بسم الله
بحصه الفيزياء
كانت جالسه ورا دينا طقت بكتفها وبهمس :فهمتِ شي ؟
دينا:لا
تنهدت :وش سوات
دينا :خليها على ربك
رجعت ظهرها على كرسي وتحاول تركز مع استاذه
بعد وقت قصير دق الجرس واخذت اغراضها استاذه وطلعت
حطت راسها على طاوله وهي مصدعه
طلعت حبه باندول من شنطه وعطتها:عارفه انك بتصدعين عشان كذا جبته
اخذتها:ياروحي انتِ
لمياء:بتنزلون ولا بتقعدون بالفصل ؟
دينا:خلونا ننزل نمشي احسن
الين :انا بجلس مااقدر
دينا:تبين نستأذن ؟
الين:لا اكيد بطيب
دينا:اوك وطلعوا دينا ولمياء
اما الين حطت راسها على طاوله
دينا وهي تنزل وبقلق :احس الين تعبانه بس ماتبي تقول
لمياء:تعرفين الين ماتبي نقلق عليها
دينا:ايوه اعرفها
لمياء:ننتظر لين حصه الخامسه ونشوف
دينا:اوك
لمياء:تعالي نشتري من مقصف
دينا:يلا
وراحو يشترون
بمكان اول مره نجيه كان جالس على كرسي مكتبه ويفكر بالموضوع دخل مساعده :سيدي لك اتصال
ناظره :عبدالله ؟
مساعد :اي
وجه نظره ل قدام :عطني اياه
وعطاه ورد عليه :هلا
عبدالله:جدي عرفت وين مكانها
الجد:وين
عبدالله :هي ساكنه قدام بيتنا ومعها خوياتها
الجد:ابيك تجيب لي بتفصيل
عبدالله :طيب متى بتصارحها ؟
الجد:تونا مو الحين
عبدالله:زين تامر على شي ؟
الجد:سلامتك و سكر منه
حس بأحد وراه والتفت شاف غيث و فهد
عبدالله:خرشتو قلبي تنحنوا سوو شي
غيث جلس جنبه:من كنت تكلم
عبدالله:جدي
فهد :وش يبي ؟
عبدالله:موضوع عائلي شدخلك انت ؟
فهد:انطم بس
غيث حط راسه على كتف عبدالله :متى بنطلع احس صدعت
فهد:نطلع 11:20
عبدالله:هانت مابقى الا عشر دقايق
غيث:الله يصبرنا
عبدالله:تصبر بس
الساعه 12:30 نزل من سياره وهو دايخ و يالله يالله يفتح عيونه
ضحك فهد:انتبه ل طريقك طيب
عزوز:مافيه شي يضحك
فهد:بغيت تطيح و تقول مافيه شي يضحك
عزوز:عبود اخلص افتح الباب لا افرشه ذا
عبدالله:اعصابك طيب و فتح الباب و على طول دخل عزوز ورمى شنطته و نام بالكنب اللي تحت الدرج (بس يمديهم يشوفونه لانه قدام الباب )
عبدالله:عز قوم نام بغرفتك
و عزوز نايم
غيث:لا تتعب نفسك ما راح يقوم
فهد:طيب وش تبون نتغدا ؟
عبدالله : ما اشتهي
فهد :اقول انطم بس ما اكلت شي من صبح و عازمك
غيث:ترى انا بعد ما اكلت شي من صبح
فهد:لو تنقز انت ما عزمتك
غيث:الله لا يحجينلك ( يعني يطلب له وكذا )
عبدالله:لا جد بنام وبقوم العصر لان عندي نادي
فهد:بطلب كنتاكي بطلبك وجبتك
عبدالله تنهد و وافق لان يعرف انه فهد اللي براسه يسويه
فهد:طيب وش اطلب ل عز
عبدالله:اطلب له تويستر
فهد:زين وغيث ؟
غيث:نفس وجبتك
عند البنات دخلو البيت بعد تعب اللي انسدحت بالارض واللي بالكنب اما دينا راحت تشرب مويا
لمياء:شتبون نطلب ؟
طلعت دينا من المطبخ :انا ما ابي بروح انام
وراحت فوق
الين:في مطعم جديد اسمه ****نطلبه ؟
لمياء:اوك
