بسم الله
لا اسامح من يقرا بدون نجمه، تعبي بذمتك
<المغرب>
صحت بعد نومه متعبه بنسبه لها وكوابيس مسحت على وجهها وقامت من سرير ودخلت الحمام(اكرمكم الله ) غسلت وجهها وطلعت و اخذت جوالها ونزلت تحت و ماشافت احد ما استغربت لان هذي العاده دخلت المطبخ وشافت لمياء تسوي لها قهوه :مساء الخير
التفتت لها لمياء :مساء النور واخيراً صحيتي شدعوه من الظهر وانتِ نايمه
الين:عساك ما تنامين النومه هذي
لمياء:ليش ؟
الين :كوابيس و حلم اعوذ بالله
لمياء:يع ياشينها نومه اللي كذا
الين:وين دينا ؟
لمياء:طالعه عندها مشوار
هزت راسها الين :شرايك نطلع ل كوفي قريب هنا
لمياء:و قهوتي اللي مسويتها ؟
الين كشرت :معليك يابنت الحلال اشربيها بليل
لمياء:ما اقول لا
الين:اجل انا بروح اتجهز ونطلع
هزت راسها لمياء وطلعت الين و لحقتها لمياء يتجهزون
بعد نص ساعه تقريباً طلعوا من البيت اما الين اللي كان شاغل بالها غيث اللي مايرد على رسايلها ولا يرد على مكالمات بس تحاول ماتبين
لمياء:الين بك شي ؟
الين:لا
لمياء:مادري من امس ترى وانا ملاحظه
الين: لا يابنت مافيني شي
تنهدت لمياء لان عارفه انه مستحيل الين تتكلم ومن طبع الين انها كتومه وماحبت تتكلم زياده
شافت لوحه كوفي اللي كانت واضحه :اخيراً
لمياء:ترى مسافه طويله مشي
دخلوا كوفي و طلبوا وجلسوا يصورون وينتظرون طلب
الين:بتطلبين ل نور ؟
لمياء:اي اذا خلصنا وكذا اطلب لها
هزت راسها وشافت اشعار غيث اللي رد عليها عضت شفايفها بقهر وهي ناويه ماترد عليه وسفهته
<المستشفى>
كان جالس بين شباب و سوالف لكن باله مو معاه ويهوجس
لاحظه سعد و ضربه مع كتفه :شعندك انت تهوجس
انتبه غيث:نعم انت حتى بالهواجيس داخل عرض
سعد:من جينا وانت مو معنا
غيث:مشغول بالي
سعد:الله يالعاشق في ايش ؟
غيث:عاد ذا مالك دخل به
رفع حاجبه سعد بستغراب التفت اياد ل غيث:وانت متى تطلع حشى
غيث:مادري بس اكيد بليل
اياد:اخخ للحين ماني قادر استوعب ماراح تلعب معنا بالدوري ؟
غيث:خلها على الله يامسلم
فهد:ليت من اخذ تركي ودبغه (جلده يعني ) ونرتاح
ابتسم غيث:عاد هذي اصبر خلها شوي
اياد:عاد تكفى ابي يبرد خاطري به
غيث:تم
عبدالله:اقول عاد فكونا من وجهه و طاريه شين
ناظره غيث:اقول شرايك تسجل لي خروج لان مليت
قام عبدالله:بروح اشوف الدكتور واجي وبسجل لك خروج
سعد:بجي معك
طلعوا سعد و عبدالله اما اياد و فهد يحاولون يساعدون غيث بالقومه و يرتبون اغراضه
بعد ماخلصوا طلعوا العيال من مستشفى متوجهين ل بيت
سعد وهو جالس بالوسط ويحس بتوتر :اقول اياد شرايك نغير مكان
ناظره اياد :ليش؟
سعد :تعرف انه فيني فوبيا من قعده بالوسط
ناظره فهد وضحك :تستهبل
سعد:لا والله ما استهبل
اياد:وش فوبيا الغريبه هذي
سعد:احمد ربك بس و خلنا نغير
عبدالله:مايحتاج وصلنا
وقف عبدالله عند البيت وفتح غيث الباب يحاول ينزل لكن انتبه ل عيون اللي كانت تناظره من اول ما وقفوا وابتسم اما هي اللي خافت من شافت عكازه و رجله ملفوفه شاش
قبصتها لمياء بمعنى انتبهي ل عمرك ولا تجيبين العيد
شتت نظرها الين وكملت مشي اما غيث اللي دخل البيت وجلس بالصاله
نزل عزوز و شافهم مجتمعين :السلام عليكم
التفتوا كلهم وشافوه :وعليكم السلام
طاح نظره على غيث اللي جالس على جواله و ماد رجله وملتفه حولها شاش :سلامات سلامات ماتشوف شر
غيث:الشر مايجيك
رفع راسه عبدالله و ناظره :وانت وينك مختفي ؟
جلس عزوز جنب فهد:ابد رجعت من مدرسه ونمت وبعدها قمت العب سوني
عبدالله:اخذ عقلك سوني ذا شكلي بحرمه
ناظره بصدمه :تستهبل انت
عبدالله :لا
عزوز:ان اخذته ترى بعلم ابوي انك تدخن
ناظره بصدمه عبدالله ولا قدر يتكلم باي حرف
ضحك عليه فهد :عرف يسكتك
ضحكوا العيال وابتسم من جاه اشعار ودخل محادثه على طول يرد عليها (اي سمي ؟)
ناظرت رساله وردت (ابي اشوفك بالحديقه ممكن ؟)
رد عليها (متى ؟)
ارسلت له (تبي الحين او بكره ؟)
رد عليها (خليها بكره )
حطت فيس على رساله 👍🏻 وطلعت برا محادثه
أنت تقرأ
بعيونها سِر الغرام و بدايه قصه حُبنا .
Любовные романыتبدو كالموسيقى تأخذني بعيداً عن واقعي .
