بسم الله
لا اسامح من يقرا بدون فوت ،تعبي بذمتك
اول يوم ترم جديد صحت وهي تحس بنشاط غير عن العاده قامت وهي ناويه تداوم دخلت الحمام (تكرمون) تاخذ لها شور سريع وطلعت تتجهز لبست تنوره وتي شيرت واخذت معها جاكيت احتياط وسوت شعرها ويڤي وحطت واقي و مسكره و روج واخذت شنطتها وطلعت برا الغرفه و نزلت تحت شافت لمياء تفطر ومعها الين :صباح الخير
ابتسمت لمياء:صباح النور
التفتت تدور نور:الا وين نور ؟
لمياء:ماراح تداوم طبعاً متفقه هي وصديقتها
دينا:اهـا وجلست تفطر
الين وهي تاكل زيتونه:متى بنروح ؟
دينا:اصلا بقى عشر دقايق وتصير سبع تبين نمشي الحين ؟
الين:اكيد لا بس اسأل
تركت لمياء شاهي على طاوله والتفتت لها:اصلا انتِ غريبه تداومين اول يوم ؟
الين:كسرت قاعده هذي
دينا:حلو
قامت لمياء وشالت صحن و ودته مطبخ وقاموا البنات يساعدونها
في بيت العيال دخل عبدالله وهو مفجوع و قرب ل سرير غيث يحاول يقومه :غيث ولد قم غيث ياولد قم
تقلب غيث ل جهه ثانيه:شتبي بنام
عبدالله:قم بس جهز اغراضك بنمشي
غيث:وين
عبدالله :بنمشي جده
غيث:ليش
تنهد عبدالله من اسئلته :ابو فهد توفى وقم بنمشي ل جده
فز غيث :احلف لا حول ولا قوه متى توفى
عبدالله:الفجر
غيث:الله يصبره
عبدالله:قم جهز اغراضك ويلا نمشي
غيث وهو يمسح وجهه :طيب و طلع عبدالله اما غيث دخل الحمام يغسل و ياخذ له شور سريع وطلع فتح دولاب واخذ شنطته صغيره وحط فيها ملابس داخليه و بنطلون و تي شيرت و حط ثوبين و لبس سروال وفنيله و لبس ثوبه واخذ نظارته و جواله اخذ شنطته و نزل تحت و شاف عبدالله جالس ينتظره
غيث:وين عزوز ؟
قام عبدالله ويمسك شنطته:يشغل سياره
هز راسه غيث و راح لمطبخ يشرب مويا وطلع
طلعت دينا من البيت وسكرت الباب شافت عبدالله يطلع ومعه شنطه سفر صغيره استغربت لكن ما اهتمت كثير و ركبت سياره
الين وهي تناظرهم من مرايه سياره :توقعون وين مسافرين بالصبح ؟
دينا:شدراني انـا شايفتني ساكنه معهم
الين:يساتر وراك معصبه
حركت دينا و ماردت عليها
بعد ماحرك عبدالله وغيث جنبه و ورا عزوز اللي انسدح ونام
عبدالله :تبي شاهي ؟
غيث:وش جوك انت شاهي
عبدالله :اجل وش تبي عمي ؟
غيث:اكيد قهوه
عبدالله:تحلم عشان يجيك خفقان ماني ناقص
غيث:تطمن بس اوقف ماراح يجيني الا كل خير
تنهد عبدالله منه و وقف عند دانكن يطلب وبعد طلب انتظر شوي وبعده اخذ طلب وحرك
غيث:اسمع ان كانك تعبت قلي نتبادل سواقه
عبدالله:طيب
تسند غيث يشرب من قهوته و يناظر جواله
نسرع الاحداث شوي وصلوا ل جده تمغط عبدالله وشال نظارته وحطها بدرج
فرك عيونه عزوز:وصلنا؟
غيث:اي
عزوز:اخيرا و نزل من سياره و شاف شخص يمشي ويقرب منهم :اخويا فهد؟
عبدالله:وصلت
فايز:معكم اخو فهد فايز
قرب منه عبدالله يسلم : ونعم والله و عظم الله اجركم
فايز:اجرنا واجرك
غيث وهو يسلم عليه :الا وين فهد
فايز و وجهه محمر من بكي وتلثم:تلقاه بالبيت الشعر
عبدالله:به احد عنده ولا لا ؟
فايز :لا
عبدالله:اجل اسمع غيث انا بروح عنده و انت ادخل مع فايز و ساعده
غيث:ان شاءالله
عبدالله:دلني وين بيت الشعر
فايز بدا يوصف له بيت الشعر و راح اما غيث و عزوز و فايز راحوا ل مجلس الرجال
دخل عبدالله بيت الشعر وشاف فهد جالس و حط كفوفه على عيونه و يصيح وكل ماهدا يرجع يصيح رفع راسه من شاف عبدالله واقف و واضح انه جاي من مده قصيره قرب عبدالله منه وحضنه وطبطب على ظهره من شاف فهد يصيح على كتفه
فهد :راح ابوي يا عبدالله راح
عبدالله:هد الحين انت لا يجيك شي
بدا فهد يصيح بقوه
مسح عبدالله دموعه بشماغه حس انه فهد هدا ناظره و بدا يغمض وكأن بدا يغمى عليه ضرب خده :فهد فهيد ولد قم
سدحه على كنب وجاب مويا ورشه على وجهه بدا يصحصح فهد
عبدالله:هد انت الحين وقم معي
فهد:بجلس هنا
عبدالله:ماحضرت دفان ؟
فهد:الا وجيت هنا
عبدالله:طيب تبي شي اجيبه
هز راسه فهد لا
عبدالله:طيب قم معي قابل معزيين
فهد:والله مالي خلق اقابلهم
تنهد عبدالله منه :قم معي لا تترك فايز لحاله الحين يحتاجك هـو
قام معه فهد وطلعوا من بيت الشعر متوجهين ل مجلس الرجال كان يصب القهوه ل رجال التفت من شاف عبدالله دخل ومعه فهد اللي كان واضح عليه انه شاد على يده وكمل يصب وبعدها بيروح يعزيه بعد ما انتهى مشى ل فهد اللي كان واقف مع فايز اللي يسلم ويرد على معزيين وقف عند فهد وحضنه و همس عند اذنه :عظم الله اجرك يا اخوي و اغفر له و ارحمه
فهد :اجرنا واجرك
ضرب كتفه بخفه و وقف جنبه
بليل كانوا غيث وعبدالله جالسين بالمجلس اما عزوز كان برا يلعب كوره دخل عليهم فهد وقام عبدالله:اجل حنا نمشي ونجي بكره
فهد:بتجلسون عندي وتنامون بعد
عبدالله:يارجال ماكمل كلامه و دخل فايز وقال:والله العظيم انكم تنامون عندنا شدعوه انتم اخوان فهد وترى ملزم تنامون
ابتسم غيث:ماتقصر والله
طلع فايز و لحقه فهد يجيب لهم مفارش ترك جواله غيث و طلع من مجلس بيروح ل حمام (تكرمون ) دخل وبعد ماخلص طلع وغسل يده شاف عزوز قاعد على جواله و كوره جنبه
غيث:شعندك قاعد هنا ؟
رفع راسه عزوز :ابد حسيت داخل كتمه وجيت جلست هنا
جلس جنبه غيث واخذ كره يلعب فيها براسه
ناظره غيث :وراه عيونك حمرا انت ؟
عزوز فرك عيونه :ابد بس عيني توجعني
غيث وهو ماصدقه:طيب ليش ما تغسلها ؟
عزوز:الحين بروح و قام عزوز وراح
اما غيث اللي ناظره وقام بيدخل ل مجلس وشاف فهد ومعه مفارش اخذ نص مفارش منه و يمشي معه
دخلوا مجلس وحط مفارش
ناظره عبدالله :بتنام معنا ؟
فهد :اي
غيث:اطلق من ينام معنا
ابتسم فهد ويناظره
اخذ عبدالله مفرش و غيث مفرش وفهد جاب بطانيته و وساده
دخل عزوز وناظرهم :وانا وين مفرشي
غيث:نم جمب اخوك
ناظره عزوز:احلف ؟
غيث:والله
عزوز:صاحي انت
عبدالله:خلاص بحط مفرشي و مفرش غيث و ننام جميع
عزوز :يلا
رفع حاجبه غيث
عبدالله:اقول بس انثبر و نننام دايخين
تأفف غيث وفرش مفرش وانسدح بالوسط غيث و باليمين عبدالله وباليسار عزوز اما فهد منسدح على كنب
غمض عيونه عزوز ويحاول ينام اما غيث يناظر جواله وفهد يناظر سقف ويهوجس و عبدالله مسك جواله يناظر به
تكلم عبدالله :فهيد نمت ؟
فهد مارد عليه
رفع نفسه يشوفه :فهيد
غيث ناظره :الولد يهوجس
قاموا من شافوا فهد يمسح دموعه اللي تنزل وراحوا جنبه
حضنه عبدالله من جنب :قل لا اله الا الله
غيث:ياولد راح اللي ارحم منك ومني
فهد بحزن و اثر بكاء واضحه على وجههه :الله يرحمه
عبدالله :خلك قوي و اصبر عشان فايز اخوك
احس انه البارت ما عجبني لكن ماحبيت اطول عليكم
معليش على تأخير حبايبي ولا تنسون تفاعلكم 💋
النجمه ⭐️
انتهى
