بسم الله
لا اسامح من يقرا بدون فوت
بالمرسم بعد ما خلصت رسمتها اخذت جوالها عشان تشوفه وبما انها فاضيه دخلت قيم ببجي مع اصدقاءها الالكترونيين وارسلت:احد موجود ؟
بعد ثلاث دقايق ارسل لها :ايوه موجود
شافت رسالته و ارسلت :ظاهر مافيه الا انا وياك
ارسل لها :شكله نبدا نلعب ؟
الين :اي
الين:ادخل فويس ماسمعت صوتك
ودخل فويس
الولد :سلام
حست انه صوت مو غريب عليها
بس ما اهتمت و بدو يلعبون
الين بحماس و فازت عليه
الين :فزتت
الولد:بالحظ
الين :اي واضح بالحظ ؟ لا يا قلبي انت نوب
الولد :الا وش اسمك ؟
الين :اسمي الين وانت ؟
الولد :غيث
الين :قد سمعته لكن مدري وين
غيث:المهم مبروك الفوز وبسكر لان عندي شغله
الين :تمام وسكرت مكالمه وطلعت من مرسم و راحت ل غرفتها
دخلت عليها نور وجلست بالكنب ناظرتها بستغراب :شفيك
نور:طفش
الين:طيب وش اسوي
نور:ماتطلعون ولا تجون
الين:طيب وراك ماتعزمين صديقتك
نور:سألتها امس قالت ماتقدر تجي
الين:وين دينا و لمياء
نور:دينا بالمطبخ اما لمياء اتوقع بالحديقه
الين:طيب شرايك ننزل ونقول ل دينا انه نبي نطلع
فزت بحماس :يلا
ابتسمت على حماسها و طلعوا من غرفه و نزلوا تحت
دخلوا المطبخ وشافوا دينا تسوي كوكيز
الين:شتسوين ؟
دينا:وش شايفه انتِ
الين :تسوين كوكيز
دينا:خلاص اجل
الين:المهم طفشنا شرايك نطلع
دينا :وين تطلعون والساعه 8
الين:يابنتي طفشنا خلينا نطلع نتمشى ولا نروح اي مكان بس يلا
تنهدت دينا :طيب شرايكم تخلونها بكره ؟
جلست نور على كرسي :طيب وش نسوي الحين
الين:لا تسأليني
طلعوا الين و نور من مطبخ و طلعوا برا وشافوا لمياء على جوالها وتشرب قهوه
جلست الين قدامها :صراحه يعجبني جوك انتِ
وخرت سماعاتها لمياء وقالت :وش قلتي ؟
الين:ماقلت شي كملي
لبست سماعاتها بدون اهتمام
عند العيال كلهم مجتمعين وكانو عازمين العيال بالحديقه ويسولفون الا فهد و عزوز كان نايمين
اياد:عبيد
عبدالله ناظره:هلا
اياد:دلني على غرفه فهيد بروح اقومه يكفي نوم
عبدالله:اكره ما عنده اذا احد يقومه
ابتسم بخبث :ماعليك بخليه يقوم و يروق بعد
غيث:يمه منك وش بتسوي
اياد:ماعليك انت بس دلوني على غرفته و بتشوفون
عبدالله:مالي دخل انا نصحتك وانت كيفك المهم تروح فوق وبعدها سيده رابع غرفه على يسار هذي غرفته
قام اياد وهو ناوي نيه قشره عليه وراح ل مطبخ اخذ جيكه مويا وراح فوق وكان معه سعد و غيث
اشر على الباب :هذي غرفته ؟
غيث:اي
فتح الباب وتقشعر من بروده غرفه
سعد:موب صاحي ذا برد ومشغل مكيف
غيث:ماتعرف فهد انت
شغل لمبه خفيفه وقرب منه وفتح جيكه وكبها عليه وانحاش
فز فهد من مويا اللي انكبت عليه وبصراخ :غيث ياكلب وشوله تكب علي
رفع يدينه غيث:مو انا
فهد:مين يعني
غيث:اياد
قام فهد ولحقه
فهد بصراخ :والله ياكلب اني ما اخليك ولحقه
نقز اياد من كنب وانحاش و وراه فهد
وراح ورا عبدالله :انا بوجهك
فهد:محد راح يفكك مني صدقني
عبدالله:خلاص سامحه هالمره
فهد :اي يصير خير ان شاءالله
وراح فوق
اياد جلس بروعه:يمه وش ذا مايمزح
عبدالله:ماقلت لك
اياد:اخر مره امزح معه
ضحك عليه غيث
اما عند فهد دخل غرفته وسكر مكيف ودخل الحمام ياخذ له شور بعد ما خلص طلع ولاف فوطه على جسمه دخل عليه بدرعمه :يلا تعال وصرخ عليه تستر الله يحوم كبدك
فهد:اطلع انت عشان اتستر
طلع هو :من زينك اصلاً
فتح دولاب وطلع له شورت و بلوفر اسود ولبسهم وتعطر واخذ جواله وطلع
ونزل تحت وما شافهم موجودين بالصاله توقع انهم برا وطلع بعد ما حط قبعه على راسه ( حنا نسميه قبعه )
وشافهم مجتمعين وناظر اياد نظرات حقد
انخرش اياد من نظراته
وجلس جمب غيث
ناظره عبدالله :تبي شاهي ولا كرك ؟
فهد:شاهي
هز براسه وصب له
سعد:غيث اعزف لنا
غيث:تروح تجيب قيتار ؟
سعد فز :ابشر بس وين
غيث:تلقاه بغرفتي
سعد :زين وراح دخل البيت و توجهه ل غرفته واخذ القيتار و طلع من غرفته و طلع برا
عطاه غيث:امسك
اخذه غيث :يلا وش تبون
سعد:تحبني
بدا يعزف غيث:
تحبني ما قلتهالك من فضول
سؤال و تحته ألف خط و إنتبه
علم جوابك في حضوري وش يقول
ويوقف لكل حرف معاي و يحسبه
أنا كذا ما أقبل أنصاف الحلول
لاحتجت منك إحساس موشرط أطلبه
ولا محبة تبقى في عمري وتطول
أو بل شوقك ياحبيبي وإشربه
إن كان به شي و في بالك يجول
أو كان خف الشوق وماني منتبه
لاتحسب إني وافر وسهل الوصول
ولا اتدور أشباهي أنا مالي شبه
رفع جواله اياد و صوره وهو يعزف و نشره بدون مايدري
فهد :الله عليك يا غيث
ترك غيث قيتار وشرب شاهيه
عبدالله:وش تبون نتعشى ترى صارت الساعه 11
غيث:بكيفكم
اياد:شرايكم بيتزا ؟
سعد:برجر
فهد:بيتزا
عبدالله:بسرعه
اياد :بيتزا
فهد:بيتزا
عبدالله ناظر غيث:وانت ؟
غيث:بيتزا
عبدالله:اربعه بواحد
سعد:خلاص بيتزا
غيث:من يروح معي نجيب العشاء
فهد:انا مالي خلق اطلع
اياد:وانا بعد
سعد:انا بروح معك
غيث:يلا قم
عبدالله :لا تنسى بيبسي
غيث:زين
قاموا غيث و سعد وطلعوا برا البيت
اما عند البنات كانوا يناظرون فلم ومندمجين
دينا:جعت
لمياء:وش تبون نطلب
دينا:بيتزا مشتهيتها
الين:معها
لمياء:وانتِ نور ؟
نور:معكم
لمياء:تبون نطلع نجيبه ولا نطلبه
الين:نروح نتعشى هناك وبعدها نمر كوفي
دينا:موافقه
لمياء:وانا معكم
الين :اجل قوموا تجهزوا
وراحت كل وحده تتجهز
طلعت دينا من غرفه وصرخت:انتظركم بسياره
طلعت نور :انا بجي معك
دينا:يلا
و نزلوا دينا و نور وطلعوا برا البيت وركبوا سياره ينتظرون لمياء و الين
ركبت الين قدام و لمياء ورا
دينا:وش مطعم ؟
لمياء:******** اشوف عليه مدح نجربه ؟
دينا:يلا
نور:شغلوا شي
الين:شتبين ؟
نور :*****
الين :طيب و شغلتها
وبدت تتحمس و ترقص
و لمياء تصورها وتضحك عليها
و الين مع نور ترقص
وصلوا و طفت الين اغنيه ونزلوا و دخلوا داخل و جلسوا اقرب طاوله
لمياء:احساسي يقول انه حلو
دينا:وش بتطلبون طيب ؟
ناظرت لمياء منيو :اممم شوفي احس واشرت على بيتزا
دينا:تمام
وقامت دينا عشان تطلب و لحقتها الين
دخلوا غيث و سعد و وقفوا ورا دينا و الين بس بمسافه بينهم
حس غيث ان صوت مو غريب عليهم وقد سمعه
اما الين كانت تقول ل دينا طلبات
بس غيث ما اهتم و بدا يسولف مع سعد
لفت الين عشان تمشي بعد مادفعت الحساب وراحت مع دينا وجلست و تنتظر طلب
اما غيث تقدم يطلب و بعد ما خلص جلس ينتظر طلب
سعد:طلبت بيبسي ؟
غيث:اي طلبته
سعد :زين الا صدق مادريت
غيث:وش ؟
سعد :شفت تركي
تأفف غيث من طاريه :وش فيه
سعد :تخيل امس وبدا يسرد له سالفه
ضحك بسخريه :ورع
شهقت من شافته
ناظرتها لمياء:شفيك
نور :ماعرفتوه
لمياء ببرود :الا غيث اللي ساكن قدامنا
دينا بستغراب :وش فيه
نور :تدرون انه مشهور بتيك
الين :مشهور على ايش ؟
نور:يعزف
الين:اما
نور :والله
لمياء:كم متابع عنده ؟
نور:حول تقريباً ثلاث الف
الين :بس ؟
نور :وش تبين اجل
الين:حسبت مليون متابع
نور:بس عزفه حلو
لمياء:اتوقع انه طلع لي اكسبلور
المهم انه جا العشاء وتعشوا وخلصوا و مروا كوفي
الفوت ⭐️
انتهى
