بسم الله
لا اسامح من يقرأ بدون نجمه ،تعبي بذمتك
<يوم جديد >
صحت الين وهي تحس راسها يوجع تأففت و قامت تغسل وجهها و طلعت شافت جدتها تفطر لحالها ورفعت راسها ترحب فيها
ابتسمت الين من ترحيب جدتها فيها وجلست :تفطرين لحالك ؟
الجده:اي سلطان فطر و راح دوامه
هزت راسها الين وبدت تفطر
ناظرتها الجده:إلا اقول يا بنيتي تدرسين انتِ ؟
الين :تخرجت من الثانوي
الجده:ماشاءالله وش ناويه تدرسين تخصص ؟
الين:ودي تمريض لكن مادري
الجده بأعجاب :اي كفو وماعليك أنا بدعمك ومعك و اي شي تحتاجينه قولي لي
ابتسمت الين :يمه ترى للحين مانسيت بشوف البوم حق امي
هزت راسها:صامله يعني ؟
الين:اكيد
الجده:زين يابنيتي بتشوفينه
ابتسمت الين و كملت فطورها
<بيت البنات >
كانت صاحيه دينا و مخططه تطلع تفطر برا هي و لمياء و نور تأففت من شافت مافيه احد بصاله و طلعت برا رفعت جوالها من رن وردت :هلا
الجد :دينا
نزلت تشوف الاسم واستغربت :جدي
الجد :السلام عليكم
دينا:وعليكم السلام
الجد:اخبارك عساك بخير ؟
دينا ابتسمت :تمام الحمدلله بخير عساك بخير
الجد:ماراح تسيرين على الرياض ؟
دينا:والله مادري يا جدي
الجد:عبدالله بيجي هو و اخوه تعالي معهم
دينا:ما اتوقع اجي
الجد:مسوي عزيمه و ابيك تجين
استغربت دينا:وش مناسبه ؟
ابتسم الجد:مناسبه انه لقيناك و منها تخرجك و تخرج عبدالله يعني جميع و تراها كبيره عزيمه و ملزم انك تجين
تنهدت دينا:وشوله والله مايحتاج
الجد:اصلاً كنت ناوي اسويها و إذا تبين اعزمي البنات اللي معك يلا مع السلامه و سكر
تنهدت دينا و التفتت تشوف لمياء تطلع و معها نور :يازينكم والله وشوله كان تأخرتو بعد
نور :شدراني عاد اف
دينا:مو وجه احد يطلع يفطر معكم
لمياء:اقول بس اركبي سياره وانتي ساكته بعد
دينا:ان شاءالله عمتي
ركبوا سياره و حركت دينا سيارتها تطلع من الحي
نور:بتمرين الين ؟
دينا:لا ما كلمتها
لمياء:تتوقعين بتتقبل الموضوع و تستوعب ؟
دينا:احس اي واتوقع هي استوعبت من يوم جدتها قالت لها الموضوع
سكتت لمياء ما قالت شي و تناظر جوالها
دينا:اي صح اتصل علي جدي وتراه ملزم علي اني ارجع الرياض و انتم معي
رفعت راسها لمياء و ناظرتها:نعم ؟ وش دخلنا حنا
دينا:هو مسوي عزيمه لي أنا و تخرجنا انا وعبدالله
لمياء:طيب بس الحين أنا مافهمت حنا وش دخلنا
دينا:أشفيك انتي ابيك تحضرين العزيمه و الين و نور
لمياء:مادري يا دينا بس احسها صعبه
دينا:مو صعبه ولا شي إذا مسكنا خط و صدقيني بنستانس
تحمست نور:لمياء تكفين يلا خلينا نجرب شعور أمراءه مستقله
ناظرتها لمياء :شدخل انتِ بعد
نور:مادري
كتمت ضحكتها دينا
لمياء:مادري يا دينا بس شوفي الين و قولي لها ونشوف
هزت راسها دينا و وقفت عند محل فطور ونزلوا
<المغرب ،بيت الجده >
جالسه مع جدتها و يشوفون البوم و تعلق الين على بعض الصور وبعض الاحيان يشاركهم سلطان قاطع لحظتهم جيه الخادمه :مدام هذا ثلاث بنات برا يبي الين
استغربت الجده :مين هم
الين :اكيد البنات جو بروح قامت الين و التفتت ل جدتها بدخلهم لمجلس عادي ؟
هزت راسها الجده :اي عادي يابنيتي
ابتسمت و راحت تستقبل البنات
فتحت نور المجلس وشغلت المكيف :حياكم يابنات
لمياء:الله يحيك
الين :اول مره توحشوني
دينا:ياوصخه
ضحكت الين:امزح
لمياء:كيفك ؟
الين:تمام الحمدلله
نور:ارجعي البيت لو سمحتي عاد لا تفلينها
ضحكت الين:برجع البيت معكم
ابتسمت دينا ودخلت الجده:السلام عليكم
قامو البنات يحبون راسها كأحترام لها
دينا:وعليكم السلام
جلست الجده جنب الين و جلسوا البنات
الجده:اي يابنيتي ماعرفتيني على صديقاتك
الين:هذول خواتي ياجده و بدت تعرفهم
ابتسمت الجده:ونعم
دينا:ماعليك زود
الجده:اعذروني مارحبت فيكم امس
دينا:لا ياخاله ماكان له داعي و بعذرك
ابتسمت لها الجده
قربت دينا ل لمياء وهمست لها:وراك انطرمتي فجأه ماتتكلمين ؟
لمياء:مدري الوضع يوتر شوي
ناظرتها دينا و التفتت ل الين :إلا صح ترى بنمشي الرياض بعد بكره
الين بستغراب:وش عندك ؟
دينا:ابد بس به عزيمه جدي مسويها و ملزم اني اجي و أبيكم تجون معي
الين:وش وضعنا حنا ؟
دينا:وش بك جدي عازمكم
الين :لمياء بتروحين ؟
لمياء:مادري والله للحين
دينا:سلامات يعني اروح لحالي
لمياء:دينا العزيمه جدك مسويها حنا وش دخلنا نروح ؟
دينا:مالي شغل انتي موافقه تروحين معي
