منقذي من الضلام

البارت 19

Fatima_Al-juboory
هلي
هلي وجروحي ما فضحني يمكم
ي عدكم بس انا الما جني عدكم
ي ما تدرون بس عبالكم تدرون
السوالف لو تطش جا تعبتكم.♣️💔1
       ....... ♡♡.....
صوت هامس اجه بأذني
...  لاتصدرن اي حركه والا سوف انهي حياتكِ
حسيت برعشه سرت بجسمي من انفاسه وقربه اديه بادت طاحت بان من ايدي بعد ماجنت كامشتها غمضت عيوني بأسه هربت من شخص اجاني الثاني هربت من مصيبه اجتني الاضرب منها
بحركه منه دارني عليه جان شكله مايفرق عن اشكالهم صار وجهي بوجها لعبت نفسي من منضره اجيت اتقيى عليه جان شكله قبيح كلش وجها عباره عن بقع بيضاء حسيت بغثيان
حاول يقيد حركتي بحركه سريعه مني جريت السلاح الي ع كتفي وجهته عليه
....  بس تتقرب انهي حياتك اني
....  ههههههههههه انتِ قويه وجميله كم احب القويات
...  واني راح اخليك تكرهن
اول ماردت اطلق عليه سمعت صيحه كوثر الي رعبتني درت وجهي اشوف لكيت واحد كامشها ومخلي السجينه ع ركبتها يمنعني من اطلاق الرصاصه يمنعني من انهاء حياه صديقه لان راح ينهي حياه كوثر
...  ارمي سلاحك والا سوف انهي حياتها
من خوفي ع كوثر لاينهي حياتها مابيه بعد افقد اكثر من الي فقدته رميت السلاح بالارض
...  ادفعي بقدمك الى الامام
شمرته لكدام برجلي تنفيذ لمطلبهم دنك عليه الي جنت موجها السلاح عليه شاله بساع وجها عليه
حسيت  بشخص  نشمر عليه بقوه دنكت للارض احاميها لاتطيح ع الارض بسرعه دنكت احامي  كوثر شمرها عليه بقوه الحقير
وجهو السلاح علينه اني وكوثر الي وحده شابكه الثانيه  وبان طايحه ع الارض مغمى عليها اثر حرارتها المرتفعه واثر صدماتها الي تلقت الهن
... تقدمن الى الامام
دنكت ع بان اشيلها من الارض
... اترركيهاااا
... ماعوفها
دنكت عليها اريد اشيلها وماهتميت الهم
حسيت بشي قوي نركع براسي دخت حيل حسيت الدنيا افترت بيه طحت ع بان مغمى عليه بعد ماادري بشنو صار فقدت ماحسيت بشي
الى ان صحيت لكيت نفسي مربوطه وكوثر بصفي هم مربوطه درت وجهي اتلفت ادور ع بان جانت لسه مطروحه ع  الارض لسه بمكانها
وبس تهذي كأنو ماتدري بالدنيا شبيها ماجانو رابطيها بسبب فاقده قوتها
حاولت اكوم الها ماكدرت ضليت اصيح
.....  اولاااادددد الكلببببببب تعالوووو فكووووني بيكم خير ماتطلعوون مراجلكم ع نسوان مخنثين تعالو فكوووني

كوثر:  جمان خايفه
جمان:  كوثر اني يمجن لاتخافن
كوثر:  اريد رباب
جمان: من ذكرت رباب حسيت بكسره وخنكتي زادت اضعاف
... شبيدي اسوي ادعي كون نلكاها ونطلع منا
...  امين
سكتنه بعد مابينه نحجي وعيني ع بان الي مطروحه ع الارض مابيها تتحرك ولا تدري بالدنيا شبيها
جاي تزود نار كلبي واني اشوفها بهل وضع قطع صفنتي صوت رجولي اجه من وراي
...  بعد ماتكدرن تطلعن دامجن وكعتن بشباكهم انسن انو تطلعن منا
درت وجهي لمصدر الصوت جان ولد بعده شاب كاعد بالزاويه ومربوط حالته مو احسن من حالتنه
مدنك راسه وشعره نازل ع وجها مامبين وجها بسبب شعره الي نازل
...  منو انت وشوصلك لهنا
...  نفس السبب الي وصلج لهنا
...  من يمته انت هنا
...  من اشهر كلش طويله اني بهذا العذاب وبهذا الظلام
رفع راسه بين وجها جان بعده صغير بس وجها جان مبين عليه العذاب جان كله اثار تعذيبهم اله وجها جان اشبه بالمشوه
...  ليش مربوط هنا
ابتسم بحزن والم وحجه
...  علمود من يضوجون يجون يتونسون وهمه يعذبون بيه وقت الهجوم عليهم من قبل الجيش العراقي ويطيحون جرحا  ويحتاجون الى عدد هائل من المسعفين يجون ياخذون الاسرى الي عدهم يخلوهم يعالجون اجباري
...  شلون الاسرى يعالجونهم شلون الهم قابيليه ليش مايكتلوهم
...  اجباري يعالجون واقل حركه تلفت النضر وتثير الشك يحاول يقتل الي بيده او مايعالجه بصوره صحيحه راح ينعدم بابشع الطرق واعتقد دامج دخلتي لهنا تعرفينهم وتعرفين شلون يعذبون
جنت بحاله صدمه من الي داسمعه ومن حقارتهم كملت كلامي
...  وليش يسعفون يكدرون يكولون انو همه مو دكاتره
...  اكيد هذا الشي الكل مو دكاتره ولا داخلين بمجال الطب بس بعد مااسروهم يعلموهم
وبعد مايعلموهم يسجنوهم ويبقون تحت تعذيبهم ومن يحتاجوهم يطلعوهم يكملون الشي الي يحتاجو منهم يااما يحتاجون نفس ماكتلج مسعفين او يحتاجون مجموعه يفجروهم او يبيعوهم بس يبيعون الاكثر البنات ومن هذني خططهم البشعه يرجعوهم للسجن او يقتلوهم حسب
وكل هذا يتم من قبل مخططاتهم ويتم باشراف مجموعه كامله من الدواعش يشرفون ع هذوله الاشخاص الي اختاروهم خاف يحاولون يهربون او يحاولون يسوون حركه غرببه تلفت النضر