بسم الله
ما اسامح اللي يقرا بدون فوت
بالمدرسه البنات الثانويه بالفسحه بعد ما شرت راحت ل فصل و تعرفت على بنت اسمها (حنين)
حنين:كنتِ من اي مدرسه ؟
لمياء:مدرسه *****
حنين:كيف مدرسه الحلوه ؟
لمياء:خليني ساكته لا اشوه سمعتها خايسه
ضحكت حنين :يعني معلمات ؟
لمياء:معلمات و طالبات و مديره
حنين :اها
دخلوا دينا والين وجلسوا بمكانهم
لمياء:صح نسيت اعرفك على خواتي الين ودينا
ابتسمت حنين:تشرفت
دينا :الشرف لنا
حنين:خوات من ام ؟
الين:لا صديقات لكن صرنا اكثر من صديقات
حنين:الله لا يفرقكم
دينا:امين
الين:لمياء لا يفوتك قبل شوي بالساحه وحده راحت عيونها من كثر ما تطالع فيني وتشمق
لمياء:يع شتبي ذي
حنين :تقصدين دانيه ؟
الين:والله مادري
دينا:اي سمعت بنات ينادونها دانيه
حنين:الله يسلمك هذي دانيه وحده غثيثه وتحوم الكبد بختصار مشكلجيه
لمياء:جوي
دينا:ليه ناويه تتهاوشين معها ؟
لمياء:اذا بدت هي وتبي تتهاوش اتهاوش ليش لا
الين:الله يستر
لمياء:تراني مسالمه بس اذا احد داس طرفه اعرف كيف اتفاهم
دينا:حنين شرايك تجين عندنا اليوم ؟
حنين:مادري بشوف
الين:الله اليوم الخميس
لمياء:عاد تنامين نومه الكهف
الين:اكيد
ورن الجرس وبدوا الطالبات يدخلون صفوفهم
الين:وش علينا ؟
حنين:اتوقع الرياضيات
الين كشرت:لا مالي خلقها
دينا:مو على كيفك
ودخلت استاذه :السلام عليكم
الكل رد:وعليكم السلام
استاذه:يا ثالث يوم الاحد اختبار الرياضيات
الين:ابشركم بنسقط
دينا ضربت راسها:وجع وش الفال
استاذه:افتحوا الدرس الجديد واكتبوا التاريخ وبدت تشرح
اما عند مدرسه عيال كانو مجتمعين و يسولفون
و دق الجرس
غيث:بنحاش من ينحاش معي ؟
سعد:انا
عبدالله:اقول انثبروا بس
غيث:انت مستوعب انه الحين الرياضيات وابداً مالي خلق صداع
سعد:غيث ماعليك منه تبي ننحاش وانا معك
غيث:انت كفو
فهد:بما انكم بتنحاشون بنحاش معكم
غيث:يلا
و ناظروا عبدالله اللي كان جالس و متكتف ويناظرهم ببرود
سعد:بتنحاش ولا لا ؟
عبدالله تنهد :شكوى الله يلا
فز غيث بحماس وراح على طول الفصل وشاف مابعد جا استاذ الرياضيات ولحقوه العيال واخذو شناطهم وطلعوا برا المدرسه بدون محد يدري
ركب عبدالله بمكان سائق جا غيث بيفتح باب سياره اللي قدام مار فهد حط يده
فهد:غيث يلا قدامي ارجع ورا
غيث:على كيفك توكل بس انا جاي قبلك
فهد:ياورع انا اكبر منك بثلاث شهور
غيث:تعرف وين تحطها ثلاث شهور ذي
عبدالله بصداع منهم :اخلصوا انت وياه لا يشوفنا
سعد:وهو صادق اخلصوا
اياد:يافهد ترى غيث جا قبلك تعال اجلس ورا اخلص لا اسحبك
فهد فتح باب اللي ورا وركب وسكره بقوه
التفت له عبدالله وهو يصرخ :وجع وش دخل باب سيارتي اذا موب عاجبك انزل
فزو سعد و اياد من صراخه
فهد:ماتحكمت بيدي
غيث بتغيير للموضوع :وين تبون نفطر
اياد:اول شي شغلوا اغنيه ولا اي تبن ثاني شي بكيفكم
مسك سعد سلك :بشغل لكم على ذوقي
غيث:لا يرحم امك فكنا من ذوقك ميت
سعد:عناد فيك بحط عراقي
غيث:وش جوك رخيص ذا
اياد:اكيد تمزح
سعد:لا وشغل عراقي
حط يده على جبهته :مو معقوله جوك انت غير
لا انزلك
سعد:خلاص لعيون عبدالله بغير
اياد:زين تكلمت يا ولد
سعد:بشغل اغنيه
عبدالله:مايمديك ياولد وصلنا
سعد:حسافه
المهم نزلوا ودخلوا المطعم وجلسوا ويشوفون منيو عشان يطلبون
نسرع الاحداث شوي الساعه 11:20 طلعوا البنات من مدرسه و ركبوا سياره
دينا:متى تطلع نور ؟
لمياء:12:30
دينا :شكلي بستأذن لها الحين
لمياء :وراك انتِ ؟
دينا:احس اني مصدعه عشان كذا
لمياء:خلاص اوك نروح
و راحو ل مدرسه نور عشان يستأذنون لها
طلعت نور وركبت سياره :ههاي
البنات :هايات
نور:دينا لو سمحتي بما اني مروقه روحي ل كوفي
دينا:للأسف ياروحي مصدعه
نور:شدعوه حبيبتي وانتِ تعرفيني ما اروق الا بشهر مره
ماحبت تكسر خاطرها و مرت كوفي
دينا التفت لهم :تبون ننزل ؟
نور:شرايك انتِ ؟
لمياء:ننزل
دينا:يلا ونزلو هم وكانت هي اخر وحده عشان تقفل سياره
دخلوا هم الكوفي وجلسوا ينتظرون دينا
طلعت جوالها بعدين استوعبت
ناظرتها لمياء:ماشاءالله جايبه جوالك
نور ابتسمت بوهقه
لمياء:ماقلت فكره انك تاخذين جوالك للمدرسه تنسينها
نور:صديقتي قالت بتجيبه وجبت معها وش مشكله ؟
لمياء:ماشاءالله واذا اخذوه وش يفكنا من صياحك
دخلت دينا وشافتهم :ماطلبتوا انتم ؟
الين:ننتظرك
دينا :طيب
قامت الين تطلب ورجعت
دينا شافت نور معها جوالها:ماشاءالله مارجعنا البيت متى امداك تاخذين جوالك
لمياء:الاخت مهربته
دينا رفعت حواجبها :ماشاءالله
نور:انتو ليش مكبرين موضوع ترى ايزي وبعدين تعالي يعني وقفت علي انتم بعد تهربون
الين :وهي صادقه مادري ليش مكبرينه
دينا:جتنا بارده
لمياء:انا بروح الحمام وراحت
وجا القرسون وحط كوفي وحلى وراح
وبدت نور و دينا يحترفون بالتصوير جت لمياء وشافتهم
لمياء :عزالله ما طلعنا الا بكره
الين:وانتِ صادقه
دينا كشرت :خلصنا اوف
و كل وحده اخذت طلبها و بدو يتحلون ويسولفون
الفوت ⭐️
انتهى
