بسم الله
لا اسامح من يقرا بدون فوت ،تعبي بذمتك
يوم الخميس بليل نزلت الين وهي لابسه عبايتها ومعها نور شافت لمياء طالعه من مطبخ :كل شي جاهز ؟
لمياء ناظرتها:اي ماعليك بس بقى نجي
الين:خلاص اجل انا و نور بنروح مع حنين وانتم الحقونا
اشرت بيدها 👍🏻 و اما الين و نور طلعوا برا البيت و ركبو سياره مع حنين
رقت فوق لمياء واتجهت ل غرفه دينا وشافتها تسوي شعرها ابتسمت :وش حلاوه هذي يابنت
ناظرتها دينا من مرايا :شرايك بس
لمياء:تجنينننن بس خلصتي ؟
تركت ويفي دينا و قامت والتفت :اي خلصت بس ممكن اعرف وش سالفه ؟
لمياء:ولا شي بس حنين عازمتنا و بنروح
ناظرتها برفعه حاجب :ونروح ل حنين كل كشخه هذي ؟
لمياء:اقول خلي عنك بربره و يلا نروح
اخذت شنطتها و طلعت
لمياء:اسمعي ترى انا بسوق
دينا:اوكي لان مالي خلق اسوق
نزلوا تحت طلعت دينا وركبت سياره اما لمياء دخلت مجلس واخذت هديه و طلعت و حطتها ورا و ركبت بمكان سائق
دينا:هي حاجزه شاليه ولا بيتهم ؟
لمياء:لا اتوقع شاليه لان عازمه بنات خالتهم
دينا عدلت جلستها :صراحه احس مالنا داعي نجي
لمياء:حتى انا قلت لها لكن اصرت علي
حركت لمياء بجيه فهد اللي كان راجع من النادي وتعبان تلاقت عيونهم اما هي وخرت عيونها وقف فهد و سند راسه وجلس يفكر بعيونها تنهد ونزل من سيارته و دخل البيت
بالشاليه كانو يجهزون الكيكه و هدايا الين :نووور شفتي جوالي وين ؟
نور:كان يشحن ولا ؟
الين :جيبيه
تركت جوالها نور و فصلت جوال و ودته لها
الين:ثانكيوو
نور:ويلكم
شافت اشعار من لمياء انه وصلوا :حنيننن يلا ترى عند الباب
طفت انوار وكل شي و ينتظرونها بس تدخل
وقفت لمياء عند باب شاليه ناظرت انوار مطفيه استغربت دينا :ليش انوار مطفيه
لمياء :اتوقع مابعد وصلوا يلا انزلي
تنهدت دينا منها و نزلت وسكرت الباب فزت من حست بشي على عيونها :لمياء وش تسوين ؟
لمياء مسكت يدها:ما اسوي شي امشي معي
دينا :لمياء ماني مرتاحه خلينا نمشي
فتحت الباب لمياء :لا تخافين امشي وبس
تنهدت منها وكملت مشي الين ما وصلت ل صاله و فزت من صرخوا البنات وشغلوا اغنيه ماجد المهندس (كل عام وانت الحب وحلوه سنينك)
اما هي ابتسمت ودموعها على خدها
الين وهي ماسكه الكيكه :يا دلوعه مافي شي يصيح
مسحت دمعتها :مشاعر طيب
حنين:هابي بيرثدي دينا وباستها على خدها
نور:كل عام وانتي بخير
دينا:وانتي بخير
لمياء جت وهي شايله صحون : ترى طولتوا يلا
حنين :اجل افصخي عبايتك دينا وتعالي
هزت راسها وفصخت عبايتها وعلقتها وراحت لهم
صفرت حنين من شافتها:لبى تايقر ياناس
رجعت شعرها لورا:شرايك بس
حنين :تجنننينننن يا حظ عبودي بالجمال
طيرت عيونها : وش دخل عبدالله
الين:دينا خليك منها وتعالي قطعي كيكه بصورك
دينا:قبل كذا تعالي صوريني مع كيكه و بالون
الين :يلا
وقفت دينا وماسكه كيكه و صورتها الين كم صوره
دينا:ارسليها لي
الين :تمام
حطت كيكه على طاوله و مدت لها سكين عشان تقطعها واخذتها وبدت تقطعها
لمياء:هابي بيرثدي تويو هابي بيرثدي تويو
حنين:لا تغنين تكفين
الين:وهي صادقه
شمقت لهم لمياء:مالكم شغل
دينا:ماعليك منهم غني صوتك يجنن
لمياء :يازينك بس انتي وعطتها بوسه على هواء
بعد ما اكلوا و تقهووو قامت الين :بمناسبه عيد ميلاد حلوه هذي يلا قومي وهزي لنا
ناظرتها :تستعبطين
الين وهي ماسكه جوالها و تشغل:لا ما استهبل وناظرت حنين :جايبه شالك ؟
حنين :اكيد جايبته تلقينه بشنطتي
راحت الين واخذت شال وعطته دينا :يلا قومي
دينا:ياشينك وش بتشغلين
الين :ياطبطب و دلع
ابتسمت دينا وهي تلف شال على خصرها :تعرفين تصيدين جوي
غمزت لها الين :اكيد
و اشتغلت اغنيه وبدت دينا تهز بمهاره
ابتسمت الين واخذت جوال دينا و بدت تصور وهي ترقص مقطع مدته 15 دقيقه وارسلته ل ستريك و دخلت الواتس و ارسلته لها بالخاص و بدون قصد ارسلته ل عبدالله مقطع وسكرت جوال وحطته
بدت حنين ترمي عليها فلوس :الله عاشت عاشت
جلست على كنب بتعب :اخ تعبت
حنين:رقصك يجنننن
شربت مويا دينا و ابتسمت لها
