بعيونها سِر الغرام و بدايه قصه حُبنا .

𝙿𝚊𝚛𝚝:18

بسم الله

لا اسامح من يقرا بدون فوت

نزل من فوق وشاف عزوز جالس على جواله لحاله :ها عزوز
شافه عزوز وعدل جلسته وهو لابس تي شيرت هلال :يلا جاهز
فهد :يلا وطلعوا برا البيت وركبوا سياره وينتظر سياره تحتر
عزوز:غيث بيجي ؟
فهد:قايلك بيجي ؟
عزوز:اي
فهد :اجل وينه
عزوز:ظاهر بغرفته
فتح جواله و دخل على محادثه غيث وارسل (ولد  بتجي معنا )؟
شافها غيث و ارسل (اي مشيتوا )؟
ارسل (لا )
غيث:نازل الحين بجي معكم
فهد :انتظرك و سكر جواله
عزوز:ها بيجي ؟
فهد:اي زين انك قلت لي
عزوز:ما تستغنون عني
ناظره فهد
قاطعه فتح باب سياره الامامي وطمر عزوز ورا
غيث:بتمر اياد وسعد ؟
فهد:اي
غيث:زين
بعد مامر سعد و راح يمر اياد وقف عند باب البيت ينتظر اياد يطلع
غيث:عاد اياد ليله طويل
طلع اياد من البيت
فهد:غريبه بالعاده تتأخر
اياد وهو يفتح باب سياره :مباراه الهلال مهمه اكيد ما أتأخر
غيث:الهوس
اياد:شكوو
ركب اياد ورا فهد و عزوز بالوسط و سعد ورا غيث و حرك
فهد:تبون نمر ستاربكس
سعد:متى تبدا مباراه
فهد:9:30
سعد:يمدي يمدي
و مروا  ستاربكس
فهد:شتبون بنزل اطلب
اياد:ننزل معك
فهد:اجل انزلوا
ونزلوا كلهم ودخلوا داخل يطلبون وقف فهد با لاين يطلب
فهد:عزوز وش تبي تطلب
عزوز:ايس وايت موكا
فهد:تمام
وصل فهد عند الكاشير
الموظفه:امر اخوي
فهد رفع عيونه وناظرها :لو سمحتي بطلب وقال طلباته
الموظفه:تمام كاش و لا شبكه
فهد:شبكه
الموظفه :تمام وحاسب فهد وجا بعده سعد وطلب

بعد ماخلصت من تزيين قهوه نادت بصوتها العالي :فهد فهد
رفع عيونه فهد و قام وتوجهه لها
ناظرته بصدمه :انت
ابتسم :اي ليش ؟
لمياء:ولا شي ومدت له قهوه
اخذها واخذ حق عزوز وراح و عطاه له
فهد:اخذتوا مشروباتكم
سعد واياد :اي
غيث:انا باقي وسمع اسمه وراح واخذ مشروبه وراح ل عيال
وطلعوا برا ستاربكس و ركبوا سياره وحرك ومشى توجهه ل ملعب

وصلوا و نزلوا شاف زحمه
عزوز:امه محمد ماشاءالله مابقى احد بالخبر اجل
فهد:امش بس وانتبه لا تضيع
عزوز:شايفني بزر
غيث:كملوا يوم بدون مناقره
توجهوا لمعلب وجلسوا على مقاعد ينتظرون تبدا
رفع جواله يصور و التقط كم صوره و نزل جواله
دخلوا لاعبين وبدت مباراه وازعاج  جمهور

فز عزوز وبصراخ :قولللل  وحضن سعد
غيث:يسعد امه على الهدف
فهد :من اللي سجل ما انتبهت
غيث:محمد القحطاني
فهد:كفو
وانتهى شوط الاول بتقدم الهلال 1-2
وبدا ملعب يهدء شوي غير عن كان اول
عزوز:فهيد بصور مع لاعبين
فهد:صادق
عزوز:اي
فهد:خلاص اذا خلصت مباراه نشوف
عزوز:اوك وناظر جواله

ترك جواله بعد ما شاف دخول لاعبين و واضح ابتدا شوط ثاني وجلس يتابع بهدوء

حس بتوتر بعد ما قرب نهايه شوط وتعادل فريقين 2-2 فز بعد ما سجل كنو هدف ثالث وصرخ بفرح وانتهت مباراه بفوز فريق الهلال
سعد:توقعت بيتعادلون لكن فاجئنا هدف كنو
اياد قام وهو يحس صوته راح من صراخ :وانت صادق
غيث:الله يرحم حالك انت يالله يالله تتكلم
سعد:من صراخ فقع طبله اذني
اياد:انطم وقفت علي
عزوز:طيب ممكن تستعجلون عشان بصور مع لاعبين
سعد:وانت واثق انه بيخلونك تصور معهم
عزوز رفع حواجبه :تتحدى
سعد:اي
عزوز :نشوف
فهد:اجل يلا امش
ومشوا و توجهوا ل غرفه لاعبين لكن قاطعهم منظم وهو يمنعهم دخول
عزوز: ظاهر ماتعرف اني حفيد سالم الواصل
المنظم وهو يوخر :اعذرني
(طبعاً الجد سالم معروف بالخبر و الرياض وطبعاً عبدالله حجز ل عزوز لكن ماراح عبدالله )
انصدم سعد :اخصص والله
عزوز وهو يمشي و قدامه منظم :امش معي تعرف اني مو هين
ضحك اياد على وجه سعد :مره ثانيه لا تتحدى عبدالعزيز فاهد الواصل
سعد:وانت صادق
وصلوا ل غرفه لاعبين وفتح المنظم الباب واستئذن منهم انه فيه احد بيصور معهم و وافقوا

عزوز وهو يكلم كنو :يسعد دينك على هدفك
كنو و هو يضحك :يابعد راسيا والله
وصور مع لاعبين وطلعوا وركبوا سياره
فهد:وش تبون نتعشى
عزوز:انا ما افتح من نوم
سعد:شرايك كنتاكي او مايسترو
اياد:كنتاكي
غيث:مايسترو
عزوز:ماك
فهد :كنتاكي
غيث:اجل وشوله تشاور وكل واحد رايه مختلف
فهد:مادري عاد
سعد:خلاص خله مايسترو
فهد:اوك و حرك

اما عند نور كانت جالسه على جوالها وشافت سنابه عزوز :ياحظه مصور مع ياسر
الين :مين هو
نور:عزوز
الين :اما
نور :والله وشوفي كل عيال الا عبدالله اخوه غريبه
ناظرتها دينا و وخرت نظرها
الين:وريني
قربت نور توريها
مرت نور من سنابه فيها غيث و عزوز و لاعب ياسر
تأملت غيث :هذا مو غيث اللي ساكن معهم
نور:اي هو
الين:اها
نور:ماهر في ببجي قد لعبت معه يوم رحت ل عزوز
انصدمت الين يعني هو اللي تلعب معه وتهاوشت معه
لمياء ناظرت وجهها :اشفيك
الين استوعبت :ولا شي شغلت جوالها ودخلت تويتر ودخلت حساب وتتأمل تغريداته وعرفت حسابه من صوره افتار

بعد ما تعشوا و خلصوا وصل فهد اياد وسعد بيتهم و على طول ل بيتهم
غيث:يوم متعب لكن ممتع
عزوز:صح
فهد طف سياره والتفت لهم :اقول انزلوا بس
ونزلوا من سياره وفتح باب البيت فهد ودخلوا وكل واحد راح غرفته ينام
وانتهى يوم بخيره وشره

بدايه يوم جديد صحى عبدالله و شاف الساعه 1 ظهر  قام وراح الحمام (تكرمون) تسبح و بعد ما خلص طلع من الحمام وفتح دولاب وطلع له شورت و تي شيرت ولبسهم وتعطر ونشف شعره واخذ جواله ونزل تحت وشاف غيث و فهد يتغدون
فهد:صح النوم
عبدالله:صح بدنك و وقف عند اله قهوه وسوى له قهوه
والتفت لهم  الا وين عزوز
غيث:ظاهر للحين ما قام
عبدالله:الله من امس بليل
فهد:اي
عبدالله اخذ كوب قهوته :اجل بروح اصحيه ورقى فوق
التفت غيث ل فهد :تصدق احس وراه شي
فهد:ما احس
غيث:الا صدقني وشفته ذاك اليوم مع جده رايحين ل بيت اللي قدامنا
فهد:قصدك البنات
غيث:اي فيه غيرهم ؟
فهد:تتوقع وش عنده هناك
غيث:مادري و ودي اسأله
فهد:ما تترك لقافتك
غيث:للأسف لا
فهد:اقول كمل غداك
ناظره و كمل اكله

لا تنسون الفوت حبايبي

انتهى