بسم الله
لا اسامح من يقرا بدون فوت ، تعبي بذمتك
الصباح الساعه 9:00 قام واخذ جواله وشاف الساعه و وخر لحاف عنه ودخل الحمام ياخذ له شور وبعد ماخلص طلع ولبس ثوبه و تعطر وعدل شعره و اخذ جواله و شنطته حقت ملابس و نزل تحت شاف الوضع هدوء تنهد و طلع برا البيت وحط شنطه ورا و دخل البيت مره ثانيه شاف بيستو نايم على سجاده جنب الدرج رقى فوق و توجه ل غرفته و اخذ اغراض بيستو وناوي ياخذه معه نزل تحت واخذه و طلع برا البيت و ركب سياره وحرك
متوجهه ل ستاربكس ياخذ له قهوه و يروق
دخلت كوفي و هي ماخذه فتره صباحيه تشتغل فيها سمعت موظف يقول :لمياء تعالي خوذي طلبات درايف ثرو
تأففت لمياء:يالله صباح خير طيب بس دقيقه وراحت ل حمام نساء تعدل شكلها وتلبس كاب حق ستاربكس وحطت مايك وبدت تاخذ طلبات
وقف سياره وهو ناوي ياخذ قهوه :السلام عليكم لو سمحت ابي واحد قهوه مثلجه
لمياء: الحجم ؟
رفع عيونه والتقت عينه بعيونها ابتسم :لارج
توترت من ابتسم :عندك نقاط بستاربكس ؟
فهد:ايوه و دخل على ابلكيشن ستاربكس وبعد ماخلص حرك يتوجه ياخذ قهوه و يمشي
نسرع الاحداث (بيت عيال ،الظهر )
نزل و شاف غيث جالس بصاله و يتقهوى و عزوز يلعب بجواله
جلس بالكنب ومد ياخذ دله و فنجال يتقهوى :السلام عليكم
غيث:وعليكم السلام صح النوم
عبدالله :صح بدنك الا وين فهد ماله حس
غيث:سافر
رفع راسه عبدالله :متى ؟
غيث:الصبح
عبدالله:وين راح له ؟
غيث:ل ديرته ابوه دق عليه وراح
عبدالله:الله يحفظه
عزوز ترك جواله وقال بجوع:وش الغدا تراني جوعان
غيث:متى ما جعت انت
عزوز شمق له
عبدالله:تبون نطلع نتغدا ؟
غيث:اذا عازمنا مانقول لا
عبدالله:عازمكم
فز غيث يحب راسه :جعلك التوفيق
عبدالله:شدعوه كل هذا عشان عزمتك
قام غيث وهو بيروح فوق :اقول فارق بس لا تصدق نفسك
عبدالله:شكلي بهون
عزوز ناظر غيث وهو يرقى:ياتبن ماصدقنا على الله يعزمنا وانت تبيه يهون
وقف بالدرج و التفت :ياولد الحلال ترى امزح معك
قام عبدالله و هو يشرب فنجال ويحطه على صنيه :انتظركم بسياره والتفت ل عزوز قم البس انت
