بسم الله
لا اسامح من يقرا بدون فوت ،تعبي بذمتك
يوم جديد الصباح الساعه 10:30 فتحت عيونها و شافت انها بغرفه غير عن غرفتها استغربت وقامت وهي تعدل جلستها و تناظر غرفه مسكت جوالها و شافت الساعه تأففت ورمت جوالها وقامت ودخلت الحمام (تكرمون)تاخذ لها شور وبعد ماخلصت طلعت وهي تنشف شعرها وقفت عند تسريحه وشافت برواز وفيها صوره وابتسمت من شافت امها ولمست صوره وخلتها
فتحت شنطتها و محتاره مدري وش تلبس لكن مادام ثواني واخذت لها بنطلون واسع و تي شيرت ضيق شوي ولبستهم وربطت شعرها واخذت جوالها وطلعت برا الغرفه ونزلت تحت
ابتسمت من شافت جدتها جالسه بصاله وتشرب قهوه وتناظر تلفزيون :صباح الخير
لفت وشافت دينا ابتسمت :ياهلا ببنيتي
باست راسها وجلست جنبها:ياهلا فيك
الجده:وراك ماقمتي و افطرتي معي
شربت فنجال قهوه:اعذريني ياجده كنت تعبانه
الجده :شبلاتس يا امي فيتس شي
دينا:مصدعه واحس جسمي متكسر
الجده:تبين اعطيك بنادول
دينا:بشرب قهوه و يمكن يخف
الجده:زين ماتشوفين شر
دينا:الشر مايجيك الا ما عندك احد
الجده:لا والله جدك افطر و طلع عنده شغل و عمانك بعد
دينا:ياعمري عمرك مخلينك لحالك
الجده:تعالي اجلسي عندي و ماتخليني لحالي
دينا:لا والله يا جده اني ما اقدر خواتي بالخبر و دراستي هناك
الجده:الله يوفقك يا بنتي
دخلت ام عبدالله وباست راس الجده :صباح الخير يا خاله
الجده:صباح النور يابنتي تأخرتي ما نزلتي
ام عبدالله :شكلك كنتِ تنتظريني
الجده:اي
ام عبدالله :عسى مايخليني و ناظرت دينا وقالت عساك ارتحتي
دينا :الحمدلله
الجده :الا وين عبدالله
ام عبدالله :نايم ياخاله قبل ما اجيك قومته
الجده:اي زين وشربت فنجالها
اما دينا تشرب قهوتها و تناظر جوالها رفعت راسها من سمعت صوته وناظرته وهو يقرب و يحب راس الجده :صباح الخير يا جده
الجده :صباح النور توك تصبح الساعه 12
عبدالله جلس جنب امه :شدعوه يا يمه تونا 11
الجده :وش كارك انت
ناظرته دينا و ضحكت عليه
عبدالله:هاو ياجده ما قلت شي بس صححت لك وقت
