بسم الله
لا اسامح من يقرا بدون فوت ،تعبي بذمتك
العصر كانو جالسين حول بعض وبدا الجو يبرد عليهم تكلم سعد :اياد جبت الحطب ولا لا ؟
اياد:اي شفه بدبه سياره
هز راسه وقام ولبس فروه و توجه ل سياره وفتح دبه واخذ حطب
(دبه اللي شنطه سياره )وسكره وتوجه لهم وقال:معكم ولاعه ؟
طلع عبدالله من جيبه ولاعه ومد له واخذه سعد وحط الحطب واشتعل
مد يده غيث وقال:جعل من جابك بالجنه
ابتسم سعد وتمتم :امين
لمح اياد واحد يلعب على دباب و معه واحد يلعب معهم و واضح انهم تايهين
اشر عليهم وتكلم :ياعيال شوفوا
فهد:واضح انهم تايهين
غيث:جايب خبر العيد انت ؟
رفع حاجبه فهد ولف لهم
انتبهوا من شافهم متجهين لهم و وقفوا مسافه شوي بعيده
قام عبدالله :حياكم و تفضلوا
نزل من دباب :الله يحيكم
عبدالله:واضح انكم متورطين
وقف قدامه وقال:اي والله يا خوي وقلنا ماراح نبعد وبعدنا و تورطنا
عبدالله:اقلطوا اقلطوا هذا مكانكم
ابتسم والتفت ل اللي معه وجلسوا
قام غيث واخذ دله و صب له واخذه :تسلم
غيث:الله يسلمك
عبدالله:الا وش اسمك
ابتسم وقال :سلطان
فهد:ونعم واللي معك
سلطان:ماعليك زود اسمه سياف
جلس غيث جنب فهد وهو يشوف سلطان ويناظره
قام اياد واخذ مويا و عطاهم
بعد وقت من تعارفهم قام سلطان :اجل انا استأذنكم يا عيال و عاد بشوف
دقه سياف والتفت له وقال :ياولد حقي بقى شوي ويخلص
سلطان:يالورطه ماشفته قبل ما نلعب
سياف:نسيت
سلطان:متى تذكرت انت
شمق له سياف و وجه نظره لهم
عبدالله:يارجال والله ماتتحركون الا وانتم متعشين
سلطان ابتسم:ماتقصر والله لكن والله اخويانا الحين شكلهم يدورونا
عبدالله:قلت كلمه
سلطان:لا هنت والله
التفت فهد ل غيث ودقه:شفيك انت اكلت رجال بنظراتك