بسم الله
لا اسامح من يقرا بدون فوت
دخلت عليها غرفه وشافتها نايمه قربت منها :اوفف يا نور يكفي نوم يلا قومي
نور بنوم :اصبري ياخي ماعندك شغل بالبيت الا انا
لمياء:اقول قومي لا اعلمك شغل
قامت نور وشعرها منتفش وجلست بنص سرير:نعم خير وش تبين ؟
لمياء:قومي الساعه 8 بليل وانتِ للحين نايمه
نور:لهدرجة مزعجك نومي خليني انام ومتى ما قمت قمت
لمياء:والله ؟
نور:اي بس تكفين خليني انام
لمياء رحمتها :خلاص انخمدي مالي شغل فيك
رجعت انسدحت :كفو يابنت
وطلعت لمياء من غرفه ونزلت تحت
شافتهم مو موجودين بالصاله اكيد بالحديقه وطلعت برا
لمياء:خير ولا تعزموني قليلات ادب
الين:عجزت وانا اقومك ماقمتي
لمياء جلست بقرب نار عشان تتدفى:لا تلوميني رجعت وانا مافيني طاقه ونمت من تعب
دينا:اقول وش تبون نتعشى ؟
لمياء:صراحه اول شي ابي قهوتي بعدين عشاء
صبت لها فنجال ومدتها لها
الين :اقول يابنات شرايكم نطلب من ****
دينا:ها وش قلتوا ؟
لمياء:لا فيه ***** حلو
الين:لا اللي قلته حلو
لمياء:يابنتي ماتعرفين حلى بس
دينا :لا هذا ولا ذا شوفوا مطعم *****
الين:دينا ماطفشتي منه وانتِ تطلبينه
دينا:يابنتي لذيذ
الين:طفشت منه ابي مطعم جديد
لمياء:اقول اسكتوا بس ماراح تتعشون الحين خلونا نفكر وش نسوي بالمستقبل مجهول
الين:تصدقون انا للحين ما اخترت تخصص ولا اي حاجه
دينا :لاحقه تونا بالترم الثاني بقى ترم
اما عند عيال اللي كانو بالبيت بعدين طلعوا وراحو ل استراحه وطبعاً عزوز راح ل بيت تيام
بالاستراحه
اياد:وين عزوز ما جبته معك ؟
عبدالله:رايح ل خويه
اياد:اها
سعد :لا يكون اشتقت ل مناقر معه ؟
اياد:اي والله
غيث:بزر
اياد:خف علينا يا كبير
تسند فهد :اقول وش عشاء ؟
سعد:يادجاجه اصبر تونا
غيث :الا اقول شخبار تركي واللي معه
اياد:واضح متوعد فيك يا غيث
غيث بسخريه:مابقى الا ذا ورع يتوعد فيني
عبدالله:غيث يرحم امك ارحمنا من مشاكلك
غيث:انا بريئ لكن الناس تجيني
فهد:بسم الله عليك
رمى سعد يد على غيث:قم بكسر راسك
غيث بحماس:تخسي وبدو يلعبون
اما فهد و اياد يناظرون بجوال
و عبدالله يفكر فز من صراخ سعد وهو يقول :غش ياولد
غيث:انت ماتعرف تلعب مو مشكلتي
قام عبدالله وقال :ياعيال عندي مكالمه و برجع
وطلع
اياد ناظر فهد:احس عبدالله مخبي شي
فهد تنهد:مو بس انت اللي تحس كلنا حاسين
اياد:طيب ماعرفتوا وش هو
فهد:لا
اما عند عبدالله طلع من استراحه ويرد على اتصال :امر ؟
الجد:ماصار شي ؟
عبدالله :لا والله
الجد:متى بتتحرك وبتسوي اللي بقولك عليه
عبدالله:ياجد انا حالياً هالاسبوع منضغط لكن ان شاءالله اسبوع الجاي
الجد:طيب وسكر
تنهد عبدالله ودخل داخل
الين :تصدقون بنات
ناظروها
الين بدموع :اشتقت ل امي
فزت دينا وجلست جنبها :هاو يا الين وشوله الدموع هذي وحضنتها
لمياء:مو بس انتِ لحالك حتى انا
دينا:خير بنات بتقلبونها صياح
الين ماردت عليها
لمياء:لا تلومينها لانك ماجربتي شعور
دينا:تستعبطين انتي مو كلنا طلعنا من دار الايتام اكثر وحده تألمت من ترك امها هي انا تركوني وعمري خمس سنوات رمتني و راحت كنت انتظرها تجي تاخذني لكن ما جت و ضحكت بسخريه الحين تلقينها مبسوطه بحياتها وناسيه انها عندها بنت
بدار الايتام تحديداً بمكتب مديره ضرب طاوله :شلون طلعت وانا محرص عليها
مديره:يا خوي البنت تعدا عمرها 17 وصار عمرها 18 مايصلح تجلس هنا
ناظرها :مو شغلي هالكلام فاضي هذا ابيك تطلعين لي عنوان البيت
المديره ناظرته ببرود:ما اعرفه
ناظرتها الجده :صدقيني ان عرفت او سمعت انك تعرفين ماراح تلومين نفسك صدقيني وطلعوا وتركوها بصدمه
ركبت سياره الجده وبعدها ولدها
الجده:وين ممكن تكون راحت
ولدها سلطان :مادري لكن صدقيني بدور عنها الين القاها
نرجع ل بنات بعد ما صاحوا ومسحوا دموعهم
الين:يلا وش العشاء جوعانه
ناظرتها دينا :بعد ماصحتي تسألين
لمياء:اقول نطلب من ***** احسن
الين:لا عاد ما ابيه
دينا:اجل استعجلي طلعي لنا مطعم زين
اخذت جوالها الين وهي تتأفف وتدور بموقع
شرايكم بمطعم *****
لمياء:اشوف عليه مدح نطلبه ونجربه ؟
دينا:طيب يلا
وطلبت الين بجوالها
دينا:الين
الين :هلا
دينا :بتدخلين بمسابقه الرسم ؟
الين:مادري محتاره
لمياء:هي متى ؟
الين:تقريباً بعد شهرين
دينا :استخيري بس واشتركي يمكن تفوزين
الين:بشوف
لمياء:انا من رايي انك تشتركين
دينا بجوع :طيب وش نطلب اخلصوا
الين :انا قلت لكم مطعم *****
لمياء:معها نجربه
دينا:اوك
قاطعهم نور وهي توها قايمه من نوم ويالله يالله تفتح
نور:كأني سمعت بتطلبون
لمياء:بطينيه انتِ
نور :اقول كم ساعه بس ؟
دينا:10
نور:اها
لمياء:صليتي طيب ؟
نور:الحين
لمياء:قومي
قامت نور وهي تأفف :لا تنسون تطلبون لي و دخلت داخل
صباح الخير
الفوت ⭐️
انتهى
