويخابر ماعرف ع منو بس كان التوتر والقلق باين عليه
وهو يفتر كان المقابل مايرد عليه هذه الشي كان يسبب ازعاجه ويثير قلقه بعد كل ثانيه تمر يفتر بقلق ويرفع التلفون عن اذنه يباوعله ويرجعه ع اذنه ينتضر المقابل يرد بس كان المقابل مايرد
لحد مامرت دقائق هواي والمقابل مارد شال التلفون بعده عن اذنه باوع للشاشه مال التلفون وعوج حلكه بأسا وحزن بين ع وجها
طلع منه الشريحه وكسرها وكسر التلفون اتجه لنهايه الغرفه ضل يكلب بالصناديك الي موجوده جانت الغرفه عباره عن صناديك وغراض وانواع الاسلحه مرميه ع الارض وجياس كبار ماعرف شبيها  بس جانت بيها ضوه اكثر من الغرفه الي اني بيها
جان  يكلب بسرعه يطلع بالغراض ويكوم بالنص كانن الغراض الي طلعها ورماها ع الارض  عباره عن اقلام واوراق اتجه لصندوك ثاني سحبه وخلا يمهن
وكف بالنص وخله ايده ع خصره والايد الثانيه رفع بيها شعره لفوك بتوتر صفن ع الغراض الي بالنص لثواني من بعدها نزع القميص الي لابسه ومسح بي وجه وشعره ورما ع الارض ظهر الوشم الي ع صدره وشم العكرب الي واشمه بصدره
بعد مااخذ،صفنه دامت لثواني  ربع بالكاع وكعد  بنص الغراض وسحب قلم وسحب الاوراق خله جكاره بحلكه ورثها ودنك ع الاوراق ماعرف شيسوي
بس كان يكتب سريع ويشخط ويسحب ورقه ونفس الحاله يكتب ويشخط بساع بساع وكدامه جانت ورقه كلش جبيره فاتحها وع المخطط الي بيها يكتب بالاوراق الي بايده
كان يكتب باكثر من لون واكثر، من ورقه سحب الصندوق وطلع منه جنطه صغيره فتحها وطلع منها لاسلكي وخلا بصفه ورجع سحب الاسلكي الثاني وتلفونين خلاهن بصفه
واكفه بالباب اترقبه بحيره شيسوي بالاسلكي وشيسوي بهذني التلفونات يالله دخيلك خلصني من الي اني بي
فتح الابتوب خلا كدامه صفن ع الابتوب ورفع تلفون من الي كدامه وفتحه ودك ماعرف عليمن فتح مايك وخلا كدامه منتضر المقابل يرد وعينه ع المخطط الجبير الي كدامه نفتح خط اجه صوت رجال
(ماراح اذكر كل الكلام الي دار،بينهم حفاظن ع الخصوصيه)
..الووو
...الووو سيدي اني نقيب جهاد
من سمعته كال نقيب جهاد خليت ايدي ع حلكي اكتم صدمتي وابتعدت شويه خوفاً لا ينتبه عليه ضليت استمع الهم