منقذي من الضلام

البارت 10

Fatima_Al-juboory
• اريد انـشد الملچوم گلبه من الفراك
• هم تغفه عينه بليل من روحه تشتاك 💔3
           ........♡♡........
نتهيت بعد مابيه احجي حجايه كلت بصوتي المبحوح من الصايح والبجي
... خذوني ويا للمغيسل اريد اودعه
صعدت بالسيارة واني فاصل عن العالم الى ان توقفت السياره نفتح باب السياره جان غيث اخوي
مدلي ايده سندني ونزلني كلشي ماشوف كدامي فاصل عن العالم شي واحد ببالي والي هوه اوصل لصگر واشوفه واودعه منضره ميروح عن بالي ابد
وهوه متمدد ويغسلون بي ركضت عليه نفس المخبل اشبك بي وابوس بكل وجهه
... اوووف ولك ليش تعوفني ليشش ولك كوووم كووومم لا تعوفني وحدي
فصلت كمت اصيح واضرب وابوس بي اريده بس يكوم اريده بس يجاوبني يحاجيني نار گلبي شبت وهو مايحاجيني
بس لا حيا لمن تنادي ماتذكر بعد شحجيت وشسويت لان جنت فاصل عن العالم نهائي
لفو بالچفن جن لفو روحي مو لفو صكر هنا من صدك تخبلت ضليت ادفع بيهم واوخر الچفن عن وجهه حسيت بنفسي متقيد
غيث وعمار اخواني كامشيني مقيدين حركتي سحبوني طلعوني بره المغيسل وهمه ساكتين اي صوت مالهم بس الدموع ع خدهم
... هدوووني وخررو عني اريد اروحله
غيث: كافي كافي يبعد حيلي مو هديته لحيلي هذا حد يومه لا تأذي نفسك وتأذيني وياك
عمار: جهاد يخوي كافي الي جاي تسوي هو هم خطيه راح يتأذه من يشوفك هيج اقراله قران صليلي هذا الي يريحه مو البجي والصايح
... ماكدرررر ماكدررر اووووف ولكم اوووف صديقي واخوي هيج بلحضه يروح من بين اديه ولك كبل دقايق نمشي ونسولف ونضحك شوداك شعبرك
بهل اثناء طلعو التابوت شفته حسيت روحي فرفحت ويا جن شايلين روحي ويا
فلتت نفسي من قبضه اخواني وركضت للتابوت نفس حالتي ابجي واصيح الى ان وصلنه للنجف نزلو للگبر مو نزلو صكر لا نزلو روحي
مشت ايام الفاتحه واني فاقد لا اكل لا شرب مكابل اخوانه ونبجي حالتي مو احسن من حالتهم
مشت الايام واني  يوم عن يوم حالتي للاسوء لا اكل ولا شرب لا احجي ويه احد بس حابس نفسي بالغرفه
حته دراستي مالي خلك امشي للمدرسه كلشي يذكرني بي كلشي حته الملابس اغلب ملابسنه نشتريهن نفس الشي ونلبس نفس الشي اغلب الاحيان
من نطلع الناس عبالهم احنه اخوان لان نفس الاطباع نفس البس
هوه جان مو بس صديقي لا اخوي اعزه اعز من روحي كلشي بحياتي جان هو مايكضي يومي لاما اشوفه ونكعد نسولف ونضحك هسه شلون راح يكضن ايامي شلوون
تستمر القصة أدناه

مرت ايامي من دونه بارده ومالهن اي معنى اهلي جبروني ارجع للمدرسه يردون يطلعوني من الحاله الي داخل بيها
بدلت ملابسي وطلعت للمدرسه مالي نفس بكلشي امشي وبكل خطوه اتذكر هنا ضحكنه هنا بهذا الدرب هيج حجه بهذا المكان جنه واكفين ونسولف
وصلت قريب مدرسه البنات تقرب يمها وصلت للمكان الي جان يوكف بي بدت ذاكرتي تاخذني لذيج الايام
بهذا المكان جان واكف ينتضر البنيه الي جان مايكمل يومه اله يشوفها جان يجي ملهوف علمود يوصل قبلها ويلمحها جنت اضحك عليه  واداهر بي وهو جان يجاوبني بلهفه
... ولك احبها احبها مو بيدي جن العافيه هيه وحك علي باليوم الي ماشوفها بي احس يومي مو حلو
... ههه اويلي طايح جفي ع وجهك انت
... اي وحك علي طايح جفي ع وجهي العشك يلوع
... الله لا يراوينيا
... إنشاءلله من تعشك عود تذكرني
... ههه تنجب يخووي
... شبيك تره حلو العشك وعلي
...  ي مبين حلو من ملوعك ومخليك ماتشوف دربك
...  تنجب يخوي انجب عود من وحده تاخذه لكلبك راح تشوف شلون هذي الوعه حلوه وعلي هههههه
...  لا حبيبي  محد تاخذ گلب جهاد جهاد مو كل وحده تاخذ كلبه
...  ي ي حجي يفيدك لاما تجيك وحده تاخذه لكلبك السبع عاتبني
... زين هيه تدري بيك تحبها يعني قصدي معترفلها شايفها تحبك لا
... لا مامعترفلها مو هسه ماريد اضلمها اريدها تلتهي بدراستها ومن اكون نفسي اجي واخطبها
... امم
... شبيك
... مابيه زين هيه هم تحسها تحبك يعني تباوعلك لا
... مادري لان ما مصارحها بس احسها اي
... شلون تحسها اي
... يعني قصدي دائما تباوعلي تضل صافنه عليه هيج شي يعني مادري بس احسها تحبني
... الله كريم كمل تخرج من السادس واخطبها
... إنشاءلله
صحيت من صفنتي ع صوت بنيه ناعم لتفتت اباوعلها
... السلام عليكم
... وعليكم السلام تفضلي محتاجه شي
..اءءء البقية بحياتك جهاد
... حياتج الباقيه
...اءءء شسمه
... رهف ممكن تختصرين وتحجين من الاخير لان اريد اروح للدوام تأخرت
صافن عليها وهيه تحجي من حجيت هيج نفجرت تبجي وخلت ايدها ع وجها مسحت ع وجهي وحجيت بنفاذ صبر
... استغفرالله ربي رهف لا تبجين واحجي
... جهاد احبه ليش عافني
فتحت عيوني مصدوم حجيت بلا وعي
... تحبين منو
... جهاد ادري بصكر الله يرحمه جان يحبني واني احبه ليش عافني
... رهف غلطانه مايحبج هوه انسي  هل اوهام وهوه بعد الله يرحمه راح لا تضلين تحجين هيج وانصحج انسي وعيشي حياتج
درت وجهي عنها ومشيت قبل لا اسمع اجابتها
اوووف عذرني صگر جان لازم هيج اكللها ادري بيك تحبها وتموت عليها
بس لازم هيج اكللها ماريدها تتاذه اكثر خليها تعيش حياتها احسن حتلو كتلها هوه يحبج ويموت عليج
وفعلا يوميه يجي علمود يشوفج بس شنو الفائده او شنو الي يتغير هوه بعد راح
وصلت للمدرسه واني ماطايق احد وبدت اسطوانه الطلاب والمدرسين
الله يصبرك والله يرحمه وماخلو شي ماسئلو عنه بحيث طلعو روحي كوه ضاغط ع اعصابي وساكت عنهم مايدرون جاي يشعلون النار الي بصدري
مشت ايام وكمت اكللهم صيحولي ابو صگر لان اني اذ،راح اتزوج اسمي ابني صگر والكل يصيحني
بابو صگر تخرجت من السادس ونقبلت ضابط جنت اريد احقق حلمه هوه جان يكلي اريد اروح ضابط نروح
ثنين سوه بس هسه اني رحت وحدي لهذا المجال ماجيت وياي انت مكانك كلش فارغ وحشتك ماتروح مني ابد للموت ذكرك يضل وياي
رهف صارت دكتوره وعاشت حياتها وهسه اخر شي عرفرته عنها نخطبت لان اني متابع اخبارها
من نخطبت خلص وصلت للشي الي اريده والي هوه تأكدت انو هيه نست صگر وعاشت حياتها وهذا الشي الي يفرح صگر باليوم الي اجاني بالحلم وطلب مني تعيش حياتها
صحيت من صفنتي ومن ذكريات الماضي ع صوت مؤيد وهوه يحاجيني
مؤيد: جهاد وصلنه
نزلت من السياره من دون ماجاوبه بأي شي
ريناس:
رفعت راسي بشكل بطيئ جان مرتكي ع الحايد ويضرب بايده الى ان الدم كام ينزل منها بشكل شلال خفت من المنضر كلش توقعت ع ساعه يجي يهجم عليه دنكت راسي واني ارجف
حسيت بي يتقرب ناحيتي رفعت راسي جان وكف مقابيلي يتنفس بشكل سريع عروك گصته مبينات اثر العصبيه البي ملابسه كلها تراب عيونه الخازرني بيهن بشكل مرعب وهنه مكلوبات حمر
نزلت نضري لايده الي تنزف اثر الضرب الي ضربها بالحايط
الخوف تملكني من منضره لميت رجليه لصدري وخليت راسي ع رجليه اخذت وضعيه الجنين احامي نفسي
منه مرت ثواني ع وضعيتي وهوه لسه واكف بمكانه ويباوعلي ماتحرك ولا ضمد ايده بس صوت انفاسه العاليه تنسمع من هدوء الغرفه
رفعت راسي اشوفه ماحسيت غير نسحبت من ايدي حيل كومني وكفني بصفه ضبط قرب وجها ع وجهي انفاسه الحاره السريعه تضرب بوجهي حجيت بصوت متوسل وعيون مدمعه
... اذيتني
... بعدج ماشفتي شي من الاذيه
دفعني حيل ع السرير وكام يصيح بعلو صوته حسيت صوته نشخط ع كد ماصيح وصوته عالي عروك كصته نطت حسيتهن ع ساعه ينفجرن ع كد العصبيه الي بي
.... ولجججججج ليششششش ليشششش هيييج تسووون ولجنننننننن كـ*اب بناتتتتت الـ ولج شسوي شسوووي بيجن كللييي بس كللي بنات الـ***
**
نزل انواع الغلط والفشاير عمري ماسامعه بيهن تخبلت من منضره واني اشوفه بهل عصبيه
نزع حزامه الي لابسه وكام يضرب بكل قوه وهوه يفشر ويغلط ع شنو ماعرفه واني روحي احسها جاي تطلع ع كد الضرب
حته صوتي راح الى ان تعب من الضرب نزل گنبص كدامي يلهث خله راسه بين اديه لثواني ورد رفعه يباوعلي حجه بصوت تعبان يلهث
... ليش هيج سويتن
... شجاي تحجي ع شنو
... انتن كـ بنات الـ* انتن مو مال واحد يفكر يشفق عليجن
... بس فهمني شنو ومنو الي تحجي عليهن والله متت من تعذيبك الي شنو ذنبي اني وع منو تحجي اني اشو مسجونه يمك مااطلع منووو الي تحجي عليهن
رفع راسه يباوعلي بعد ماجان منزله باوعلي لثواني وطفر كمشني من حنجي حيل وحجه من بين اسنانه والغضب مبين بعيونه
.... ولججج 10زلم  تعرررررفين شنو 10 زلمم راحوووو راحو بسبب وحده كـ** من عدجن
يحجي وبي وما يزيد بالضغط ع فكي حسيت فكي نكسر بين ادي بس اباوعله وارجف من الخوف ومن الالم دفعني حيل وكام ضل يضرب بيه ويصيح ويغلط
واني كلشي ما مفتهمه منه منو هاي الي يحجي عليها اني شعليه ماكتفه بالضرب الي ضربه كمشني من شعري ويحجي وهوه يعت بي
.... ولج بس فهميني شسوي بيجن بس فهميني وحكك محمد بس خل اكمشها اله اخليها تتمنه الموت وما تحصله
سحلني من شعري للغرفه الي ممنوع اوصللها ضل يسحل بيه من شعري جن حيوان بيده
شعري كله طاح بيده الى ان وصل لنص الغرفه شمرني بالكاع حيل حسيت ضهري نكسر ع قوه الدفعه مالته
ضليت اباوعله مشه لنهايه الغرفه اكو صندوك صغير دنك عليه ماعرف شيدور بي ثواني ورفع راسه
يمشي بتجاهي بيده شخاطه وسجين من شفت السجين بيده رجعت لوره خوف ع فرح خايفه لان راح يذبحني نفس من جان يكلي
... اذبحج وادفنج هنا ومحد يعرف عنج شي

فرحانه لان راح اروح لخاله ام نور والاء اشوفهن وارتاح من هل عذاب الي عايشته ماعرف صارلي شكد بس صارلي اشهر اني هنا بهل عذاب
خايفه من فكره الموت اخاف منها واخاف من السجين واني اتخيله شلون يذبحني رجعت لوره اكثر من فكرت شبون راح يذبحني
كعد مقابيلي ضبط ربع رجليه وكعد سحب جكاره من الباكيت ورثها
وهوه عيونه ما نزلت مني بس يباوعلي ضل صافن لدقايق عليه واني ارجف من الخوف وازحف لوره مابيه اكوم رجليه بايدات من الخوف
حجه بصوت هادء
عكس ملامح وجها الي عباره عن بركان غضب والجكاره بعدهي بين شفايفه
... شايفه هاي
يحجي ويأشر بعيونه ع السجين الي بأيده من الخوف ماكدر انطق بكلمه وحده بس هزيت راسي بمعنى " اي"
... امممم تعرفين شراح اسوي بيها
كوه طلعت صوتي من الخوف الي مسيطر عليه شكثر جنت ادعي اموت واخلص بس جذب الروح عزيزه
من يصير الامر صدك تحله الدنيا بعينك واني هذا حالي هسه من جنت ادعي اموت بس جان عندي امل اطلع منا
ادعي اموت وهسه من شفت انو اني ع وشك الموت حلت الدنيا بعيني عزت عليه نفسي
حجيت بصوت هامس بي رجفه خوف ورعب واني لامه رجليه حاضنتهن لصدري
... ابوس ايدك لا تأذيني اكثر من هيج لا تقتلني
... جؤ جؤؤ
يهز براسه ويسوي صوت بحلكه جؤ "لا" ويحجي بأستهزاء
... جؤؤ جؤؤؤ صراحه نقهرت عليج اوووي يمه الـ**
كـ من يستشرفن بروسنه ويسون نفسهن بريئات وهنه *  كـ    برابـ*
... شسويت اني
... ماسويتي شي بس اشو عجبني اعذبج
... فدوه والله عذبتني هواي واذيتني
... ماشفتي شي بعدج
... ليش
طفر عليه كمشني من شعري ويعت بي حيلل وجها بوجهي ويصيح بكل غضب
... ولجج شنوووو اليشششششش ولج انيييي انيييي ما تنسمع حجايتي علمووود شنوووو علموووود بر** نفسج
وشنو شنووو النتيجه راحوووو من بين ادينه 10 زلمممم  ولج 10 بلمح البصر كلهم كدامييي يحتركون مابيدي شي اسوووييي
بسسسسس صااافن عليييهممممم تدرررين ليش بقيييت صافنننن مو خوفاً ع نفسي لاااا  لان بس اتحرك حركه وحده مووو بس انيي اروح بيهااا البقيه الوياي كلهمممم ينسحلووون بس اني الكم انيييي الكم بس صبرووو
دفعني حيل للكاع بعد ما صب غضبه كله بيه ينتر بشعري حيل ويدفر بيه جن حيوان بين اديه
كل هذا اني ما مفتهما ع شنو جان يحجي واذ راحو من جماعته بس انتم تقتلون بينه تقتلون بالابرياء
تقرب ناحيتي بخطواته الثقيله وهوه كامش السجين بايده ويباوعله دنك لمستواي كعد مقابيلي بس عينه ع السجين ويفر بي يتفحصه حجه وهوه عينه ع السجين الي بايده
... امممم بيا طريقه تردين تموتين ذبح وله من دون سجين نفس اختج
غمز ويه حجايته الاخيره هنا تخبلت جن فزز كل جرح بيه جن فززت كل غصه عندي كل الم كل وجع كل رعب لتمن عليه تخبلت ضليت اصيح والطم ع وجهي
... ليششش ليششش هيج بس فهموووني شنو ذنبنه شنوو ذنبنههه احنه
... اشششش ماريد اي كلمه
خله السجين ع ركبتي وحجه وهوه عينه بعيني دموعي عشره عشره ع خدي غمضت عيوني واني اتشاهد حجيت بصوت كله الم وجع حجيت بخنكه وعبره
... ذبحني قابله اريد ارتاح اريد اموت اقلها اموت واني محد لامسني اقلها اروح ارتاح يم خالتي ويم اختي
... جؤ جؤؤ اووي شهل درامااا تأثرت حيل راح ابجي
ضغط ع السجينه حيل احس روحي جاي تطلع شويه شويه وهوه يضغط ع السجين بشكل بطيئ في سبيل يعذبني
مر شريط حياتي كله من جنت ويه اهلي لحد ما طلعنه لحد ما تعرفت ع خاله ام نور والاء لحد ماصرت بين ادين الانذال لحد هسه واني بيده
ويه كل ضغطه ع السجين احس روحي جاي تطلع ع البطيئ جاي يعذب بيه هيج وهوه يضغط ع البطيئ يموتني ع نار هادئه
احس غصه طلعت من جوه گلبي صحت بصوت كله الم
... طببها طببها اقتلنيي وخلصني ليش جاااي تعذب بيه ع البطييئ تقتلني ع البطيئ
يتبع✨
....