بسم الله
لا اسامح من يقرا بدون فوت ، تعبي بذمتك
بليل الساعه 12 كانت ترتب اغراض عشان يروحون البيت و لمياء تساعدها دخلت الين:دينا يعني بنمشي الحين ما تحسين الوقت متأخر واحس بنضيع
دينا:تصدقين انا جلست اهوجس بالفكره ذي لكن مدري واحس عيب نجلس عندهم وننام
لمياء:هي اكيد عيب لكن يعني فكري شوي
دخلت ام حنين وشافتهم مجتمعات :بنات وش فيكم
تعدلت الين وشافتها دينا:لا خالتي مافينا شي بس بنجهز اغراض عشان نسري
ام حنين :تمشون بوقت المتأخر و الوقت مايناسب
دينا:قلنا بنمشي ماله داعي نثقل عليكم زياده
ام حنين :افا بس يابنتي ترى اعتبركم مثل حنين واكثر
تقدمت دينا وباست راسها:ماقصرتي والله لكن مصرين نمشي
دخلت حنين:سمعت فيه مشيه وين
دينا:ابد والله اقول انه بنسري خلاص دخنا
حنين:ماتتحركون الا اذا طلعنا من مخيم
الين:اقول خلاص زودتيها
حنين:انتِ شتبين اذا بتروحين الله يحفظك
شمقت لها الين واخذت دله وحطتها بالشنطه
دينا:حنين حنا بنمشي اصلاً وتعبانين وقايمين من فجر
ام حنين:اجل حنين قولي ل تركي يجسرهم ل بيتهم
دينا:لا خالتي والله مايحتاج مانبي نكلف عليه
ام حنين:لا كلافه ولا شي انا اللي بروح اكلمه وطلعت ام حنين برا مطبخ
تنهدو بنات وتكلمت حنين:لهدرجه متوترين من اخوي
لمياء:الله يعافيك تقول متوترين ترى محد اهتم ل اخوك
ضحكوا دينا والين على صراحه لمياء
واخذت الين سله وطلعت برا مطبخ والبنات معها وراحوا يتجهزون
رجعت ام حنين و توجهت ل البنات عشان تقولهم
ام حنين :يابنات ترى تركي بيجسركم لذلك انتبهوا
ابتسمت دينا:ماقصرتي والله ياخالتي
حنين:اجل يمه انا بروح مع تركي اجسره مره وحده
ام حنين :انثبري بس
حنين بتذمر:يمه تكفين طفش مره
نجود :حنا نروح مع حنين
دقتها دلال وهمست :وانتي وش دخلك تروحين
نجود :انطمي اقول
حنين:ها يمه وش قلتي
تنهدت ام حنين منها :خلاص بكيفك
باست خدها بقوه :احبتس يمه