بسم الله
لا اسامح من يقرا بدون فوت ،تعبي بذمتك
غافي على حضن ابوه و مو حاس في شي فز على فتحه الباب وصراخ ممرضه و ممرضه الثانيه تحاول تطلعه اما هو ما استوعب دخل دكتور يشوف حاله وطلع هو وجلس على كرسي قدام غرفه ومسح على وجهه يحاول يستوعب اللي صار
اخذ جواله من جيبه وشاف مكالمه فايز رد عليه :هلا
فايز:وينك عن جوال ماترد
فهد:كنت نايم وش تبي
فايز:كنت بسألك عن ابوي اذا صار شي جديد او لا
ماحب يقوله عن اللي صار :لا مابه شي جديد واذا صار اقولك
فايز:بحاول اجي العصر
فهد :طيب
سكر فايز و قام فهد من شاف ممرضه طالعه من غرفه تركض طلع دكتور و وقفه فهد :ها يادكتور وش فيه
فصخ كمامه :للأسف ساءت حاله ابوك و بنرجعه للعنايه
فهد:صادق اللي تقوله
الدكتور:اي وراح دكتور
اما فهد جلس على كرسي وحط يده على راسه ناظر جواله اللي يدق و كان غيث رد عليه وقال :هلا
غيث:هلابك شخبارك و اخبار الوالد ؟
تنهد فهد :انا اخباري زينه لكن الوالد وسكت
غيث استغرب:فهيد شبلاه ابوك ؟
فهد يحاول يكون طبيعي :دخل العنايه
انصدم غيث:لا حول ولا قوه الا بالله وش صابه
فهد:يقول الدكتور انه ساءت حالته كثير وبيرجع للعنايه
غيث:لا حول ولا قوه اسمع ان كانك تبيني اجي جيتك
فهد:لا غيث ماتقصر والله وان شاءالله يقوم بالسلامه
غيث:ان شاءالله واهم شي انت انتبه على نفسك عدل
فهد:ان شاءالله
غيث:يلا اجل انا اخليك و اذا بغيت شي دق علي
فهد:فمان الله وسكر تسند فهد على جدار ويفكر
<عند العيال ،الخبر >
بعد ما سكر من فهد جلس على جواله و اياد و سعد يلعبون سوني رمى جواله على جنب :ياعيال ماجعتوا ؟
سعد وهو يلعب :الا والله
اياد:نطلب ولا نطلع نتغدا
غيث وهو يقوم متوجه ل مطبخ :بكيفكم شتبون انتم
اياد:شف وش ينوكل وقل لنا
قاطعهم دق جرس
سعد:غيث افتح الباب
غيث وهو يغسل خياره و ياكلها :ورا ماتفتحون انتم
اياد:ماتشوف نلعب قيم اخلص يمكن احد بيعطينا نقصه اكل
طلع غيث من مطبخ وهو يتحلطم وراح يفتح الباب انصدم من شاف الين واقفه عند الباب و ابتسم :الين ؟
تحس قلبها يدق طبول من ابتسامته وفهت فيه
استغرب غيث و اشر بيده :بنت معي انتِ ؟
استوعبت الين و قالت :اءء شسمه جبت لكم نقصه مكرونه باشميل و بالعافيه عليكم
ابتسم غيث واخذ مكرونه منها :شكراً
توترت الين من لمسه يده و وخرت يدها :العفو اجل انا بروح وراحت اما هو كان يتأملها الين مادخلت بيتهم اما هو دخل البيت :جانا غداء ياعيال
فز اياد:احلف ماقلت لكم انها نقصه من جيران
غيث:قم جب صحون و ملاعق و يأشر على سعد جب بيبسي
كشر سعد:قم انت انا ضيف
غيث:اي ضيف وانت نايم عندي اكثر من ثلاث ايام
جا اياد ومعه صحون :ريحه يا عيال تشهي
فتح غيث قصدير وشم ريحه تنهد و صب له و بدا ياكل
اياد:يا كلب صب لي
سفهه غيث وكمل اكله
دخلت الين البيت وهي مستانسه وتغني قابلتها لمياء وهي طالعه من مطبخ ومعصبه:الين تستعبطين وش حوسه مطبخ هذي
الين انخرشت:لمياء هدي يا قلبي شفيك معصبه
لمياء:وش سنع اللي طلع لك فجأه و بعدين ليش مخليه مطبخ حوسه كذا
الين فصخت عبايتها و علقتها:مسويه لك مكرونه باشميل يحبها قلبك
استغربت لمياء :وش صاير بالدنيا
طلعت مكرونه ثانيه من الفرن :ابد حبيت اسويها
جلست بالكرسي لمياء : دوم ان شاءالله سنع
الين :زعلت منك صراحه
قامت لمياء و حضنتها :شدعوه امزح معك
الين :وخري عني بس
قبصت خصرها :للحين زعلانه
لفت :لمو وجع تعرفين اني اكره حركه هذي مالك داعي
باستها بخدها: I am sorry
الين:طلعي صحون وبغسل شوي من مواعين
لمياء:تمام
جالس بطاوله اكل يتغدا و يتلذذ بالمكرونه شرب كولا رفع راسه من قال سعد:صراحه تسلم يد اللي سواها لذيذه
اياد:حتى نفس ماشاءالله و واضح انها طباخه
شد على شوكه بغيره وكمل اكله
سعد:ماتعرف من اللي جابها ؟
غيث :كل وانت ساكت
اياد:شبلاك عصبت سأل هو
غيث:ماعصبت وكمل اكله
سند ظهره على كرسي اياد بتخمه :شبعت ودي اكل بس ماقدر
انسدح على كنب و قال :لا تاكل ويفتح جواله وشاف رساله (المكرونه عجبتك ؟)
ابتسم و رد عليها (تسلم يدك لذيذه حتى عيال مدحوها )
ابتسمت من شافت رده (بالعافيه )
ارسل (يعافيك ) واخذ من سعد شاهي يشربه
اما هي تركت جوالها و كملت اكلها وتسولف مع لمياء شربت كولا
تركت ملعقه لمياء:تسلم يدك شبعت
الين:بالعافيه
نور:المكرونه ادمان تسوينها كل يوم
الين ابتسمت :من عيوني
قامت لمياء وشافت صحنها و مشروب و راحت مطبخ
الين:ترى بتساعديني بالمواعين
التفتت لها لمياء وهي تسوي نفسها ماتسمع:ما اسمع شتقولين
الين رفعت صوتها :اقول بتساعديني
<جده ، تحديداً مستشفى >
رفع راسه من شاف اخوه جاي وهو يحاول يكون طبيعي
فايز:وين ابوي ليش مو بغرفته ؟
فهد :ساءت حالته و دخلوه العنايه
فايز:متى صار هذا ؟
فهد:اليوم الظهر
فايز:وراك ما قلت لي
فهد :مدري فايز مدري مو قادر استوعب
تنهد فايز:خلاص انت روح و انا بجلس
فهد:لا انا بجلس معك
فايز:روح انت جاي من امس ارتاح و غير ملابسك و تعال
تنهد فهد :طيب و طلع من مستشفى و ركب سيارته و حرك ل الفندق
اعذروني عن تأخير حبايبي و تفاعلكم يهمني 🤍
ادري انه البارت قصير ان شاء الله البارت الجاي يكون طويل
لا تنسون النجمه ⭐️
انتهى
أنت تقرأ
بعيونها سِر الغرام و بدايه قصه حُبنا .
Storie d'amoreتبدو كالموسيقى تأخذني بعيداً عن واقعي .
