جحيم هواك الجزء التانى المشاكسه والمستبد

الفصل العاشر جحيم هواك

الفصل العاشر جحيم هواك
فكيفَ نُفسِّرُ هذا الجنونْ ؟
أراكِ بكلِّ اتجاهٍ أمامي
وأرصُدُ حُبَّكِ أنَّى يَكونْ
كأنَّ هواكِ تَجلَّى بِقلبي
لِيُشرِقَ منهُ ضِياءُ العيونْ

ماكاد فريد يمد يديه الى سيلا قائلا بنبرة تقطر عشقا :-
يلا بينا يا سليا نرقص انا مرقصتش معاكى النهاردة
ما كادت سيلا ترفع يدها لتضعها بيد فريد فوجئت بيزن الذى يمد يده له قائلا بنظرات حاده ولهجه حازمه :-
انت عايز ترقص اوك وماله يلا بينا نرقص تعالا معايا ها اخليك ترقص احلى رقص
تفاجئ فريد بما فعله يزن فسحب يده من قبضته وحدثه بهدوءشديد قائلا :-
انا مطلبتش ارقص معاك يا استاذ انت انا طلبت ارقص مع سيلا
مش معاك
ضغط يزن على فكيه بحده شديده ثم هتف بفريد قائلا بحده :-
ممكن تتفصل تشوفلك واحده تانيه ترقص معاها غير سلين

فريد باصرار شديد :-
بس انا مش عايز ارقص غير مع سلين ملتزمنيش واحده تانيه
تدخلت سلين فى الحوار بينهم ما ان شاهدتهم متحفزين الى بعضهم البعض ويوشك يزن ان يفتك بفريد لذا تحدثت قائله وهيا
توجه حديثها الى يزن قائله بحده شديده:-
خلاص يايزن ميصحش كده فريد ده زميلى ومينفعش عمايلك دى معاه انا خلاص تعبانه ومش عايزه ارقص بعداذنكم
تركتهم وذهبت لتجلس الى جوار نرمين صديقتها
وقد بد عليها الحزن
انسحب فريد من امام يزن ارضاء لسلين هو يعلم جيدا
اان كل افعال يزن بدافع الغيرة على الرغم من انه يحب سلين
لكنه مستعد ان يضحى بقلبه بسبيل ان يراها سعيده لكن بما يراه الان يرى ان الطريق امامها لازال صعبا ويجب عليها التحمل والقدرة على المواجهه فيزن صعب المراس وحتى ان كان قد اظهر بعض الغيرة لكنه لن يلين بسهوله
دق جرس الهاتف الخاص بيزن فأضطر ان يتركهم ويذهب
ليجيب على الهاتف
اقتربت منها نرمين هاتفه بسعاده شديده:-
يزين ابتدى يلين على فكرة بس انت اتقلى شويه وبلاش اللهفه دى عليه اول ما تشوفيه اكملت قائله بجديه :-
هو عارف كويس قوى انك بتحبيه وضامنك وعلى فكرة طول ما مشاعرك مكشوفه ليه كده وهو هايتحكم فيك على مزاجه
فا ياريت ياسلين بطلى بقى اللهفه الى بتبان فى عيونك اول ما تشوفيه
اطلقت سلين تنهيده حارة صادرة من اعماق قلبها قائله بحزن شديد:-
غصب عنى مش بايدى يا نريمين اول ما بشوفه بنسى كل القرارات الى اخدتها فى ثانيه
احتضنتها نرمين قاىله بحب كبير :-
حاسه بيك يا سيلا ربنا معاك وتقدرى عليه احنا لسه فى اول الطريق صدقينى انا لو مش عرفه انت قد ايه بتحبيه ها
كنت ها اقولك سيبيه وخدى الى بيحبك ويتمنى نظرة من عنيك
قاطعتها سلين قائله بحزن شديد والم غير عادى تشعر به بداخلها:-
انا بحبه من صغرنا فتحت عينى فى الدنيا دى على حبه عمرى. ما اتخيلت حياتى من غيره ابدا صحيح هو قدر انه يخطب غيرى
بس انا واثقه انه عمره ما حبها والا كان كمل معاها
تعجبت نرمين من حديث. صديقتها وحدثتها قاىله بتعجب :-
انا اول مرة اعرف انه خطب طيب ماتدورى ورا الموضوع
ده اكيد ده ها يوضحكلك حاجات كثير
اقبل ناحيتهم مازن ابن عمها اياد قائلا بمشاكسه لسلين :-
سيلو الجميله ما تيجى نرقص سوا بدل ما انت واقفه كده مش بتعملى حاجه
ضحكت سلينا بشده على حديث ما زن قائله :-
انت قد الطلب الى طلبته ده يامازن اصل خلى بالك فيه اسد متوحش اى حد بيفكر يرقص معايا بياكله
نظر البه مازن فاغرا فاهه ببلاهه قائلا بتساؤل :-
مين ده الى ها يمنعنى يعنى ان ارقص معاك يا سيلا
سيلا بهمس شديد:-
يزن ابن عمك عامل حارس عليا النهاردة ولو اى حد فكريرقص معايا بيقلب الدنيا لو انت قده بقى وتقدر تقف قدامه يلا بينا
وضعت يدها فى يده وذهبوا لكى يرقصوا معا
وما كاد يرقص برفقتها حتى فوجئ بيزن
يمسك به من تلابيب ملابسه قائلا بحده :-
اتكل على الله من هنا يا مازن وابعد عن سلين احسنلك
مازن بخوف شديد.وهو يرمق يزن بقلق :-
اسف يا يزن باشا حقك عليا سلام ياسلين العمرمش بعزقه
تركها وركض مبتعدا بعد ان تخلص من قبضه يزن
اخذت سلين تقهقه على ما فعله ما زن
وهتفت به قائله وهو يركض مبتعدا :-
مش قولتلك انت مش قده قولت لاءانامش خايف منه وعملت لى شجاع
ضحك يزن رغما عنه على مرح ومشاغبه سلين ولولا وجودكل هؤلاء الناس ما كان قد تغاضى عن ضحكاتها التى تملاء المكان ويستمع اليها الجميع
زفر بنفاذ صبر واخذ يحدث نفسه قائلا :-
اه لو اقدر احبسك جوا قمم محدش يقدر يشوفك غيرى
ولا اى عين تقدر تتمع بجمالك غيرى ياسلين
لكن مش ها اقدر دلوقت ان اعمل كده بس قريب قوى مش ها اسمح لحد يشاركنى فيك
اكمل حديثه قائلا بحده شديد:-
انت ليا انا وبس يا سيلو اخلص بس من الناس الى عايزين يقتلوكى وبعدين افضالك
يا سيلو وها اطلع عليك الجديد والقديم
تقدم اليها قائلا بنبره تحمل بعض اللين :-
تسمحيلى بالرقصه دى يا سلين
كادت ان ترفض لكن صديقتها غمزت لها بأن توافق
وضعت يدها بيده على مضص
اخذ يراقصها ويجعلها تدور حول نفسها وضمها الى صدرة
هامسا بأذنها :-
ممكن تبطلى تضحكى وصوتك يعلى وكل الناس تسمع ضحتك
سلينا بغضب شديد وهيا تنظر اليه بحده شده :-
كفايه بقى يا يزن انت بقيت مش معقول ارحمنى شويه معندكش غير اوامر وتحكمات على الفاضى والمليان انا اتخنقت يا يزن مش معقول تحكماتك دى ارحمنى شويه بقى
يزن بهمس شديد وهو يؤكد على كلمه تخرج من فمه :-
انت كلك ملك ليا حتى النفس الى بتتنفسيه ملك ليا
ياريت بقى بعد كده تاخدى بالك وما تثيريش. غضبى
هتفت به بحده شديده وقد نفذ صبرها :-
لا بقولك ايه انا مش لعبه فى ايدك علشان تتحكم فيا وتقول انى ملكك انا مش ملك حد يا يزن انا بحذرك
بطل التصرفات الغريبه دى وسيبنى فى حالى انا تعبت منك ومن عمايلك بقى
ضحك يزن بشده وهو يمس خدها بشفتيه التى بالكاد ترفرف على خدها كفراشه تنتقل بين الزهور
همس لها قائلا بنبرة ساخرة :-
اوك يا سيلا الجميله انا ها ابعد عنك بس ها اشوف انت كمان ها تقدرى تبعدى ولا لاء