بسم الله
لا اسامح من يقرا بدون نجمه ،تعبي بذمتك
<الريــاض ،قصر الواصـل >
مجتمعين على الغدا يتغدون ويسولفون وسالفه تجر سالفه قاطعهم صوت الجرس راحت الخادمه دخل صالح ومعه حرمتين و ولد
صالح:وين بابا ؟
الخادمه:يتغدا
هز راسه و دخل و توجه ل غرفه طعام شاف الجد وكان بيقوم لكن حلف عليه مايقوم :ارحب ياولدي
صالح:البقى يا يبه وحب راسه و تقدمت زوجته و بنته و حبو راسه
الجد:اجلسوا تغدو
صالح:ماتقصر يا يبه افطرنا وشبعانين طاح نظره على دينا و استغرب
ناظرته دينا و وخرت نظرها
صالح:هذي بنت شروق ؟
فزت لما قال اسم امها
الجد:اي هذي بنت شروق دينا
صالح بفرحه :ياهلا والله بنت اختي
ابتسمت :هلا فيك وقامت وحبت راسه
صالح :الله يرفع قدرك انا خالك صالح
وقفت عنده بنته :انا اسمي اسرار اخيراً جت وحده كبري
ابتسمت دينا :تشرفت
اسرار :الشرف لي مسكت يدها وقالت تعالي نسولف
الجده:اسرار يمه خلي البنت تتغدى
تركت يدها :اوه اسفه
دينا :لا عادي اصلاً شبعت يلا امشي
ابتسمت اسرار و طلعوا مع بعض من غرفه الطعام
بعد الغدا جلسوا بصاله يشربون شاهي و يسولفون
الجد:ياصالح وش اخبار شركه بالامارات صار شي ولا
صالح:ابشرك يبه الشركه كلها تمام
الجد:الحمدلله
بنفس الجلسه لكن زاويه كانو جالسات يخططون وش يسوون اليوم
اسرار:تبين نطلع اليوم ؟
دينا:وين نروح
اسرار :ماليه او نروح كوفي
دينا:تم ماعندي شي
اسرار:اجل ناخذ سياره من سيارات عزوز و نروح
دينا:تم بتاخذين بدون ما تقولين
اسرار:احس مادري استأذن او لا
دينا:استأذني احسن
اسرار :امشي معي
دينا:وين
اسرار :امشي معي و اقولك قامت و لحقتها دينا
رفع راسه عبدالله من شافهم طلعوا واستغرب انه انسجموا بسرعه لكن التفت ل اصيل ولد صالح اللي كان يسولف معه
توجهوا ل حديقه و اللي كان موقف سيارات قدامه وقفت عند سيارات اربع
اسرار:شفتي سيارات هذول كلها ل خالك عزوز يعني طبي و تخيري
دينا :حبيت جي كلاس
غمزت لها اسرار :يعني ناخذها
دينا:شوفي تشارجر
اسرار:خلاص ناخذها
دينا:اجل امشي قبل لا يشوفونا وناخذ مفتاح
ضحكت اسرار :يا فاهمتني
دينا:اعجبك
ما دروا عن اللي كان يناظرهم من طلعوا من صاله الين يمشون ل باركينق سيارات من قزاز الممر و ابتسم
دخلت اسرار وهي تقول:السياره و خططنا عليها بقى فلوس
دينا:هذي سهله الحين شلون ناخذ مفتاح
اسرار:بندخل غرفته و ناخذه
دينا تنهدت من غباءها :اه منك ياغبيه اكيد بيكون بالغرفه هو
اسرار:شدراك انتِ يمكن يصير طالع
دينا:طيب متى بتاخذينه؟
اسرار سحبت يدها :امشي معي و توجهوا ل غرفه عبدالعزيز فتحت الباب و دخلوا شافو مافيه احد بالغرفه
اسرار :توقيت ممتاز
دينا وهي تراقب من الباب تشوف اذا احد جا او لا :استعجلي يلا
سحبت درج كوميدنه اللي جنب سرير :اصبري و بدت تدور
وشافت اخر درج و ابتسمت من شافت مفتاح و اخذته :لقيته
لفت دينا :متأكده انه هو ؟
اسرار:ايي متأكده
دينا:اجل يلا خلينا نطلع و لفت ل ممر و شهقت من شافت عبدالعزيز متجهه لغرفته و يكلم
دينا:جااا
اسرار :شنسوي الحين حتى مايمدينا نطلع
سحبت يدها دينا و دخلوا غرفه ملابس بعد ما دخل غرفه وسمعته يكلم :اسمع اسبوع الاول من بدايه مدرسه ما اقدر لان عندي ميد و اسبوع الثاني بعد خلها اسبوع ثالث ... لا يارجال ماعليك اجي .... اقول خلها اسبوع الثالث وانت ساكت ... يلا اجل مع السلامة و سكر ودخل الحمام
تنهدت دينا :يلا خلينا نطلع
و طلعوا من غرفه و دخلوا غرفه دينا جلست على سرير :حسبي الله عظامي تصلبت منك
اسرار:اقول ترى العشاء بنطلع زين ؟
دينا :اوك
وطلعت اسرار اما دينا تنهدت و انسدحت تشوف جوالها
العشاء نزلو وشافو مافيه احد بصاله الا جد :السلام عليكم
رفع راسه الجد:وعليكم السلام وين طالعات
اسرار:ابد ياجد قلنا نغير جو
الجد:من بيوديكم
اسرار:افا عليك نسيت اني اسوق
الجد:من وين لك سياره
اسرار:عاد هذي حليتها يلا استأذن وناظرت دينا لا تطولين
دينا:تمام و طلعت اسرار
الجد:محتاجه شي يبه ؟
دينا :لا جدي ماتقصر وباست راسه وجت بتطلع قاطعها الجد
:خوذي البطاقه و اشتري اللي تبينه
ابتسمت دينا و اخذت بطاقه وباست راسه مره ثانيه و طلعت
ابتسم الجد
<الخبر >
طلع من غرفته و نزل تحت يشوف سعد يجهز شاهي و قهوه و اياد مو موجود تكلم :وين اياد ؟
ناظره سعد:وانت رايح تخطب على ذي كشخه ؟
غيث:اي كشخه ترى كله ثوب
سعد:اخبرك تلبس ثوب بالمناسبات ؟
غيث:بما انه بيجي شخص مافيه ميانه بيني و بينه لازم اكشخ
سمعوا صوت الجرس وراح غيث يفتح اما سعد حط قهوه بالملحق
فتح الباب و ابتسم :ارحب والله يا سلطان
(سلطان خوينا اللي شافوه بالبر )
ابتسم سلطان :البقى
غيث:حياك و دخل سلطان و توجهوا ل ملحق
وسلم على سعد و جلسوا اما غيث يصب دله
سعد:اي شالعلوم
سلطان:ابد يالك الحمد كل شي زين
غيث مد له قهوه :ظاهر عقب البر ماتقابلنا
شرب سلطان قهوه :مشاغل الحياه يارجال
جلس غيث جنب سعد وسولفوا شوي و دخل عليهم اياد و سلم عليه وجلس
سلطان:الا وين فهد و عبدالله ؟
غيث:كلهم مسافرين
سلطان :الله يحفظهم
سعد:الا وين اللي كان معك ؟
سلطان:قصدك سياف ؟
هز راسه سعد
سلطان :هذا يصير اخو خويي
سعد:اها
لفت انتباه غيث حبه الخال اللي تحت عينه بجهه يمين و قد شافها بس مايتذكر وين شافها
اياد:الا وين تشتغل ؟
سلطان :اشتغل بشركه
اياد:بالتوفيق
وقعدو يسولفون شوي
<الريـاض >
راحوا ل رياض بارك و بعد ما تسوقوا جلست بتعب اسرار :يبغى لي قهوه راسي صدع
دينا:صح صح ولفت تنادي قرسون وناظرت اسرار شتبين
اسرار :ابي v60 بارده و اي شي حلى
دينا :تمام و طلبت دينا و جلسوا ينتظرون تكلمت دينا :تصدقين لفتتني اسواره حلو شكلها من كارتير
اسرار:ليش ماشريتيها
دينا:قاعده استخير اشتريها او لا
اسرار :اشتريها صح تذكرت شفت فستان حلو ويجننن لونه احمر قلت مره يناسب دينا
ابتسمت دينا :اللي كان بالمحل ******
اسرار :اي
دينا:شفته حلو
جا قرسون وحط حلى و قهوه وراح
صورت حلى و قهوه و نزلتها سناب و بدت تسولف مع اسرار
و تضحك
طلعت من سوق بعد ما اخذت اسواره اللي كان بخاطرها
ناظرت اسرار :بروحه سقتي برجعه انا
ابتسمت اسرار :اوكي و رمت عليها مفتاح
ركبت دينا بمكان سائق و اسرار جنبها وحركت مسكت اسرار سلك وتشغل اغنيه
ابتسمت دينا و بدت تدندن معها : حنا اذا نعشق نصون يا راعي القلب الشحيح
كملت اسرار :عشقي انا عشق الشيوخ مافيه معنى للرضوخ
حركت يدها دينا :ما عاش حب بلا شموخ هذا هو حب الصحيح
ماكانت تدري انه اسرار تصورها وهي تغني
لا لا تفكر او تقول ماني على وصلك ميول
مادام عندك الف قول خلك مكانك و إستريح
خلصت فديو اسرار و حفظته و نزلته ستوري سناب
اسرار :اشك عندك نرجسيه
ابتسمت :لا تشكين
وقفت لما صارت اشاره حمراء و اخذت جوالها و صورت كم صوره و سكرته من شافت اشاره خضرا وحركت
نعرف على شخصيات جديده
صالح طلع في بارت
زوجته هدى عمرها 37
اصيل عمره 20 اول سنه جامعه
اسرار 18 ثالث ثانوي
البارت طويل تفاعلوا عليه 💋💕
النجمه ⭐️
انتهى
